|
الزعيم لن يأخذ اي بطوله بسم الله الرحمن الرحيم اولاً ... ابارك للزعيم الفوز بالمباراة على شقيقه نادي القادسيه والثبات على الصداره رغم ان هذا الفوز جاء بكل صعوبه... ثانياً ... لا فريق يأخذ بطوله اذا كان الزعيم في نفس البطوله !!! عندما نسمع او نعلم ان هناك مباراة للهلال فكل المشاعر والاحاسيس تنتظر تلك اللحظات التي ترى فيها الزعيم يلعب ويبدع ويمتع ... عندما يكون زعيم نصف القرن في الملعب فإننا نعلم ان المباراة قويه حتى لو كانت من طرف واحد وهو الزعيم ... اما بعد ...هلل تتوقعون ان الزعيم قد يأخذ بطولات وهو بهذا المستوى ؟ اتمنى ماحد يرد ويقول ان فيه غيابات !!!! زعيم نصف القرن يلعب بفريق لا يملك اللياقه التي يحتاجها مثل هذا الفريق. كيف سيلعب الزعيم على البطولات وهو لم يكمل لياقة لاعبيه انا لا اعلم كم وقت تدريب الهلاليين ولكن الي اشوفه ان اللياقه ما هي كما ينبغي ان تكون للزعماء وما اتكلم عن هذه المباراة فقط ولكن حتى الشلهوب وهو افضل الاعبين في الموسم الماضي لم نره بمستواه المعهود وان شاء الله يعود كما كان .. استثني من اللاعبين التمياط الي في كل مباراة يكون افضل من الي قبلها ( الله يكفيه من العين والاصابه )<قلت ما شاء الله عن عيني ... :D سؤال ثاني وبدون تعصب هل مستوانا يناسب او اقوى من اندفاع الاتحاد؟؟ <=-=- اتمنى ماحد يرد ويقول اننا فزنا عليه العام نتكلم عن الحاضر.. انانية كماتشو .. وبطء الجمعان .. والكرات الخاطئه من كل الاعبين ..والاحتفاظ بالكره.. وعدم لعب الكره من لمسه واحد .. وكثرت التسديد الضعيفه من خارج منطقة الجزاء .. تضييع واهدار الكثير من الكرات الثابته .. بأختصار (( مافيه تفاهم بين اللاعبين وكأنهم اول مره يلعبون مع بعض )) هذي مشكله ولكنها بأول الموسم وبأمكاننا تداركها فقط اذا كثفنا التدريبات . بالأخير !!! انا ان تكلمت بهذه النبره عن عشقي الزعيم فأني اتكلم لحبي لهذا النادي وعشقي له ولا ارضى بغير الكأس لهذا الزعيم ...! تحياتي لكم .. اخوكم حظيظ ... s13s |
[align=center]اخوي الغالي انت يمكن انك ما شفت مبارات الإتحاد والوحدة تعادل 1/1 لاعبين الاتحاد بالدوليين والأجانب كلهم وأسواء مستوى قدموه كل الفريقين في تلك المبارات مو معنى انها مباراه مبارتين ما قدم فريقنا الهلال مستوى انك تحكم عليه كذا صدقني انا وآثق ثقه عمياء لو نقابلهم وبمحترفينهم بيلقمون منا بأكثر من هدفين يا أخي عندنا سامي ياسر العنبر الصويلح يا اخي عندنا نواف عندنا كوماتشو الشلهوب عزيز الغنام يأخي تفاريس وباقي الشباب فيهم الخير والبركه ومن وراهم أبو دعيع يا اخوي العزيز كل لاعب ينزل مستواه انت عطني فريق صح واعطيك لعب صح أما تعطيني فريق دردعه مثل القادسية والا الانصار او الطائي يلعبون عشرين ألف واحد دفاع وتبون الهلال يلعب كويس لا هذي صعبه عموما مشكور اخوي على المشاعر وأحب اقولك تطمن على الهلال وبتشوف بنفسك كيف نلهمهم لهم s60s [/align] |
فعلا اصدق من الصدق يا السااام |
اتمنى هذا يالسام بس المفروض يكون الهلال قوي مع الصغير والكبير وبالتوفيق ان شاء الله |
أعتقد أن باكيتا لازال غير واثق في الفريق الأولمبي لكي يشرك لعبته بدلاً من الدوليين نحن لا نرضى بأن يقارن زعيمنا مع غيره مهما كان هذا الفريق . وسنرى المستوى في الفترة القادمة لان الهلال لتو عئد من فترة التوقف . |
الصراحه المباره تعبانه مره |
ان شاء الله |
يانس لكل مجتهد نصيب ولايغركم الانديه الي لعيبتها في المنتخب لانها ماراح تشارك بفريقها الاساسي وانتبه للحاجه هذي |
المستوى اليوم زفت ولا الوم الجمهور يوم يقاطع الحضور وهم على هذا المستوى حتى لو فازو فازو متى عقب شق الأنفس في نهاية الوقت الأضافي ومستوى خااااااااااااااااااااايس |
اخوي المستوى مو كل شي شوف منتخب الارجنتين يقدمون مستويات لكن في النهايه؟؟؟؟؟ |
يارجال لاتخاف هذا الزعيم في ايادي امينه بعدين كل فرق العالم تسوي كذا يعني حط فبطنك بطيخة صيفي :) |
والله مستوى الهلال ليس فقط في هذه المباره بل جميع مبارات هذه السنه سيئه سيئه سيئه جدآ لعب فاشل ولا فيه اي فنيه واذ فازو فازو بشق الانفس ياشباب نريد لعب يفتح النفس نريد اذا لعبنا مع الطائي القادسيه الحزم وغيرها من الفرق الخشاش نطلع من المباره فايزين خمسه سته سبعه اهداف نبي نحس ان فريقنا مو اي كلام على سبيل المثال شوف الاتحد بالامس فاز على الحزم سبعه اهداف ليه مالهلال يطلع بمثل هذي النتايج نتمنى لنادين كل التوفيق في كل بطوله ونراه من افضل الى افضل الف شكر :nono: :nono: :nono: :nono: :nono: :nono: :nono: :nono: :nono: :nono: :nono: :nono: |
والله انا خايف وبس من جد اللاعبين امس كلهم لياقتهم زفت ولعبهم ماهو لعبهم وما ادري حسيتهم مشتتين كانهم يستسابقون على تضييع الفرص بس فكرت ان اهم شيء المباريات القويه الحمدالله القادسيه عدو على خير بس الحين يبقى الاتحاااد والاهلي والشباااب والنصر والله هولي الفرق اللي ينخاف منها بس ان شاء الله الزعيم قدها وادعو ان الكاس من نصيبنا وان شاء الله بيكون :d |
هلالي 1 يعطيك العافيه على المرور واللياقه مرره زفت عيون الذئب ان شاء الله راح تتحسن نتايج الهلال ونطلع بسته وسبعه هلال ان شاء الله نزيه المشاعر اهم شي الثلاث نقاط انا معك ولا هو لازم اننا نفوز سته سبعه لكن هالمستوى في الايام القادمه ما راح يجيب لك حتى النقطه الواحد نجوم الزعيم والله مشكلت جمهور الهلال بالرياض ما لقينا لها حل ... بيكاتشو 911 مشكور على المرور |
الله يوفق الهلال .... |
| الوقت المعتمد في المنتدى بتوقيت جرينتش +3.
الوقت الان » 12:18 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd