الاخ سعود

ليش ياخي زعلان على موضوع لعبة البقره ، تراها على اسمها لعبة بقره .
وصدقني لو اني داري انك ناقلها قبلي مانقلتها للمنتدى وصدقني اني ما قريت
الموضوع في المنتدى من قبل والا اكون غبي .
بعدين ركز زين انت حاط بقر وانا حاط ثيران ، ليش الزعل ياخي وليش تخلي المشرف
يزعل معك ويقفل الموضوع ؟.
بعدين ياخوي سعود والله لوانك كتبت مواضيعي كلها( ماوالله من زين المواضيع )
ماقلت لك ليش .
ولا وبعد تقول اعقل ! ليش شايفني مجنون؟ الله يرحم حالك لوانك تعرفني قبل سنتين
وش بتقول ، انا الان عاقل مثل عاقل ال مره المربط .


الاخ J.A.J

الله لا يبارك في المكان اللي تعارفت عليك فيه(آآآآآآ خلني ساكت ) ، والله ان ما عقلت لعلم عليك .
بعدين تراك بذيتني بهاالسايكلون جعل السايكلون تطير عشت غنمكم اللي مضايقه
للجيران ومعذبتن البلديه ، ياخي متى تشيلوها ، ماصارت.

ياحبي لك يا .....جاج .


الاطخم ولد النجيدي

ياحبك للاقفال , كل شوي حاط لي قفل اصفر ، ياخي حط لي قفل ازرق تراني
ماداني الاصفر يعورني في سبدي واللي يرحم والديك يالاطخم حط ازرق .
والله لوتلعب معي كوره لاقفل لك مثل ماقفلت علي .
خذ راحتك يامشرفنا العزيز ، يااحلى اطخم في المنتدى ، بس صدقني والله حاط ثيران .

وسامحونا.

للرفع

للرفع







<===== وش يبي ذا

للرفع




هلا خالد ,,,

والله ياغالي ما أحب أقغل أي موضوع لإي عضو .... لكن هذي سياية المنتدى ولازم نحترم فيها حقوق الناس اللي تعبو في مواضيعهم ,,,

تخيل إنك جلست مده طويله تكتب موضوع .... وجا واحد ووبساطه ونقل موضوعك ونسبه لنفسه من غير لايكتب المصدر .... أسألك بأمانه , وش يبي يكون شعورك وأنت تشوف موضوعك اللي تعبت فيه يشاد فيه وفي كاتب آخر ويلقى كلمات المديح على تعبك أنت وجهدك أنت ؟؟ ,,,

بالنسبه لموضوعك اللي ذكرته ... فمعك شيء من الحق لإنه أصلا عباره عن عمل , لا أنت ولا كاتب الموضوع " سعود " عملتوه بأنفسكم , وكله عباره عن نقل من موقع آخر .... لكن وبحكم إن سعود سبقك في طرحه فيمكن كان هذا السبب في قفل الموضوع , بحكم الأسبقيه لا أكثر ولا أقل .... لإنه وزي ماقلتلك كلا الموضوعين منقولين ,,,

ياليتك كنت كتبت موضوعك في منتدى الملاحظات والإقتراحات وهو مكانه الطبيعي ,,,

أرجو إنك ماتواخذنا ونستمر يدا بيد لتطوير هذا المنتدى مع بقية أعضاء هذا المنتدى الرائعين .... بإستثناء الداج عاشق النمر ,,,

على فكره ...... فيه دفعه جديده من الأقفال بألوان فسفوريه ..... تنفع ؟؟

تحياتي لك ,,,

الاخ العزيز السيد رامبو الاطخم

الحمد لله ان عندنا مشرفين على قد المسوؤليه ما اختيروا عن عبث .
سر عظمة هذا المنتدى انناياالاعضاء نغلط والمشرفين يتأسفون لنا .
ونرز خشومنا ويصبرون علينا ويتحملونا. والله ان الواحد يحس بالاحراج
والخجل من ردة الفعل الحضاريه والمهذبه من احدالمشرفين رغم اننا
لم نقصدالتعدي على حقوق الغير وانما كتابة مواضيع من روابط يستدل
منها انهاليست لكاتب الموضوع .

اخي ابراهيم، سياسة المنتدى على الراس والعين وانااؤيد واحترم
هذه السياسه وليس لدي اي اعتراض فيماتتخذه اتجاهي اذا كان ذلك
في صالح المنتدى .

الاخ سعود

وراك راز خشتك مسوي نفسك زعلان ولا رديت علي ، اجل وشلون لوانك كاتب
الموضوع وما نقلته من موقع اخر.
وارجوك تراني ما احب هذا الاسلوب من الكلام , الكلمه الطيبه صدقه ,
الله يجزاك خير.

الاخ عاشق النمر

ما تلقى لي وظيفه ممتازه بمسمى مساعد داج .ههههههههههههههها.
ياحبي لك ولكل الداجين مثلي انا واياك .

يا اخي العزيز : khaled79

أولاً: أسلوبك في الكلام يبيلها تطوير وتحسين....

بعدين أنا لم أخذها من اي منتدى ....

ولم أفعل مثل ما يفعل الكثير هذه الأيام من عمليات القص والصق....

وإنما بحثت في النت عن مواقع للألعاب.... للتسليه.... لي أنا ....

وعجبتني اللعبه فقلت انشرها بين الشباب علشان يوسعون صدورهم....

لأن فيه ناس ماشاء الله تستأهل.....

ويا أخي العزير : رامبو أنا لم أنسب هذه اللعبه لي

((لأنني أول واحد مهتم بحقوق الملكيه الفكريه من برامج ومواقع وغيرها))

إنما نقلت هذه اللعبه على اساس إنها موضوع فقط...

وعلى أساس تعالوا ياشباب شوفوا....

اخوي الغالي سعود

ارجو الا يأخذ الموضوع اكثر من حجمه لان القصه كلها مزح

في مزح وبعدين ياحبيبي كلنا نسعى الى هدف وهو خدمة اخواننا

في المنتدى . وعموما انا من ناحيتي اكن لك كثير الاحترام

والتقدير واذا كان في خاطرك شي فأرجو المعذره

وتأكد انك اخ عزيز.

الاخ ابو سليمان

يعجز اللسان عن وصفك فأنت نعم الرجل

ادامك الله وتأكد ياغالي انك تآمر ونا وسعود علينا السمع

والطاعه

سعود ( يعنني امون عليك ههههههه)

والله يحفظكم

الغالي khaled79

الله يبيض وجهك لأنك تعرف تقدر وهذا دليل تربيتك الصالحه من والديك

الله يحميهم ويديمهم عز لك

حبيبي سعود كل الحب والتقدير لك ايها الغالي

بصراحه لاأحب ان أراء متخاصمين وأحول على قدر معرفتي بالأمور ان يوفقني الله

لأعادة المحبه والتسامح للجميع

لكم الحب والأحترام والتقدير

الغالي / سعود
الغالي / khaled79

لا لا لا لا لا ......... أكيد فيه سوء تفاهم بينكم ...... مايسير هلالي خصم لهلالي

ياجماعة حتى مصارين البطن تخابط وتتراقع ؟

أنتم أخوة وأحبة ......... وأهم شيء أنكم هلاليين ...... يعني ميول واحد .

khaled79 ..... أذا كان هناك من محبة بيننا فلي رجاء خاص تقديم الأعتذار للأخ / سعود وفورآ.


لأنك وضعت موضوع هو سبقك اليه .


أخوي / سعود

لقد سبق وأن وضعت موضوع .... سبقني اليه أحد الأعزاء الأعضاء ....وقدمت كل الأعتذار له ....

تعرف وش رد علي ......قال :- أنا مبسوط جدآ لأعادة هذا الموضوع للقراء ...والله أخجلني وطلبة منه مسامحتي لفعلتي اللتي لم أعرف سابقآ بأن أخي العضو سبقني اليه .....فكان جوابه بأن لافرق بيننا نحن الأعضاء.... لله درة من عضو .

ولله دركما من عضوين هدفكما واحد ....... حب الهلال وأعضائه .


شكرآ لسعة صدريكما لقرائة ردي ..... وأنا أسف جدآ للأطالة أحبتي في الله .

أخوكم JAJ

الاخ العزيز j.a.j

I DID ,THIS ISSUE IS OVER

اسمع ياخوي سعود وانت ياخوي جاج جعلك للعجاج اللي يطيربك ويوديك لقرطاج
انتم تتعاتبون على شي ماعرفتوا اصلا وش السبب فيه وهو تقفيل الموضوع ( يعني ظنكم ولد النجيدي الكمخة هذا مقفل الموضوع علشانه منقول او سبق احدكم الاخر بنشره من قبل ؟ لالالالالالالالالالا الصتيمة قفل الموضوع لانكم تعرضتوا فيه للتشهير بالابقار والثيران وهذه الفصيلة من الماشية لها تقدير خااااااااص عند مشرفنا الدردغانة ) ( والله لاشب كبدك يالمشرف لين تعلن الاستسلام ) ولا هو ماهمه نقل او سطو او قرصنة او غيره ماجاب خبركم ولاجاب خبر السبب اللي تهاوشون عليه بس هو كذا يغطي السبب الحقيقي لرغبة في نفسه السمرمدي (قايلك بغثك والهد كسبدك ) خللك قلعك وراك ماتعلن الاستسلام وترتاح ولا تراي اباطاردك مثل مطارد المهلهل لجساس اربعين سنة وانت بكيفك ياولد النجيدي

الحبحر الحار الهلالي
ابوتركي - الرس
حبحور مقطع البحور ومذوب الصخور ومكمخ ولد النجيدي والمرزوقي والديناصور

رحمك الله ياشايب الهلال

يالفلفل الحار ( شفت أنك حبحر هندي ) أنا الحين قاعد أصلح بين حبايبي

سعود

Khaled79

وحطيتني خصم ...... كذا على طول يالولد الرس





تكفى خلك معي وأصلح بين أخواننا ...... أثرك أنت الدجة ...مهوب الثانين يالدجة




يالله خلك معي ........ ونصالح بينهم ؟



وش رائيكم أعزمكم :-

أخوي / سعود

khaled79

وانت يالدجة / قال حبحر حار ........قال ...... بس باأعزمك للوليمة ... يالدجة؟




عندي شرط :-





يكون / ابو سليمان الحبيب





معكم ................... يالحبايب ممكن.



الا غصب عليكم بيجي ...................زين

تحياتي للغالين ومن غيركم ياهلالين

يالأجاويد الموضوع انتها لأنهم رجال ويقدرون اللي ينصاهم

الف شكر لك يالغالي J.A.J

ويشرفني الجلوس في مجلسك وصدقني أول زيأره لي للرياض سوفى أخبرك عنها

وكيفة ألأتصال بك حتى يحص لي شرف التعرف عليك ودخول مجلسك

للجميع تحياتي

السلام عليكم ورحمته وبركاته

أعزائي الأكارم

أبو سليمان

khaled79

J.A.J

بتقولون وشذا شايفه نفسه علينا

حتى ما رد هو وجهه....

العذر والسموحه

تعرفون الإختبارات الصيفيه الأسبواع القادم

فقلت أروح للديره أريح فيه يومين وأرجع لحبيبتي الرياض

علشان نكون غيرنا جو قبل الإختبارات

احب أشكركم جميعاً

وعلى العموم أنا الوضوع كله أصلا نسيته من الأربعاء

وصار خير


****كلمه حق :ألف شكر للحبيب أبو سليمان وJ.A.J****

بس العزيمه وين اخوي J.A.J

طبعآ في حبيبتك الرياض ....... ومكان يحبة قلبك 35 كيلو على خط القصيم .....ياسعود ياغالي .

الغالي / ابوسليمان .......بأنتظار الرسالة على نار يالحبيب علشان نجمع الحبايب أعضاء المنتدى .