#1  
قديم 16/11/2005, 02:23 AM
زعيــم مميــز
تاريخ التسجيل: 15/06/2003
المكان: In My RoOm
مشاركات: 3,196
اقتراحات للامير محمد بن فيصل وارجو من الجميع ان يعطوني رايهم في هالكلام

بسم الله الرحمن الرحيم

زي مانتو عارفين يلشباب ان في مثل يقول (الوصول للقمه صعب والاصعب الحفاظ على القمه)
والهلال في القمه الان في البطولات المحليه وانشاء الله بيحافظ على القمه بالاضافه الى
البطوله الاسيويه اللي كلنا نحلم بالفوز فيها وايقاف الفريق الاتحادي عند حده والمشاركه في مونديال الانديه عشان كذا لازم ندعم صفوفنا ببعض اللاعبين خصوصا في المناطق الخلفيه
وذلك لعدة اسباب:
1-شوفو الاهداف اللي سجلوها علينا هالموسم ابها-2 الحزم-1 الطائي-1 والله يستر من الوحده
وطبعا انتو تقولون هالعدد قليل لكن هالفرق هي فرق القاع اثنين منهم جدد في الدوري
والباقي ينافسون على البقاء اجل شبنسوي قدام الاتحاد اذا جو كالون وجوب ونور
وتشيكو ومرزوق وغيرهم ولا قدام الشباب وحتى النصر


2-اعمار المدافعين فهد المفرج كم سنه وبيعتزل وخليل يمكن هذا آخر موسم والهليل
مستواه مب لهناك وبطئ والمرشدي مب ثابت وتفاريس اجنبي سنه وسنتين ويمشي

3-المباريات الصعبه في دوري ابطال آسيا ممكن نلعب مع العين او السد او الغرافه
او باس وغيرهم

عشان كذا نحتاج لبعض المدافعين السعودين الجيدن مثل اميدو حق الوحده
انا ماشفت لعبه لكن في ناس مدحوه وايضا في ظهير قدساوي اللي هو
الطريدي لاعب شاب وممتاز

واتمنى ايضا ان الامير محمد يجيب محمد بركات لاعب الاهلي المصري بدال
كماتشو لان مستواه بدا ينزل وبركات لاعب موهوب ويلعب في اكثر
من مركز ويعرف الدوري السعودي لانه لعب مع الاهلي


واتمنى اعارة بعض اللاعبين اللي مانحتاجهم هالموسم او الموسم اللي جاي
مثل بدر الخراشي لان العنبر والصويلح وياسر والموري موجودين واحنا نلعب بمهاجم واحد
اعارة عبدالله المعيوف خصوصا ان عندنا العتيبي وجبلي يعني يروح موسم واحد
مو اكثر لان احنا محتاجيله وفي عدد كبير من اللاعبين احنا مانحتاجهم حاليا
والمفروض نعيرهم لاندية الدرجه الاولى عشان ماينزل مستواهم اللياقي وتتطور مواهبهم

واتمنى ان نشوف مشاريع تدعم خزينة النادي

وشكرا
اضافة رد مع اقتباس
  #2  
قديم 17/11/2005, 03:53 AM
زعيــم متألــق
تاريخ التسجيل: 24/06/2005
المكان: السعودية - الرياض
مشاركات: 1,046

مشكور اخوي على هالمشاركة اللذيذة

كتابتك لهذا الموضوع دليل حبك وغيرتك للزعيم علشان كذا أنا حبيتك

ركز معي

كلامك بصراحة ممتاز جداً وينقصه التطبيق

المشكلة عندنا ان المدرسة الزرقاء لم تنتج لاعبين في خط الدفاع

مثلك عارف ، خط الدفاع هو مركز حساس ويعتبر آخر خط أمام المنطقة المحرمة وهي الهدف

فلذلك يجب توفر خامات من نوع تفاريس ، المفرج كويس بس مستواه مايطمن بعض الأحيان

المرشدي كويس بس لازم يعطونه الفرصة

الخثران رااائع

العصفور كويس بس مو أحسن من الياس

الياس له مستقبل ولازم يخلونه أساسي علشان يكتسب الخبرة مع كثرة المشاركات

المحاور عندنا ولله الحمد في أفضل حال بوجود عزيز والغنام

خط الوسط بعودة نواف وتألق الشلهوب وبتحركات كماتشو يعتبر خط متكامل

والهجوم ولله الحمد ممتاز للغاية

بس نبي الشباب الصغار يلعبون أكثر لأن هم مستقبل النادي وماراح يكلفونا شي الا القليل مثل الموري ومبارك

بس نبي المدرسة تنتج ولا تتوقف

مجدداً أكرر لك الشكر وبعنف

أخوكم هاوي سراب
اضافة رد مع اقتباس
  #3  
قديم 17/11/2005, 06:10 AM
زعيــم مميــز
تاريخ التسجيل: 15/06/2003
المكان: In My RoOm
مشاركات: 3,196
مشكور اخوي وبصراحه كلامك اروع من الرائع واتمنى ان هالكلام يوصل
للامير محمد بن فيصل عشان نطبقه
اضافة رد مع اقتباس
  #4  
قديم 17/11/2005, 07:35 AM
الصورة الرمزية الخاصة بـ دوما هلالي
موقوف
تاريخ التسجيل: 28/06/2005
مشاركات: 578
ياليت والله تصل الاقتراحات هذا لـ ابوسلطان
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:01 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube