#1  
قديم 13/11/2005, 03:15 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
كالعـــادة موضــــوع جديـــــد

السلام عليكم ورحمة الله وبركاته


..


..


..


..


أصدقائي .. صديقاتي .. فلذات كبديني وكبداتي ... الشعب الهلالي الكريم


كالعادة أكتب واحلل وأكتب عن الامس ... <==== اخس يالشتالي


أول شي أدري أشتقتوا لي كثير ... وأدري عيونكم صارت مربعات يوم شفتوني

لكن ظروف قاهرة وأسكندرية خلتني غصبن عني اخفف زياراتي للزعيم


بس عشان مباراة الهلال أمس وكم نقطة بسدحها قلت بكتب هالموضوع ..


خلوني بتكلم شوي عن المباراة <=== اللي يسمعك يقول ماسكينك


بصراحة المباراة متحمس لها ومتكي بالمجلس من الساعة 6 المغرب من مبطي ماشفت الزعيم ...

تابعت المباراة رغم أن فيه مباراة الأمارات مع البرازيل <=== 8 - 0 ذكرتني بأيام 2002


ومع مستوى الهلال الهزيل ...قلت لعيون الهلال كل شي يهون

ويوم أعلن الحكم 5 دقايق وقت بدل ضايع ... طالعت شوي وقمت قلت بروح أطلب لي عشاء

قسم جوعان لا حد يلومني

المهم رجعت وأنا قايلن ان المباراة 0 - 0 خلاص تعادل


ومن بكرا اللي هو اليوم بتوقيت قرينيتش ... وأقرأ الجريدة قالوا المباراة 1-0 للهلال ..

يناس وش هالهلال اللي مايجيب أقوال الا اخر الوقت

يعني 90 دقيقة أتابع ومايحصل لي اشوف الهدف الا بالموقع

شكله انا سبب تعادل الهلال


بس ادام الهلال فاز مايهمني شفت والا ماشفت الهدف

لا بعد الصويلح .. الحاسم .. ثعلب آسيا .. الزئبق ... هو اللي جابها

وغير كذا شي ثاني ... عبدالله الجمعان قدم مستوى وهو اللي صلح الهدف


وين اللي يتكلمون بعبدالله الجمعان تكفون أدخلوا الموضوع خلوني أضحك عليكم ..

وين اللي يقولون عبدالله الجمعان خلاص انتهى ... واحد منكم يرد علي بالموضوع هذا بس


الذهب لايصدأ ... وهذا هو أبو حميد ... المدفعجي .. واللي موب عاجبه يشرب من البحر والا يطلع الثمامة


وكل يوم أكرر هالكلام ... اللي ماعنده أحمد الصويلح ... أنصحه يبيع بأحد بسطات الخضرة

ياناس أبي مهاجم سعودي يقدر يصف جنب الصويلح

الصويلح أفضل مهاجم وهذي وجهة نظري .. الصويلح أولا .. والبقية تأتي

تلاحظون شوي واضربكم على الاسلوب

سامحوني قسم بس متحمس مدري وش بلاي .. شكله عشان البرد



نقطة ثانية بصراحة عجبتني ....


اليوم جالس في المكتبة كعادتي اليومية أتثقف وأستزيد علما

يوم خلصت من قراية أطلس و المورد قلت بطقطق بالاقتصادية شوي ...


وطاحت عيني على مقال رائع جدا لانسان ماعرف اسمه بس يكتب الاقتصادية


حاولت أصور المقال بالجوال ماقدرت .. حاولت أشق المقال بس المكتبة زحمة بصراحة


مفاد المقال أنه :

انه في المنتديات الهلالية كتابات تشيد باستحياء بالانجاز الاتحادي بتأهله للمونديال

وفيه كم موضوع بالمنتدى يشيد بالاتحاد مع محاولة تقليل حجم الانجاز بجعل العين خصم ضعيف

وارجع السبب الى ان الناجح والمتزعم لا يريد ان يمس اي شخص مكانته او يقترب منها

مع ان الاتحاد يحتاج لعقود من الزمن للوصول لانجازات الهلال

واشاد الكاتب بالهلال وقال ان الهلال تزعم الفرق بمروره على كل البطولات

وجمعه لها في خزينته فما من بطولة الا وذاقها الهلال

ومنها طالب الجماهير الهلالية بمباركة الفوز الاتحادي الذي جاء لقوة الاتحاد وليس لضعف الفرق المقابلة



طبعا المقال يمكنكم مشاهدة عبر موقع الاقتصادية بيوم أمس وليس اليوم .. على ما أعتقد

المقال جدا رائع .. ولامس الواقع بصراحة

بصراحة أشوف بالمنتدى كتابات تقلل من البطولة الاسيوية اللي حققها الاتحاد

وأشوف قسم بعض الغيرة بصراحة من الاعضاء ... مدري وش دواعيها

عادي فريق وحقق بطولة والبطولة ممكن تزعل عليها لو شارك الهلال فيها ;)

بس الهلال ماشارك يعني يحق لهم يفوزون فيها

عادي يستاهل الاتحاد البطولة والهلال جابها 6 مرات ... والبطولة القادمة بيتواجد فيها الهلال

وان شاء الله الزعيم بيحققها بإذن الله ...

الاتحاد للمعلومية قدامه فرصة كبيرة جدا لتحقيق كاس المونديال ...

بيلعب مع الأهلي المصري ( ممثل أفريقيا ) واللي بيفوز بيلعب ضد بالميراس

طبعا الاتحاد مايحتاج نقارنة بالاهلي المصري أو بالميراس بصراحة ...

والنهائي بينه وبين الاتحاد همة لاعبيه فقط ..

بالتوفيق للاتحاد من كل قلبي ....


فيه شي بقوله قسم نسيته وربي

بقوله مختصر عشان ماطول عليكم بالكلام على شكل نقاط سريعة <===


## - حضور الجماهير أمس بصراحة يشفل ولكن اتوقع البرد والاختبارات لها دور وليست مباراة الامارات والبرازيل مثل ماقال ابراهيم الجابر ...

## - الصويلح قدم مستوى ممتاز أمس والجمعان قدم مستوى طيب جدا راح يسكت كل من انتقده باذن الله ..

## - اهزوجة العضو المتميز جيتك كانت حاضرة في المدرجات ...

## - الدعيع قادم وبقوة ..... ياحبي لك يا أسد آسيا

## - جيلسون رغم انه قدم مستوى طيب .. الا انه ماينفع ابدا للهلال .. مركزه مزحوم بصراحة وفيه مبدعين في المركز اللي لعب فيه ولكن نشوف وش بيقدم لنا .

## - استغرب من باكيتا لعبه بثلاث محاور باكيتا وش ناوي عليه ؟؟؟

## - كماتشو فقد سحره في الكرات الثابته بصراحة .. واتمنى يكثف التدريبات عليها

## - تفاريز امبراطور الدفاع ... مدري وش بيكون الدفاع الأزرق بدونه !!!

## - فقدتك يا أعز الناس ... إهداء خاص لأبو عبدالله الأسطورة التي لن تتكرر ..




طلب أخير من أدارة الموقع

ياليت تجيبون لنا من الـ ( ) كثير .. لأني شكلي بخلصهن هالأسبوع

في الختام لايسعني الا ان أشكر امي وجدتي على اهتمامهم الدائم بأبوساري





ابوساري - موسكو
اضافة رد مع اقتباس
  #2  
قديم 13/11/2005, 03:40 PM
زعيــم مميــز
تاريخ التسجيل: 21/06/2004
مشاركات: 2,846
يعطيك العاافية يابوساااري وكعادتك مبدع



تحياتي
اضافة رد مع اقتباس
  #3  
قديم 13/11/2005, 03:59 PM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
ياهلا ومسهلا ابو ساري وكل عام وانت طيب بعد الزحمة ولكن عندي ملاحظة على موضوعك وهي

إقتباس
وغير كذا شي ثاني ... عبدالله الجمعان قدم مستوى وهو اللي صلح الهدف


وين اللي يتكلمون بعبدالله الجمعان تكفون أدخلوا الموضوع خلوني أضحك عليكم ..

وين اللي يقولون عبدالله الجمعان خلاص انتهى ... واحد منكم يرد علي بالموضوع هذا بس


الذهب لايصدأ ... وهذا هو أبو حميد ... المدفعجي .. واللي موب عاجبه يشرب من البحر والا يطلع الثمامة

مع احترامي لك لم يقدم الجمعان اي شئ في مباراة الامس الا تمريرة جيلسون اما الاوت مايسمى

تصليحة هدف على قولتك
اضافة رد مع اقتباس
  #4  
قديم 13/11/2005, 04:18 PM
زعيــم فعــال
تاريخ التسجيل: 23/04/2005
المكان: الرياض
مشاركات: 220
وكالعاده رد جديد <<<<<<<<<<<<< مهوب بس أنت اللي بتخلصهن








وكل يوم أكرر هالكلام ... اللي ماعنده أحمد الصويلح ... أنصحه يبيع بأحد بسطات الخضرة

ياناس أبي مهاجم سعودي يقدر يصف جنب الصويلح

الصويلح أفضل مهاجم وهذي وجهة نظري .. الصويلح أولا .. والبقية تأتي




كفووووووووووووووووووووووووووووو

وانا معاك بهالنقطه مليون بالميه
اضافة رد مع اقتباس
  #5  
قديم 13/11/2005, 04:33 PM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
ابداع
]## - فقدتك يا أعز الناس ... إهداء خاص لأبو عبدالله الأسطورة التي لن تتكرر

<==== انا بخلص هذي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:59 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube