|
فزعتكم يا شباب ... ابي جواب لسؤالي السلام عليكم بصراحه يا شباب انا لي فتره مسافر واقرا الجرايد من فتره لفتره واشوف في تدريبات الهلال اسامي جديده اول مره اسمعها فياليت واحد منكم يتكرم ويقول لي من هم اللاعبين الجدد واذا ما فيها كلافه يقول لي مركز كل واحد وهل الهلال سجله ولا توه ولكم شكري وامتناني اخوكم : الهلالي المدهر ملاحظه : بالله افزعوا معي لاني لي فتره ادربي دميجتي ولا ادري وين الله حاطني فيه بالنسبه للاعبين الجدد |
هلا اخوي .. والله مشكلتي نفس مشكلتك للأسف :( ولا ادري من جا جديد .. بس قريت عن واحد نسيت اسمه .. يقولون زين ويمكن يكون له مستقبل .. اعذرني والله نسيت الاسم .. تكلفت .. والا ؟؟ :D |
مساء الخير اسمع عن كم لاعب منهم واحد اسمه العمودي يلعب وسط ايمن ومنهم واحد اسمه خالد عزيز يلعب محور ومنهم واحد اسمه سعد الطمره ويلعب رأس حربه وشكرا |
اختي هلاليه سدير : يا حبذا ثاني مره اذا شفتيني كاتب موضوع ما تردين علي ابد ................ وش دعوى .. ؟؟؟؟ تراني امزح مشكوره وما قصرتي ومجرد ردك علي يكفي وعلى قولة المثل الجود من الماجود ( الموجود ) انتي ملاحظه اني قلبت الدعوى شغل ذبايح :D اخوي الشلهوب الموهوب : الله يهديك ما لقيت اقصر من ذا الاسم وعلى العموم مشكور على المشاركه وعلى المعلومات عن الثلاثه بس ما ادري اخوي ما تدري هل هم تسجلوا في الكشوفات والا كالعاده يجون لاعبين يتدربون معنا ويسجلون في انديه ثانيه بعد ما نفرط فيهم ؟؟؟؟؟؟؟؟ |
فيه لاعب جديد صاعد من درجة الشباب.. اسمه بدر الخراشي... وهو يلعب مع منتخب الشباب...وللأسف هو الوحيد الهلالي في المنتخب.. |
هلا والله وغلا يا اخوي فهد بريق الماس مشكور وانا اخوك على المشاركه اما بالنسبه للاعبين الهلاليين في المنتخب فلا يهمك وانا اخوك على حسب كلام الاخت هلاليه سدير والاخ الشلهوب الموهوب ان فيه مجموعه مواهب في الهلال وكلها صغيره في السن يعني اذا ما مسكوا المنتخب الحين بيمسكونه بعد فتره بسيطه باذن الله ومشكور مره ثانيه على المشاركه |
سلام ياحلوووين فيه برضه لاعب اسمه عبدالله الزياد (ظهير ايسر) انتقل للهلال من نادي المزاحميه عن طريق مؤسس النادي اطال الله عمره ويالله مع السلامه |
هلا والله يا خالد 79 ( حشا يا اخوي ددسن ذا ):D الله يبشرك بالخير قل آمين بس ما قلت لي هل اللاعب هذا كويس والا مساء الخير كيف الحال ؟؟؟؟ يا ليت لو تكمل جميلك وتقول لي انه لاعب منتاز وانا اخوك والف شكر لك على المشاركه اخوك : الهلالي المدهر |
| الوقت المعتمد في المنتدى بتوقيت جرينتش +3.
الوقت الان » 12:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd