السلام عليكم ورحمة الله وبركاته
هلا حياكم الله ويعطيكم الصحه والعافيه أول شئ مبروك الصدارة والفوز على القادسية وانشاء الله القادم أحلى .

كثر الحديث عن جمهور الهلال بالرياض وحتى وصل بالبعض أنهم وصفونا بالجمهور غير الوفي وكلام كثير انا نادرا ماكتب في الموقع ولكن قد اكون من اكثر الاعضاء تواجد في المنتدى

جمهور الهلال بالرياض يالي تتكلمون عليه هو الجمهور الي يملي استاد الملك فهد الي لو تجتمع ثلاث ملاعب في مدنكم ممتلائه ماعبته وحسب معلوماتي ان الهلال ماخسر ولا نهائي يقام على الاستاد يعني الحمد لله ان التاثير الجماهيري واظح بتقلون لي لان جمهور الهلال الي بالرياض بس حق نهائيات طيب بقولكم شئ ثاني جمهور الي يحضر بالمباريات الدوريه تراه جمهور كبير ويمكن يكون اكبر منكم يالي تدعون انكم أوفى وافضل من جمهور الهلال بالرياض بس الي يظهر الجمهور بهذا الشكل ان ملاعب الرياض تاخذ أكبر عدد من جميع الملاعب يعني حتى استاد الامير فيصل بن فهد رحمه الله يكفي اكثر من استاد جدة طبعا هذي نقطه النقطه الثانيه الي احب اقولها لكم الهلال يلعب في الرياض مالايقل عن 15 مباراه في الرياض طبعا انا اتكلم عن نفسي لو يلعب اكثر منها ماطفشت من الهلال ولا حتى الهلاليين بانفسهم لكن لحظ معي ان هذا العدد بس بيكون في الدوري من غير كاس الامير فيصل ومن غير كاس ولي العهد ومن غير البطولات الخارجيه يعني لو قلنا انها كلها على بعض 20 مباراة اضربها في قيمه التذكره 20 ريال تطلع 400 وترى مو الكل قادر يدفع المبلغ هذا الحمد لله انا وانت وغيرنا نقدر الله منعم علينا لكن ترى فيه ناس ماتقدر طبعا انا ماحطيت اشياء كثيره من عدم الحضور الي هي مثلا الماشاكل الي تصير في الملعب هذا اولا ثانيا المواقف وصعوبتها وتخاف على السياره لا يصير لها شئ اذا وقفتها بعيد وغير الشئ الي كنا نقول عنه كثير الي هو العساكر طبعا انتو تتكلمون يالي برى الرياض عن كم مباره بتقام في ملعبكم لو قلنا بالكثير 2 كم القيمه الي بتكلفكم هذا اولا ثانيا الهلال يمكن مايجي في السنه هذي الا المرتين هذي ولزم على تشوفونه على الطبيعه لو ايش فا لاتتكلمو على جمهور الرياض بهذا الشكل أسف على الاطاله هذا اولا واسف لو كان هنالك اخطاء

ولا يجي احد ويوقولي انت ماتحضر انا الحمد لله جميع المباريات الي للهلال أحضرها لو أيش حتى الطائرة نحضرها احنا نشجع الهلال كاكيان وليس فقط كورة قدم هذا اول موضوع اكتبه وكان ودي من زمان اكتبه بس ماجت فرصه اشكركم على القراءه