=============================السلام عليكم===============================
حياكم الله
شباب انا داري ان كل واحد داخل ورافع كمومه وبيده عجره لكن هذي هي الحقيقة اقسم بالله العظيم
وش لون؟!
انتم تعلمون ان جريدة الرياضية هي الجريدة اللتي يتعامل بها الرياضيون بمختلف ميولهم
لكن هالشيء هذا مو في صالحنا
بتقولون
ليش؟!
انا اقول لكم ليش
هالمرة مو ((نجس النية))
ولا واحد من اعضاء الورق المراسلين في صفحة البريد
لا هالمرة هو مننا حنا
لان الجريدة حبت تكون محايدة وتستفسر عن رأي الجمهور عامة عن افضل لاعب آسيوي
بعد المهايطات والتحديات والمراهنات الصحفية سواء من القراء او الاداريين او الاعبين انفسهم
لذلك فيه تصويت عن طريق النت او الجوال
صوت بالجوال وبشرح لكم كيف تصوتون عبر جوال الباندا او غيره من الجيل الثالث او التصويت من جوال قديم كبرج العرب والفيصلية
او صوت عن طريق النت عبر الدخول الى موقع جريدة الرياضية اللي هو
www.arriy.com
طبعاً انا بشرح لكم لكن بعد ان اوضح شي واحد بس:
اللي هو اني تفلسفت على واحد من الربع اتحادي وقلت له وحنا في المطعم نتصفح الرياضية بعد ما شفنا اعلان التصويت ان اللي بيربح التصويت سامي وبفرق كبييييير عن الاتحاديين مبروك والمنتشري قال طيب صوت من جوالك وبصوت من جوالي للاعبين اللي انت تبيهم واللي انا ابيهم قلت شف خلنا محايدين بصوت لهلالي واتحادي وانت صوت لهلالي واتحادي قال طيب فصوت انا لسامي و المنتشري((لان حظوظ المنتشري ضعيفة
))
وهو صوت لسامي ومبروك
المهم افطرنا وطلعنا ورحنا لمقهى انترنت ودخلنا موقع الرياضية نبي نشوف نتائج التصويت
ويا ليتنا ما شفنا طلع
مبروك زايد اعلى من سامي بـ6 نسب((6%))
فلذلك صوتو عشان نكسب الرهان وانا ما يحتاج اشرح لكم من تصوتون له ومن ما تصوتون له
اما بانسبة لـــ((
شـــرح طـــريــقــة الــتــصويـــت ))
جوال الباندا وما شابهه :
-ادخل القائمة
-بعدين الرسائل
-بعدين رسالة جديدة
-بعدين انشاء رسالة قصيرة
-بعدين بيطلع لك الى يعني الرقم اللي ترسل له الرسالة اكتب 80811
-بعدين اضغط زر تحت
-بعدين اختاروا ارقام الاعبين اللي بتصوتون لهم وهم كالتالي:
______________________________________________________________
اسم الاعب / البلد / النادي / الرمز
سامي الجابر / السعودية / الهلال / 11
حمد المنتشري / السعودية / الاتحاد / 12
مبروك زايد / السعودية / الاتحاد / 13
علي كريمي / ايران / بايرن ميونخ / 21
جواد نيكونام / ايران / باس / 22
لي يونغ بيو / كوريا الجنوبية / توتنهام/ 31
بارك جي سونغ / كوريا الجنوبية/ مانشستر يونايتد/ 32
شسوكي ناكامورا /اليابان / بيلتيك / 41
هيد نوشي ناكاتا / اليابان / بولتون / 42
ماكسيم شاتسكيخ /اوزباكستان / دينامو كييف / 51
_________________________________________________________________
يعني مثلا اخترت سامي وعلي كريمي وماكسيم
تكتب 11بعدين مسافة اللي هي رقم صفر بعدين 21 بعدين مسافة اللي هي رقم صفر بعدين 51 وبعدين تحط ارسال
ملاحظة هامة:
اولا: لا يهم ما هي اللغة المكتوبة
ثانياً: لازم تكتب ثلاثة لاعبين لا اقل ولا اكثر
ثالثا:لا تنسى انك تضع مسافة بين رموز الاعبين
رابعا: اذا ارسلت الرسالة بيردون لك بعد فترة قصيرة يقولون لك بالانجليزي او بالعربي ان تصويتك وصل
خامساً:
ترا فيه جوائز عبارة عن اشتراك سنوي في الرياضية بعد ان تدخل الاسماء السحب واذا فزت بيرسلون لك رسالة يباركون لك فيها او يدقون عليك لكن بعد اسبوع او اكثر مثال مكتوب:
11 21 51
بعدين ارسال
اما بالنسبة للفيصلية وما شابهه:
-القائمة
-الرسائل
-رسالة جديدة
-اختر الارقام اللي تبيها مع ترك مسافة واحدة فقط مثل المثال السابق اللي هو
مثال مكتوب:
11 21 51
ام بالنسبة لـــ((
شـــرح طـــريــقــة الــتــصويـــت عن طريق النت ))
فهي ابسط ماا يكون لكنها مخصصة للاعبين السعوديين ولا يمكن اختيار سوى لاعب واحد
اكيد سامي
طريقة التصويت هي كالتالي:
-ادخل هنا
www.arriy.com
-اذا اكتملت الصفحة بيطلع لك مربع تحت على اليمين
-مكتوب في المربع كالتالي:
قبل أعلان الأتحاد الأسيوي في 14 نوفمبر عن الفائز بجائزة أحسن لاعب في 2005 م ؟ في رأيك من يستحق الجائزة
× مبروك زايد
×
سامي الجابر
× حمد المنتشري
صوت لابو عبد الله او احد الاعبين بحسب وجهة نظرك واضغط زر تصويت تلقاه باللون الاصفر تحت تبي تطلع لك النتايج والله الموفق
ملاحظة هامة جداً:
الرسالة في الجوال ب4 ريال لكن ما تغلى على بو عبدالله
يالله يا شباب صوتو وش تنتظرون والتصويت لسببين:الاول عشان اذا خسر سامي لا سمح الله الجائزة الاسيوية يكون
على الاقل ربحها او استحقها على الصعيد المحلي
الثاني:عشان نعلم الناس ان الهلال كريم في التصويت واذا جبنا فرق كبير يكون اثبتنا اننا اكبر نادي جماهيري في السعودية
يالله يا شباب الهمة وارجو التثبيت من المشرفين نظراً للاهمية وبتعرفون كلامي زين اذا نزلت النتايج
مبروك زايد افضل لاعب في السعودية!! 
(لا يلدغ مؤمن من جحر مرتان))
الوضع العادي
