|
%$%$ بـاكيــتــا والـدمــار الــشامـــل $%$% بسم الله الرحمن الرحيم ابدا ابدا ابدا ماراح انكر كل شي تحقق للهلال بفضل الله سبحانه ثم بفضل الادارة والجهاز الفني واللاعبين وكل فرد شارك بإنجاز البطولات اللي مضت ولكن ولكن ولكن العين صارت تراقب باكيتا وانا اقصد بالعين ( عيني ) اللي هي عيوني ( حاس ان ضعتوا ) المهم باكيتا هذا الداهيه وهذا المدرب اللي يعمل بهدوء واصبح اسمه يردد على كل لسان لاحظت عليه شي واحد وهو الاجانب وابناء جلدته اولا ثم الفريق الهلالي ثانيا مع الاعتراف بأن تفاريس لازال يقدم مستويات رائعه تجبر اي مدرب بأن يكون اساسي في كل مباراة وكماتشو لاعب رائع واحيانا لاعب ضائع , مرات يكون في قمة عطائه واحيان يكون في غير مستواه ولكن هل مره كان جليس دكة الاحتياط ؟؟ لا ابدا وكل مباراة المدرب يصر على اشراك اجانبه وابناء جلدته طول الشوطين ولا يريح احدا منهم ليزج بلاعب ليختبر امكاناته او شي ابدا لا ولنتذكر اللاعب السابق باولو ديسلفا الانغولي كان افشل لاعب ومع ذلك كان اساسي بنسبة 98% من مباريات اللهلال الى ان استغنت الادارة عنه لعدم اقتناعها به لكن باكيتا كان مقتنع به وكان يدافع عنه ويقدمه على انه لاعب رائع ثانيا اليوم جيلسون قدم مجهود جيد بلا نتيجة طبعا وهي اول مباراة له وكان الاحرى من المدرب اراحته بعد عشر دقايق من الشطو الثاني ولكن هيهات فجيلسون برازيلي ليس نواف اللذي كل مباراة يتم تبديله يعني لا ادري اين قناعة المدرب وبصراحه انا ماراح اسكت واسمع كلمة لانتدخل في امور المدرب اللي يغيضني انه يكون عنده خيارات ومع كذا يجازف بعكس المراكز وحوسة الفريق ومثل ماشفنا الياس لاعب في اليسار ولا قدم شي لازم كل شوي يلف جسمه عشان يرفع بالرجل اليمين يعني لاعب مايلعب برجل يسرى كيف تشركه في خانة اليسار وانت عندك خيار او اثنين ؟؟ اتمنى ان لايكون باكيتا من النوع اللذي يجامل اللاعبين اللي طالب بإحضارهم كل اللاعبين اتوا بتوصية من باكيتا يعني ماراح نشوف ولا لاعب منهم احتياط ؟؟ اتمنى ان هالشي مايصير اعذروني اتوقع موضوعي ينقل او يحذف او او او لكن والله من حرة بقلبي ماطيق المدرب اللي يجامل كذا لاعب على مجموعه ياليت نشوف فرص للجمعان والصويلح والخراشي والموري ومازن والحربي واي لاعب يلعب مكان اللاعب اللي هابط مستواه لظرف ما اتمنى باكيتا مايتسبب على الفريق الهلالي ويعكس صورته عند جمهور الهلال ويصبح الاسواء بصراحه مادري وش كتبت بالضبط لكن اتمنى ما اكون مخطئ وشكرا لكم احبائي الزعماء رسالة لجمهور الرياض -(( حرام عليكم وش تسوون ياجماعه ملعب مايتسع لأكثر من 30 الف مانقدر نعبي نصفه ))- |
عوافي اخوي.. برايي انك تجنيت ع باكيتا كثيرا.. عموما في مباراة اليوم كان المستوى افضل بكثير من سابقتها والمهاجمون اضاعوا فرصا بالجمله وهذا ليس خطا باكيتا.. بخصوص النقطة اللي ذكرتها حول مجاملة باكيتا لابناء جلدته.. بالنسبة لتفاريس انت كفيت ووفيت.. اما كماتشو فانت تطالب باستبداله.. صحيح ان كماتشو في مباراة اليوم منخفض مستواه ولكن اخبرني من بديله في صناعة اللعب!!! لظروف المنتخب والاصابات لم يتبقى الا الفرج وبرايي كماتشو بربع مستواه افضل من الفرج.. اما جيلسون.. فمن الصعب الحكم عليه من مباراه واحده مع اعتبار انه قدم لمسات جيده.. وبخصوص عدم تبديله فهذا اقتضاه حاجة باكيتا لعدد اكبر من المهاجمين ولاعبين الوسط المتقدمين ولو لاحظت انه قام باخراج المحاور الدفاعية لزيادة الضغط الهجومي.. تحياتي لك.. |
8 8 8 8 8 كفيت ووفيت خيو ... |
تسلم اخوي هلالي الظهران انا ماتكلم عن مباراة اليوم اخوي الغالي انا كنت اقصد ان لي فتره اتابع تصرفات باكيتا وتغيراته وهذا اللي لاحظته وانا ماحطيت مباراة اليوم مقياس الا في شغلتين اولا جيلسون وثانيا اشراك الياس في اليسار :nono: هذي الملاحظتين اللي اضفتهم على ملاحظاتي السابقه وشكر على تعقيبك ومرورك اخوي |
s60s |
مشكور اخوى لكن لا تنسا ان بكيتا مدرب عملاق و ما ينحاف علية |
ههههههههههههه بالله وحنا ليش جبنا الاجانب؟؟ عشان نجلسهم فى الاحتياط :confused: :confused: وبلنسبه لنواف تراه المدرب والله يخاف على نواف ويطلعو تحياتى لك |
أنا في رأيي أنه لازم يشـــــرك الأجـــــــــانب لأنه في أي لحظـــــه بينهيلـــــــك المباراة حتى لو ماكان في مستـــــــواه وإذا ماكان بهـــــدف أكيــــد هو اللي بيصنع الهـــــــدف ولا تلــــــــوم كماتشو الله لايلـــــــومه مسكيــــن مثل الحريقــــــه في الملعــــــب والله مو مقصـــــــر مافيها شي لو أنخفــــض مستــــواه شوط أو مباراة أمـــــا بخصــــوص جيلســــــون راح يســــــوي شي هذا اللاعب وتذكروا كـــــــــلامي s60s وفي الختـــــــــــــام باكيتــــــــا ماعليـــــــــه كـــــــــــــلام :d |
احترم وجهة نظرك . ولكن يظل المدرب له قناعاته والمدرب الى الان وهو في الطريق الصحيح منذ استلامه للفريق الموسم الماضي . صحيح لكل مدرب في العالم اخطاء ولكن الشغل السليم يغلب الاخطاء . |
أخي الحبيب شكرا لحرصك ولي ملحوظات بسيطة على كلامك أولا:أنت تطالب ببديل لإلياس في الظهير الأيسر فمن المناسب برأيك وهل هو جاهز؟ ثانياً: اتهامك لباكيتا بهذه التهمه يعني اتهامك له بتعمد الخسارة في المباريات وهذا غير وارد. ثالثا: إصراره على كماتشو مثلا، ارجع لمباراة كأس الملك وما قبلها تجد مستوى كماتشو غير جيد ، وش رايك لو غيره وجاء الفاول من سيسدد ويحسم المباراتين؟ رابعاً: احمدوا ربكم على ها المدرب لا يغير الله عليكم ، وشف الأندية اللي حولك واللي بعيدة عنك تتمنى ريحة باكيتا؟ خامساً: من المدربين المنافسين لباكيتا؟ يوردانسكو الإتحاد، صحيح ، طيب وش سوا فيه باكيتا العام الماضي؟ سادساً: لا يمكن أن تجلب مدرب يرضى عنه جميع الجمهور في جميع المباريات؟ فلكل ميوله ، وكل يريد أن يلعب لاعبه المفضل. سابعا : اسمح لي لو خالفتك، وفي الأخير كلنا نبحث عن مصلحة الهلال. |
باكيتا اخطأ بوضع ياسر اليأس عندما وضعه في الجهه اليسر |
حتى لو لعب باكيتا مع أجانبه وحتى مساعديه وفاز الهلال انا راضي أهم شي فوز وبطوله ومايهم من يلعب تحياتي |
انا معك لكن اللي يسويه باكيتا انا راضي عنه بس لايعيد سناريو امس |
يا اخي كماتشو وهو في ارذل مستوياته يعتمد عليه الهلال في تكتيكه بشكل واضح وهو حجر الاساس في خط الوسط حسب خطة المدرب - تمريراته الذهبية - تسديداته التي تتميز بالدقة -فاولاته الممتازة -ركنياته الرائعة - تنظيمه لخط الوسط -عكسياته الي بالمقاس ثانيا كماتشو وهو في قمة انخفاض مستوياته ممكن يقدم لك تمريرة ذهبية مثل ما صار في كأس الارهاب او ممكن يعكس لك عكسية مثل عكسيته لنواف في كاس الامير فيصل الاخيرة او ممكن يرفع لك كورنر مثل رفعته للعنبر في نفس المباراة او ممكن يسجل لك فاول من مسافات قريبة او بعيدة مثل ما حصل في المربع الذهبي امام الشباب والاتحاد او ممكن يسجل لك اهداف ايضا مثل ما حصل في كذا مباراة لاحظ ان كل هذه الاشياء حصلت وكماتشو في غير مستواه يعني لاعب نايم في الملعب بس يسوي كذا ممكن الشلهوب ونواف يعوضون مجهودات كماتشو وتمريراته لكن صعب عليهم ان يعوضوا تنفيذه للكرات الثابتة والتي كسب من خلالها الهلال العديد من النقاط اما عن المجاملة فلا اعلم كيف ولماذا يجاملهم باكيتا؟؟؟؟ هم اولا ليسوا في طور الاختبار حتى يقنع بهم الادارة والجماهير وثانيا هم ليسوا في مرحلة تجربة يريد انجاحها ولا يمتون بصفة قرابة له تخليه يشركهم كاساسيين بما معناه المدرب مثله مثل مدير الشركة يتخذ القرارات الي على اساسها يحس انه يقدم افضل طاقاته للفريق قد يصيب او قد يخطا لكن هدفه من اي قرار هو النجاح والوصول للقمة لا غير ولو لم يكن هذا الشيء هو هدف باكيتا لما كان ناجحا ابدا هنا ايضا كوجهة نظر شخصية لا انكر ان باكيتا من المدربين الذين يعانون من الجمود في التشكيلة حيث يركز دائما على ثبات التشكيلة بغض النظر عن المستوى لكن هذا لا يمنع انه اعطى الفرصة لاغلب اللاعبين صحيح الفرصة تراوحت في عدد المباريات لكن في النهاية الفرصة موجودة للجميع لكن ما دام جبنا مدرب لازم نتحمل عيوبه اتمنى لو كان باكيتا مثل مورينهو فمورينهو مثلا يعتمد مبدأ التناوب بين اللاعبين خصوصا في المباريات الغير مهمة لكن في النهاية لكل مدرب قناعاته |
احترم كل وجهات نظركم ولكل واحد وجهة نظر مثل ماشفت في الردود وانا تبقى لي وجهة نظر وماقلت ان المدرب تعمد الهزيمه وماقلت المدرب طلع كماتشو مانبيه لكن كل اللي قلته اذا كماتشو مو في المستوى يريحه مافيها شي ولا راح يعتمد الهلال على لاعب معين ترى اذا كماتشو مبدع لأنه يلعب وسط حر راح يطلع بنتيجه اما تمريره رائعه واما تسبب في خطاء وانا على فكره معجب جدا بكماتشو بس كل اللي حاب اشوفه هو اراحة اي لاعب يكون خارج الفورمه لان عندنا مشوار جامد جدا جدا والاسيويه في الطريق ماراح نرضى باي عذر لايقولون اللاعبين مجهدين ولا يقولون اصابات وغيابات واشكركم على تفاعلكم وابداء رأيكم |
| الوقت المعتمد في المنتدى بتوقيت جرينتش +3.
الوقت الان » 05:03 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd