نادي الهلال السعودي - شبكة الزعيم - الموقع الرسمي - التـــحـــــدي الــــــكـــــبير ..

اهلين حبايبي ( والله مشتاق لكم بالحيل ):D

انا كل اللي اقوله قبل لا تقروووون , ترا القصه طويله بس تستاهل القرايه .. < -----:rolleyes:

في يوم ما مثله من ايام السنه ..
كان الجو غير .. مهوب صاحي ..
غائم جزئياً وماطر على الادب والشعر وضواحيها واهل الفكاهه والمرح مسيرين على الادب والشعر علشان الربيع اللي جاهم ...
يعني باختصار كان الجو باريسي .. ( ايييه هين تحلموووون والله ) :D

وفي هذا اليوم السعيد كان اعضاء شبكة الزعيم وبالاخص اعضاء المجلس العام مجتمعين عند البوفيه وجالسين يتسامرووون ويتمازحووون فيما بينهم والشباب طبعاً على اليمين والصبايا ( اخص ياالبناني ) على اليسار ....... ( تحلمون اخلي الدعوه اختلاط :D )

الاعضاء المتواجدوووون :
من الشباب ... الاسطى رامبووو قائد الشباب , وسفر الذراع اليمين لرامبوو ..( مشرفينا عاد مانقدر ننساهم ) , وفتى الذهب , وعاشق النمر , والحبحر الحار ..

ومن البنات ... هلاليه حتى الموت , محبة الزعيم , الريم , عاشقة الهلال , منيره ؟؟ ..

رامبووو جالس يزهب الساندويشات للاعضاء المتواجدوووون والباقيييين جالسين يسولفووون مع بعض , وفجأة احتد النقاش بين الحبحر الحار و محبة الزعيم ... تن ترارااااااام << ---- موسيقى تأثيريه

الحبحر الحار : اقووول والله اننا احسن منكم يابنات الحلال
محبة الزعيم : ويه ويه وش احسن منا فيه انشاءالله ؟؟؟؟
الحبحر الحار : في كل شيء طبعاً , بس اقدر اقول في المهارات حنا احسن منكم وانتن ( ياهووو انتن .. والله رزيتك ياحبحر ) .. المهم وانتن مهما كان .... بناااااات و ما تجارونا في المهارات
محبة الزعيم : لا والله ؟؟؟ طيب انت شفت مهاراتنا بالاول وانت ومع وجهك:eek: .. وثانياً كتاباتنا احسن منكم .
الحبحر الحار : يجيب الله المطر ( توهق ويبي يقفل الموضوع )
محبة الزعيم : طيب تحدونا الحين في اي شيء وشوفوا اذا مافزنا عليكم واثبتنا لكم اننا احسن منكم في المهارات .. ( اخص على التحدي .. قول وفعل والله :D )

كان الكلام اللي فوق مجمل الكلام اللي صار بين الحبحر و محبة والكل كان يترقب الساجله الحواريه بشقف ( اقولكم عندي تعابير مدري من وين اجيبها .. قولوا ماشاءالله عاد )!!!

هنا نط رامبوووو في حلق الحبحر الحار وقاله :
خير يا حبحر اشوفك قمت تتحدى البنات من وراي وانا المعلم الكبير هنا والا انت نسيت ؟؟؟؟ ..( راح فيها الحبحر )
الحبحر الحار وهو يرتجف : لا والله طال عمرك انت الكل في الكل بس قلت اتناقش بدالك علشانك مشغووول بالساندويشات اللي تضبطها ؟؟؟:confused:

قال رامبووو : سفر تعال كمل شغلي خلني اشووووف وش عندهم هذولا يتحدون من وراي .
سفر : ابشرررر يا معلم رامبووو رح انت ضبط الامور وانا باكمل السانويشات ..( والله راحوا فيها من دخل رامبوووو في الموضوع )

رامبووو : يا عاشقة الهلال بالاصاله عن نفسي << ---- مهوب اصاله نصري وبالنيابه عن شلتي << ---- نيابه ولا محكمه ... نحن نعلن التحدي عليكم ( عليهم عليهم :D )
عاشقة الهلال : اقووول قم بس قم ( ول عربجيه البنت )
رامبوووو : طيب ان ما خليت اسمك حاقده , ماكون رامبووو واقبلي التحدي علشان نشوف بس
عاشقة الهلال : ان ما نسمتك يا رامبووو الشين ماكون عاشوقه ..:eek:
رامبووو : حلووووووو انتي جبتيها وش رايكم تتحدونا في مباراة لكرة القدم , ونشوف من يفوز بالمهارات احنا ولا انتم < --------- على باله ذكي انه وهق البنات .. اهع اهع

عاشقة الهلال : وش رايكم يا بنات ( يقالها ديمقراطيه الحين )
البنات بصوت واحد : قداااااااااام < ------ والله توهقو الشباب
رامبووو : هاه شباب نقول قدام بعد احنا والا وش رايكم
الشباب بصوت وحد ما طلع واحد هالمره :p شكلك تبي توهقنا رامبووووو بس يالله ترانا فاصلين الريوس

*************** التحدي ***************

اتفق الجميع على مباراة كرة القدم الفاصله التي سوف يتبين من خلالها من سيربح المليون ( هاهاهاهاهاه جريتكم صح ) ... من سيربح المعركه ..

الشباب بقيادة الاسطى رامبوووو , و الصبايا بقيادة عاشقة الهلال

وبدا رامبووو في تحمية الشباب وتمرينهم للمباراة لان اللياقه مش ولا بد ( قايل لكم توهقو الشباب :D )

رامبوووو بدا في تمارين الضغط والهروله وجاب لهم تمرين مادري وش موقعه من الاعراب , بعد ماوقف الشباب صف واحد , ويمر على كل واحد ويسطره بمربوعه على خشته بكل مااوتي من قوه على باله بيشوف قدره تحملهم الحين ( بس هو رامبووو ابخص عاد ) !!!!

والبنات بعد يتمرنون < ====== موب عاقلات هاللي بيشاركووون في الاولمبياد:eek:
بدت فيهم عاشقة الهلال بتمارين الباليه والقفز بعصا المكنسه من فوق اسوار المنتدى ... وسبحان الله تطمر البنت وش حليلها من فوق السور وترجع للمنتدى خشتها رايحه فيها ومنحاسه وحالتها حاله ( اثرهم يطمرووون على الابتدائيه اللي جنبنا )

وانتهت الاحماءات التي استغرقت شهوراً عده على خير وقدرت الخسائر بما هو آآآآآآآآت :

سفر <===== التواء في المعصم دخل على اثره المستشفى وشكله والله العالم موب لاعب في المباراه ............ ( تمويه جرايد )

فتى الذهب <===== هذا ماشاء الله اقواهم تحمل التدريبات بحزم لانه ناوي يأدب البنات .. ولا جاه شيء

عاشق النمر < ===== جسدياً ماجاه شيء بس تحطم نفسياً وجبر التحطم هذا وعدت السالفه والحمدالله

الحبحر الحار < ===== جاحد نص التمارين علشانه يعرف رامبوووو ومع ذلك بيشترك في المباراه ( واسطات عاد )

الريم < ===== انشق فستانها الاحمر يوم تمارين الباليه ووعدتها عاشقة الهلال بفستان جديد وانتهت المشكله اشوىىىىىىى

محبة الزعيم < ==== سبحان الله مستانسه ومتحمسه للمباراه اكثر وحده

منيره <==== دخلت المستشفى علشان ظفرها انكسر وهي توها مصبغه اظافرها بالمونيكير وشكلها موب مشتركه

هلاليه حتى الموت <==== هذي ماجاها شيء بس قامت تصيح على عاشقة الهلال علشان ما تخليها تتمرن تمارين اضافيه لانها منقهره من عاشق النمر وتبي توريه شغله في المباراة ( توووووووهق عاشق النمر )

وبعد احصاء الخسائر اتفقوا الشباب مع الصبايا ان المباراه تكون الاسبوع الجاي .. الله يستررررررررررررررر;)

والاسبوع الجاي المعلق الرياضي BoW WoW سوف يحدثكم من ارض الحدث ... تابعونا ..... ( كونوا معنا نحن معكم ):D

هاه شباب , صبايا بالله عطوني رايكم بكل امانه ....... اكمل ولا اكمل :rolleyes:

يلا تقبلوا تحياتي ..
I'm BoW WoW ...:cool: