,, يـمـكن مـدرسـة تـانـيـة !! - نادي الهلال السعودي - شبكة الزعيم

المحبره · #1 03/09/2008, 08:21 AM

السلام عليكم ورحمة الله وبركاته ..
الشهر عليكم مبارك .. تقبل الله من الجميع الصيام والقيام ..
وردهوردهورده
بما إن الناس اجازة ... وناسية المدارس .. حبيت أذكركم شوي فيها .. يعني تراها قربت

حدث لي موقف محرج .. وغريب .. مع مدرسة .. كنت مقدمة على وظيفة عندها !!
طبعاً علشان تفهمون وماتدوخكم روسكم .. بأعلمكم الـ CV بتاعتي .. باختصــــار <<< تعبت من كثر ماأعيدها

أنا تخرجت من الثانوي بنسبة ممتازة ولله الحمد .. سجلت انجلش في احدى الجامعات العريقة بالرياض .. لكن لسوء حظي .. كان القسم حديث العهد !! عشت مع بعض الصديقات و كثير من الزميلات تجربة سيئة جداً .. (يعني كانت بدايات القسم بوجيهنا واللي حولنا بالدفعات).. وفي الاخير استخرت إني أنسحب .. سجلت في معهد نيوهورايزن وأخذت دبلوم إدارة ومكاتب .. ولله الحمد نجحت بإمتياز

!! بدأت أدور على وظيفة .. أياً كانت أهم شيء أستفيد خبرة .. وبعدين يصير خير .. خصوصاً إني سجلت بالجامعه اللحين !!لكن تعليم عن بُعد .. يعني ممكن أتوظف وأدرس بنفس الوقت !!
طبعا أكيد ناس بتقول ليش تتوظفين ؟؟ لأني أدرس عن طريق النت .. وأنا أبي وقتي يتنظم .. وأطلع .. قعدة البيت تضيق الصدر

****************
قدمت على بعض المدارس الأهلية .. وقلت لهم معلوماتي .. عندي لغة لابأس فيها .. ومعاي دبلوم .. قالوا خلي بياناتك عندنا ونشوف اذا احتجنا.. جلست كم شهر ..بعدين ..جاء ذاك اليوم .....
كنت نايمة بحفظ الله ورعايته قبل شهر ونص تقريباً

.. صحتني أمي وقالت مدارس (.....) يبغونك ع التيلفون .. رحت أركض

.. ورديت
قالت :: (أخت ..... عاوزينك تحضري بكرى الساعه 10 للمقابلة الشخصية )
قلت لها :: أبشري والله .. ولا يهمك

طالعة ذاك اليوم مع أهلي فرحاااانه

..خصوصاً إنه عمل مكتبي
ذيك الليلة مانمت ... مواااصلة إلى الساعه تسعة .. تجهزت وقرأت أشياء مهمة عن المقابلة الشخصية .. ورحت قبل الموعد بربع ساعه .. جلست بساحتهم أنتظر الساعه عشرة تجي .. وأنا أدعي .. وأتخيل

هنا بيكون مكان عملي .. ايش بسوي هنا !!! هواجيس

قطع علي حبل أفكاري الضعيف .. بنات يدرعمون دقيقة ويطلعون .. قلت الوظيفة راحت وأنا داقتن هوجاس

.. وأقوم وأدخل بخجل

!!
لقيت بالغرفة ثلاث موظفات .. قالوا مين ؟؟ قلت اسمي الكامل من الفرحة .. سألوني ايش تخصصي ومتى قدمت ووووو ؟؟ أسئلة كثيير
اللي تسألني دورت بالأوراق اللي معها .. وقالت مامعيش اسمك !! جلسوني عندهم و دوروا كلهم ومالقوني

كل وحدة تتهم الثانية أنت اللي اتصلتي ؟؟ وذيك تقول لا والله !!
جت وحده على بالها لقت حل خطييير

.. و تتخيل إني باشكرها وأحبها على راسها ..
قالت :: ( يمكن مدرسة تانية !! موش إحنا

) <<<< ياااااربي أنا هنا وش أسوي

قلت:: ليش مو أنتم مدارس (.......) قالت ::إلا .. قلت :: انثبري أجل

آخر شيء بعد محاولات .. قالوا أكيد أوراقك مع المديرة .. وهي مو موجودة اللحين اتصلي عليها بكرى الساعه 1 وتلقينها

***********
جاء بكرى ,,,
اتصلت فيها .. وردت وحدة من حقات أمس !!<<< لا حول ولاقوة إلا بالله ... وش تبي ذي

؟؟
قلت لها أبي المديرة :: قالت أنتي مين ؟؟ يوم عرفت قالت :: أنت بتاعة الدبلوم ؟؟؟!؟!! خلاص الوظائف الإدارية خلص التعيين عليها !!
قلت يالله بس طسي وعطيني المديرة .. قالت ترجع بعد ساعة ..
اتصلت بعد ساعه :: وردت علي .. سلمت عليها !! وقلت بسم الله أببدأ كلامي !! شوفوا الحوار

<<< أدري إني أزعجتكم بــ (قالت ,, و قلت )

المديرة :: أنت اللي اتصلتي أمس؟؟
أنا :: لا
المديرة :: إلا أنا معي ورقة بأسامي المتصلات .. واسمك موجود !!
أنا :: والله ما اتصلت ... أنتم اللي متصلين علي !!
المديرة :: انت ليه كذا ... ليه ملزمة على مدرستنا .. فيه مدارس كثيير حولنا .. إش معنى إحنا <<<< وش رايكم بالهجوم؟؟
أنا والفيس كذا

:: لحظة شوي واسمعيني .. أنا ما أتصلت .. أنتم اتصلتوا ورحت أمس .. طوط طوط طوط <<< سكرت السماعة بوجهي
بغيت أتصل وأتهاوش .. بس أختي قالت لي اصبري .. أنا أبتصل على وحدة تعرفها ..
قلت لها خلاص ما أبي ولاتتصلين على أحد

طلعت فوق غرفتي .. وقعدت أصيييييح

بعدين قلت خلاص .. يارب خيره

طيب ليه ؟؟ أنتم اتصلتوا .!! وقلتوا لي تعالي !! وقلتوا لي اتصلي !! أنا والله مالي دخل !!
ليش تهاوشني على مزاجها .. بعدين تسكرها بوجهي !!
اذا هي تبي الوظيفة لأحد ثاني .. كيفها .. وما أبيها .. بس لا تتصل وتدورني

واذاهي لقت اللي أكفأ مني .. تقول لي !! مانيب قايلة غصب أبيها !! بأعرف وأفهم وأسكت !!
اللي عنده جواب يعلمني

وفيه سؤال ثاني !! كم مرة كتبت ..قلت ؟؟؟ وقالت ؟؟ <<< ترى هذا السؤال من فعاليات المجلس الرمضانية

أختكم .....

ابو ياسرالهلالي · #2 03/09/2008, 08:40 AM

الله يعينك اختي وييسر امورك

ويستمر التخلف في بعض الجهات لدينا في السعودية

انا ياختي صار لي موضوع يشبه موضوعك الى حد ما

خلصت الثانوية قبل العام وانقبلت في الهندسة العام وتيسرت الامور

ما ارتحت للهندسة ما احب الفيزياء

المهم قدمت عالخطوط الجوية عندهم برنامج ابتعاث
وتيسرت الامور وسحبت شهادتي من الجامعة

وانقبلت في الخطوط وجابوا لي قبول وهالحين مابقى عالدراسة الا شهر

قالوا لي ضيعنا ورقة قبولك من الجامعة ونبي نرسل نطلب نسخة ثانية

مع العلم انهم من شهرين خلصت اوراق الفيزا وكانوا فاقدين ذيك الورقة

وعلمتهم قالوا لا ماعليك حنا الي ضيعناها حنا نجيبها لك

والى الان ما جابوها المشكلة انه لازم تجي الورقة الاسبوع هذا عشان يكملون باقي الاوراق وخصوصا انه مابقى عالدراسة الا شهر واحد

الله يعين وييسر الامور وان شاء الله تتحسن الاحوال

لا والي قاهرني انه الموظف هذا يقول انا قلت لهم يطلبونها بس طلعت اجازة الشهر الي فات وكان مستلم ملفك موظف ثاني وهالحين هو طلع اجازة

والله العالم ان شغل الواسطات بدا وجت على راسي

لكن ان شاء الله يطلع ظني خطا وتتيسر الامور

اخوك

المحبره · #3 08/09/2008, 05:46 AM

مشكور أخوي ابو ياسر ..
تشرفت .. الله يخليك ورده

إقتباس

الرسالة الأصلية كتبت بواسطة ابو ياسرالهلالي


	خلصت الثانوية قبل العام وانقبلت في الهندسة العام وتيسرت الامور ما ارتحت للهندسة ما احب الفيزياء المهم قدمت عالخطوط الجوية عندهم برنامج ابتعاث وتيسرت الامور وسحبت شهادتي من الجامعة وانقبلت في الخطوط وجابوا لي قبول وهالحين مابقى عالدراسة الا شهر قالوا لي ضيعنا ورقة قبولك من الجامعة ونبي نرسل نطلب نسخة ثانية مع العلم انهم من شهرين خلصت اوراق الفيزا وكانوا فاقدين ذيك الورقة وعلمتهم قالوا لا ماعليك حنا الي ضيعناها حنا نجيبها لك والى الان ما جابوها المشكلة انه لازم تجي الورقة الاسبوع هذا عشان يكملون باقي الاوراق وخصوصا انه مابقى عالدراسة الا شهر واحد الله يعين وييسر الامور وان شاء الله تتحسن الاحوال لا والي قاهرني انه الموظف هذا يقول انا قلت لهم يطلبونها بس طلعت اجازة الشهر الي فات وكان مستلم ملفك موظف ثاني وهالحين هو طلع اجازة والله العالم ان شغل الواسطات بدا وجت على راسي لكن ان شاء الله يطلع ظني خطا وتتيسر الامور اخوك

والله قهر ..!
والصدق الموقف اللي صار لك يقهر أكثر من موقفي ..!
يعني مهما كان .. هذي بعثه .. وممكن تتأجل بسبب استهتار موظفين

بس إن شاء الله تتسهل .. بما إن الخطوط قبلتك .. ومابقى إلا شي بسيط ..!

أتمنى لك التوفيق .. و يارب يلقونها ..
واذا لقيتها .. بشر

وأنا أختك .. الله ييسر امورك و يوفقك ..

شكرا ورده

abo_nasser · #4 03/09/2008, 08:57 AM

وعليكم السلام ورحمة الله وبركاته
هلا وغلا اختي المحبره..ورده

عليك توقيت كذا..

إقتباس


	الشهر عليكم مبارك .. تقبل الله من الجميع الصيام والقيام

علينا وعليك..اللهم امين

إقتباس


	طبعاً علشان تفهمون وماتدوخكم روسكم .. بأعلمكم الـ CV بتاعتي .. باختصــــار <<< تعبت من كثر ماأعيدها أنا تخرجت من الثانوي بنسبة ممتازة ولله الحمد .. سجلت انجلش في احدى الجامعات العريقة بالرياض .. لكن لسوء حظي .. كان القسم حديث العهد !! عشت مع بعض الصديقات و كثير من الزميلات تجربة سيئة جداً .. (يعني كانت بدايات القسم بوجيهنا واللي حولنا بالدفعات).. وفي الاخير استخرت إني أنسحب .. سجلت في معهد نيوهورايزن وأخذت دبلوم إدارة ومكاتب .. ولله الحمد نجحت بإمتياز !! بدأت أدور على وظيفة .. أياً كانت أهم شيء أستفيد خبرة .. وبعدين يصير خير .. خصوصاً إني سجلت بالجامعه اللحين !!لكن تعليم عن بُعد .. يعني ممكن أتوظف وأدرس بنفس الوقت !! طبعا أكيد ناس بتقول ليش تتوظفين ؟؟ لأني أدرس عن طريق النت .. وأنا أبي وقتي يتنظم .. وأطلع .. قعدة البيت تضيق الصدر

بالله هذا cv والا نبذه عن حياتك الدراسيه..؟؟

إقتباس


	قالت :: (أخت ..... عاوزينك تحضري بكرى الساعه 10 للمقابلة الشخصية )

واضح ان المتصل ست مصريه..انا ماعمري شفت ...............................اللهم اني صايم(باعدل الرد بعد الفطور)..

إقتباس


	المديرة :: أنت اللي اتصلتي أمس؟؟ أنا :: لا المديرة :: إلا أنا معي ورقة بأسامي المتصلات .. واسمك موجود !! أنا :: والله ما اتصلت ... أنتم اللي متصلين علي !! المديرة :: انت ليه كذا ... ليه ملزمة على مدرستنا .. فيه مدارس كثيير حولنا .. إش معنى إحنا <<<< وش رايكم بالهجوم؟؟

جحدتها هههههههههههههههههههههههههههههههههههههههههههههه

حسبنا الله عليهم..

الواحد يتعب ويضحي ويكرف وفي الاخير ما يحصل شيء..

اختاه..ورده
ان شاءالله تحصلين الوظيفه اللي تتمنيها بالقريب العاجل..

وبالتوفيق يارب..

سلاااااااااااااااااااااااااام

أوَار · #5 03/09/2008, 09:07 AM

وعليكم السلام ورحمة الله وبركآته
أهلاً وسهلاً بالغاليه المحبرة

الله يعيده علينا وعليك باليمن والبركه ,, اللهم آميــن
حسبي الله عليهم والله الوآحد يتعب ويشقى وآخر شي يروح هبآء منثور
الله يرزقك الوظيفة الحلوة بالقريب العاجل إن شاء الله

أجل التحايا وأعذبها ورده

المحبره · #6 09/09/2008, 07:38 AM

هلا فيك أختي الغالية

إقتباس

الرسالة الأصلية كتبت بواسطة القناصة الهلاليه


	وعليكم السلام ورحمة الله وبركآته أهلاً وسهلاً بالغاليه المحبرة الله يعيده علينا وعليك باليمن والبركه ,, اللهم آميــن حسبي الله عليهم والله الوآحد يتعب ويشقى وآخر شي يروح هبآء منثور الله يرزقك الوظيفة الحلوة بالقريب العاجل إن شاء الله أجل التحايا وأعذبها ورده

الله يخليك .. ويوفقك

و الله يكتب لي المكان الأفضل ... وأرتاح فيه

ألف شكر لك ..
تشرفت كثير

ورده

المحبره · #7 08/09/2008, 06:04 AM

هلا أبو ناصر .. ورده
توني قاريه يومك البنشري

إقتباس

الرسالة الأصلية كتبت بواسطة abo_nasser


	واضح ان المتصل ست مصريه..انا ماعمري شفت ...............................اللهم اني صايم(باعدل الرد بعد الفطور)..

برافو عليك

هي مصرية

بس والله مو كلهم>> ( الشي اللي بتكتبه اذا أفطرت ولاكتبته

) فيهم بنات حلال

إقتباس

الرسالة الأصلية كتبت بواسطة abo_nasser


	جحدتها هههههههههههههههههههههههههههههههههههههههههههههه

ايه والله جحدتني .. شر جحدة

حسبي الله ونعم الوكيل ..

إقتباس

الرسالة الأصلية كتبت بواسطة abo_nasser


	وبالتوفيق يارب..

آآآمين ..
تسلم .. الله يخليك ورده

شكراً شرفني مرورك ورده ورده

كارولين · #8 08/09/2008, 12:25 PM

فــليهـىآ ومــاعليكـ
وان شاء الله بتلقين وظيفه

المحبره · #9 15/09/2008, 08:15 AM

هلا كارولين ورده

إقتباس

الرسالة الأصلية كتبت بواسطة كارولين


	فــليهـىآ ومــاعليكـ وان شاء الله بتلقين وظيفه

فالتها الحمد لله .. بس القصة للعظة والعبرة

وإن شاء الله تتسهل الأمور ..

شرفتني ورده

.عاشق 15الفيلسوف. · #10 03/09/2008, 09:09 AM

السلام عليكم ..

ماأقول ألا الله يعينك أن شاء الله ..

والله أن طحتي بيد هالمصريات منتب ماشيه الصراحه ..

نفس المدرسين بالثنوي إذا تبيه يزودك درجات تجيبله تقويم السنه ..

زين يعني بالزمن هذا ممكن نلقى وظايف ..أجل أخواننا اللي بالأبتدائي الظاهرمافيه ألا قوة كنس بالشوارع ..

الحمدلله ماكتبت لك المدرسه أنه يكتب لك شي أفضل من المدرسه ..

وأن شاء الله تدخلين الشغل اللي برأسك ..

وحبيت أقولك أدعي قبل الفطور ... وأخر ساعه من يوم الجمعه المبارك ..

ولاتستعجلين على رزقك ..

مبارك عليكم الشهر ..

المحبره · #11 09/09/2008, 08:02 AM

هلا فيك أخوي عاشق الفيلسوف 15ورده

قبل أي شي .. توقيعك

من اللي يلومك بعد هالهدف؟

إقتباس

الرسالة الأصلية كتبت بواسطة .عاشق 15الفيلسوف.


	الحمدلله ماكتبت لك المدرسه أنه يكتب لك شي أفضل من المدرسه .. وأن شاء الله تدخلين الشغل اللي برأسك ..

الله يعين وبإذن الله يصير خير .. وتتسهل الأمور .. الله كريم

إقتباس

الرسالة الأصلية كتبت بواسطة .عاشق 15الفيلسوف.


	وحبيت أقولك أدعي قبل الفطور ... وأخر ساعه من يوم الجمعه المبارك .. ولاتستعجلين على رزقك .. مبارك عليكم الشهر ..

جزاك الله خير .. الله يتقبل دعانا يارب ..
ومبارك علينا وعليك ورده

شرفني ردك ورده

...][ هلالي الخبر ][... · #12 03/09/2008, 10:17 AM

الله يرزقك باحسن منها.

ودي امسك المديره واجلدها. قهرتني.

لو انا بدالك رحت لمهم وجلدتهم وحده وحده.

تحياتي

المحبره · #13 09/09/2008, 08:10 AM

اهلين هلالي الخبر ورده

إقتباس

الرسالة الأصلية كتبت بواسطة ...][ هلالي الخبر ][...


	الله يرزقك باحسن منها.

آآآآآآمين الله يخليك

إقتباس

الرسالة الأصلية كتبت بواسطة ...][ هلالي الخبر ][...


	لو انا بدالك رحت لمهم وجلدتهم وحده وحده.

أقول أها بس تجلدهم

لانك ماشفتهم .. ذولي يجلدون ماينجلدون

شكرا لك ..
شرفتني ورده

مَاهِينُورْ · #14 09/09/2008, 09:04 AM

,.

هلآ وغلآ المحبرة

الله يعينك يارب ويسهل أمرك إن شاء الله وتحصلين الوضيفة اللي ترضيك

قدر الله وما شاء فعل ,, وبإذن الله إنها خيرة لك

..
معانتك ماهي غريبة ياكثر ماتصير الله المستعان الله يصلح الحال بس

..

إسلوبك رائع ما شاء لا تحرمينا من مواضيعك

..

..

المحبره · #15 16/09/2008, 07:46 AM

اهلين نور الشمس

إقتباس

الرسالة الأصلية كتبت بواسطة nor alshams


	الله يعينك يارب ويسهل أمرك إن شاء الله وتحصلين الوضيفة اللي ترضيك قدر الله وما شاء فعل ,, وبإذن الله إنها خيرة لك .. معانتك ماهي غريبة ياكثر ماتصير الله المستعان الله يصلح الحال بس

آآآآآمين تسلمين يالغالية ..
و على قولتك .. الله يصلح الاحوال

إقتباس

الرسالة الأصلية كتبت بواسطة nor alshams


	إسلوبك رائع ما شاء الله لا تحرمينا من مواضيعك ..

مشكورة .. وابشري بالمواضيع

شرفتيني كثيير