#1  
قديم 19/11/2005, 09:24 PM
زعيــم متواصــل
تاريخ التسجيل: 09/09/2003
المكان: قارة الهلال
مشاركات: 151
لعبة الدور على مين ؟!

بسم الله الرحمن الرحيم

كل عام وأنتم بخير

وكل يوم والزعيم في أحسن حال

بصراحة حتى الحين وأنا والله مذهول من بعض الأعضاء وكتاباتهم الجارحة بعد كل مباراة أصبح هم بعض الأعضاء النقد ليس للتصحيح بل النقد لمجرد النقد فقط ، فبعد كل مباراة تجد التجريح لبعض ألاعبين وهذا والله شيء غريب وغريب بشكل رهيب والله وكل بعد مباراة راح تشوف لاعب جديد جاء عليه الدور.

وهذا يذكرني والله باللعبة اللي في المنتديات ((الدور على مين)) بالفعل والله كل بعد مباراة تجد مواضيع كثيرة كلها تجريح وتنقيص من ألاعبين والمدرب وكل مباراة لاعب جديد هو اللي عليه الدور.

وكل واحد يقول راية وليه المدرب ما لعب فلان وليه ما غير فلان وهذا مدرب فاشل !!

يأخي مو هذا هو باكيتا نفسه اللي لقبتموه بالداهية ؟؟!!

وواحد ثاني يتكلم عن كماتشو وانه لاعب غير مفيد وأنه فاشل وحرام يلعب أساسي!!

طيب مو هذا هو نفسه كماتشو اللي سجل وصنع وفعل الهوائل الموسم الماضي ولقبتموه بالساحر!!

والثالث يقول تفاريس صار سهل ويسرح كثير ولازم ننهي عقده !!

طيب هذا هو نفسه تفاريس اللي كان أفضل قلب دفاع العام الماضي وهو ألاعب المخلص وهو نفسه اللي لقبتموه بالجنرال

والحين بدأت الحملة على ياسر القحطاني وهذا لاعب فاشل وما يصلح وليه مايلعب الصويلح أو العنبر وليه وليه ؟ واسئله كثيرة والله وعلى طول لازم نرجعه للقادسية ولا نسلمهم باقي المبلغ حرام نصرف عليه هذا المبلغ الكبير ياليتك رحت مع الإتحاد.

طيب مو هذا ياسر اللي طالبتوا أبو سلطان بإحضاره وملئتم المنتدى بمواضيعه

طيب بعد كل هذا خلوني اضرب لكم مثل وهو التالي:-

اليوم مثلا مباراة الهلال في الرياض شاهدوا المواضيع قبل المباراة.

1-سجل حضورك لحضور مباراة الهلال اليوم.

2-ياجماهير الزعيم اليوم يومكم.
3-نبي الملعب مليان اليوم.

والآن أثناء المباراة

عدد الحضور 500 متفرج

سعة الملعب 30000 الف متفرج

النتيجة 1/ 0 للهلال

بعد المباراة

نرجع للمواضيع

عدد المواضيع الجديدة 1000 موضوع

عدد الردود 15000 رد

طيب ليش ما حضرتم المباراة وكتابة المواضيع لاحقين عليها

أما ملخص المواضيع بعد المباراة

ماذا فعلت ياباكيتا ؟؟

لازم ننهي عقد باكيتا قبل فوات الآوان.

كماتشو إلى متى وأنت عالة على الفريق ؟؟

القحطاني ياليتك ماجيت والله !!

الشلهوب مستواك هابط ليه؟

تفاريس يلعب بدون نفس؟

أبو سلطان ارحل فأنت مو قد المسؤولية ؟؟

الدعيع يتحمل الهدف ومستواه هزيل!!

ليه الصويلح احتياط والقحطاني الفاشل أساسي ؟؟

هذا فريق والله يرفع الضغط !!

والحين شرايكم في كلامي ؟

هل هو صحيح ولا لا

مو هذا اللي يصير ويتكرر قبل وأثناء وبعد المباراة؟

طيب ليش ننتقد ونكثر من النقد بسبب وبدون سبب ؟

ليه نحب نحبط ألاعبين ونجرحهم؟

لو والله تركنا الكتابة وزخرفة المواضيع وتفرغنا لحضور المباراة كان أحسن

احضروا المباريات واملئوا المدرجات وبعدين لو ماقدم الفريق مستوى ممتاز

فلنا الحق بأن نفعل ما نشاء بأن نطلب أي شيء وننتقد كل شيء في الفريق

أما الحين أسمحوا لي مالنا أي حق في كل نقد نقوله.

أرجعوا بالذاكرة للموسم الماضي!!
كيف بدأ الهلال؟

بدأ الزعيم بداية هزيلة جدا

خسارة من الأهلي بالثلاثة والأنصار ومستوى هزيل والأجانب سيئين جعلتنا نضع أيدينا على قلوبنا

وصلنا لمباراة الاتفاق !! طيب ايش اللي تغير؟؟

رجع الموهوب محمد الشلهوب وانتشلنا من دوامة الخسائر.

صحيح لم يكن المستوى مرتفع ولكن الفوز جاء في وقته ، وخصوصا إن المباراة القادمة مع النصر وتعتبر ديربي!!.

وصلنا لمباراة النصر كيف كان الملعب ؟؟

مليااااااااااااااان على الآخر واللي مادخلوا أكثر من اللي في الملعب.

قبل المباراة !! مين هو هذا اللي يحمل رقم 9 ؟؟

من وقفته تعرف انه خطير ومفترس للشباك وقبل كل هذا قائد محنك والله. أكيد هو سامي ;)

ايش صار في المباراة ؟؟

انتصار بثنائية للذئب ومستوى روعة والأجانب أروع والفريق كله ممتاز والمدرب ذكي وداهية ،

طيب ليه تغير الفريق في أسبوع ؟؟

تدرون ليه ؟؟

وجود سببين مهمين غيروا كل شيء ،

1- وجود قائد ذكي وقادر على حمل فريق كامل على عاتقة.
2- وجود جمهور كبير يبث الحماس ويجعل ألاعب يفعل المستحيل لأجلهم.

والسببين استمروا في مباراة الاتحاد وسحقناهم بالأربعة. وواصل الزعيم الانطلاقة حتى احتكر جميع البطولات المحلية.


والسببين الحين غير موجودين في وقتنا الحاضر إلا في المباراة الأخيرة توفر السبب الأول فقط لوجود محمد الدعيع قائدا بخبرته العريضة ، أما الحضور فللأسف غير موجود إلا في المنتديات والشاشات الفضية.

خاتمة

أتمنى أن لاتقسوا على ألاعبين ولا على الإدارة و أتركوهم يعملون في جو هادئ وصحي وفي النهاية بطولات ولا تقسون على ياسر فهو ترك الكثير وفعل الكثير من أجلكم فلا تتخلوا عنه وادعموه وادعوا له وإن شاء الله يسعدنا كثيرا هذا الموسم.
فشكرا لك يارب على نعمتك الكبيرة بأن جعلتنا من عشاق الزعيم
وشكرا أبا سلطان على كل ما قدمته للزعيم

وشكرا لكم على قراءتكم لموضوعي المتواضع

وأتمنى من الله أن ينال إعجابكم

ولكم مني كل حب وتقدير

نواف
اضافة رد مع اقتباس
  #2  
قديم 19/11/2005, 10:00 PM
الصورة الرمزية الخاصة بـ سـيـف الـعـشـق
زعيــم مميــز
تاريخ التسجيل: 07/07/2005
المكان: مقر الزعامه
مشاركات: 3,355
صدقت اخووي بكل كلمة قلتهاا في ناس يبون كماتشو مايغلط والا مرره يبون ياسرر يجيب هدف في كل مباره وياويلك يالي تغلط نااس شاطره بالكتابه الكل يمر بظرووف يعني مايحتاج اي زله على اللاعب تكتبون كم سطر بالمنتدى والي بعدك يقراء روس اقلام ويقول صدقت اخوي بكل كلمه قلتها واذا دخل اللاعب وشاف الكلام بيصير رده اكيد سلبي في

حتى سامي ماسلم منكم


وتحياتي لك اخوي كلامك عشره على عشره
اضافة رد مع اقتباس
  #3  
قديم 20/11/2005, 12:49 PM
زعيــم متواصــل
تاريخ التسجيل: 09/09/2003
المكان: قارة الهلال
مشاركات: 151
تسلم أخوي الغالي سيف العشق

وأتمنى أن الأعضاء يتطورون في طرحهم ويتركون كل شيء للاداره والمدرب والاعبين

وأحنا كجماهير نتفرغ للحضور والتشجيع وبس

واشكرك أخوي مره ثانيه على ردك وفهمك للموضوع

تحياتي

نواف

اخر تعديل كان بواسطة » الفتى نواف في يوم » 20/11/2005 عند الساعة » 03:39 PM
اضافة رد مع اقتباس
  #4  
قديم 20/11/2005, 03:44 PM
زعيــم متواصــل
تاريخ التسجيل: 09/09/2003
المكان: قارة الهلال
مشاركات: 151
اتمنى من الكل يشارك ويقول رايه بكل حيادية

تحياتي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:12 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube