السلام عليكم ورحمة الله وبركاته
اول شي نتمنى لمنتخبنا التوفيق في معسكره وفي مباريات الودية وان شاء الله المونديالية كلها
وثاني شي هذا الموضوع اقلقني مرره
وهو اللاعبين والدخان والمعسل
ابغى اعرف الى متى وهم في هذي المشكلة كيف تبغونهم يحترفون في اوروبا وفرق قوية
وهم يدخنون ويعسلون الى متى يعني ؟؟
والله العظيم اني شفت لاعب معروف وفي مصر وبالتحديد بالقاهرة بمطعم فرايديز يدخن وهو لاعب هلالي للمعلومية وانا انصدمت كثير منه تمنيت اشوفه اي لاعب الا هاللاعب
شوفوا ماشاء الله اللاعبين الاوروبيين كيف صحتهم وكيف اجسامهم وكيف حركته في الملعب واللياقة عالية وكل هذا بسبب ابتعادهم عن اللي تدمرهم وتدمر مستقبلهم
واتمنى من الادارة الهلالية وادارة المنتخب انها تبعد اللاعبين اللي يدخنون ويعسلون وتعمل لهم تحليل دائم ويعالجون من وقع في هذي المشكلة لانها حياتهم ومستقبلهم ومستقبل الكورة السعودية ومن مايستجيب معهم يبعدونه عن اللعب الين يبتعد عنه
ووالله ان يضيق الصدر لما تشوف لاعب ويدخن ويعسل وصدقوني اذا ابتعدوا عن هذي المشكلة بيتغير مستوى اللاعب وبيزيد حركة بالملعب ومرونه ولياقة
وبالله التوفيق ان اصبت فامن الله وان اخطت فامني ومن الشيطان
تحياتي لكم
9ساميووو9