انا واختي - نادي الهلال السعودي - شبكة الزعيم

العنـا · #1 20/10/2005, 05:23 PM

[align=center][align=justify]السلام عليكم

اخباركم علومكم شمسوين

اقول ما كن رمضان راح بسرعه هالسنه

خلونا نخش للموضوع

اختي الله يجزاها خير معاهده نفسها ما تطلع للسوق برمضان

طبعا الوالده مبسوطه واعضاء العائله الكريمه حفظها الله وايدها بتاييده

متحدينها يطلع الشهر ما راحت للسوق وكم واحد منهم مواعدها بشي لو طلع الشهر ما راحت لسوق انا بالنسبه لي متفرج لان مبداي مع البنت هذي ابعد عن الشر وتفرج من بعيد بيني وبينكم البنت هذي عليها حصانه ما صارت لاكبر دبلوماسي ومصدر هذه الحصانه والداي الحبيبان وسبب هذه الحصانه انها آخر العنقود اللي قاهرني اني قبلها الله يهدي امي

والله انا ما ادري ليه اخواني يراهنونها

مع ان أي واحد يخش معها بتحدي هو الخسران حتى لو كانت الحقيقه انها خسرانه بالاخير هو اللي راح يخسر التحدي قلت لكم جعلها ما تصير اختكم باختصار راح تاخذ اللي وعدوها فيه حتى لو تطلع للسوق كل

يوم وقبل ما نعود لسالفتنا طويله العمر بعد ما راهنوها الشباب قالت لهم ترى المطاعم والمقاهي ما هي داخله ضمن التحدي

>>>>>>>> لا يا شيخه خليها عالسوق اصرف

تقول اخاف التبن هذا يغايرني يجي يوم بكاس كوفي او يكلمني من مطعم بيني وبينكم التبن هذا حضرتنا :p >>>>>> الله يهدي ابوي لو وقف الانتاج بعدي او واصل الانتاج بعدها

المهم من المتضرر من هذا الالتزام ايضا حضرتنا :p لان حضرتنا هو اللي بيروح و يجي عن طويله العمر بحكم ان السواق ما يفهم وباقي اخواني واخواتي ما يبون يخدمونها يبونها تخسر التحدي

كذلك حضرتنا يا ويله لو قال للبرنسيسه لا ونما ذلك العلم الى السلطات العليا فان في ذلك لحدث عظيم يستوجب انزال اقصى العقوبات بعضو شبكه الزعيم المدعو بالعنـا

زبده السالفه عطتني الاخت الفاضله اسماء الرويشد قصدي رقيه المحارب على غفله كيسا وقالت لي : اخي العزيز هلا ذهبت بهذا الكيس للمحل الفلاني واستبدله لي بمقاس اصغر من فضلك لان آخر فرصه هي هذا اليوم و انا آسفه لازعاجك اخي العزيز

8
8
8
8
طبعا تعلمون جيدا ايها الاحبه ان كل هذا كلام استهلاكي وخيال استيقظت منه قائلا كان الله في عون زوجك خيتو ومن باب الامانه لو شاورني فيك باقول خيو لا تتوهق صدقني اخوها واعرفها زين

كما تعلمون بان الحقيقه هي انها رمت الكيس بجانبي >>> وش رايك يالجاحظ

وقالت شف رح للمحل الفلاني وخله يعطيك مقاس اصغر وترى لازم تروح اليوم لان اليوم آخر فرصه فما كان مني الا ان >>>>> لو يدري ابوي عن فما كان مني الا ان طق لي سياره جديده :p ناظرتها وقلت طيب :sad: وكملت كوب الشاي ما امداني اخلص الكوب الاول الا بسم الله قالت بتروح ولا اعلم ابوي

قلت الله واكبر تخوفيني يعني

روحي لابوك وقولي له اللي تبين طبعا ابوي وقتها ما هو فيه ولا كان خويكم ما سوى فيها رجال

بعد الاستمتاع بزحمات الرياض الحبيبه دخلت المحل وكان فيه زباين رحت للكاونتر وقلت للرجال المطلوب شوي الا جت بنت ووقفت على يساري وخرت يمين شوي >>>> اي طيب وشوي الا جت بنت على يميني بصراحه جيت باوخر بس قلت انا جاي قبلهم والمفروض يستحون شوي وانا افكر الا بدوا الحبايب يقربون كل وحده فيهم تقرب وشوي الا خلاص ما بقى الا يلزقون فيني قلت يا ولد شكلهم يخوفون ابعد احسن لك وتوي مبعد عن الكاونتر الا تمسكني وحده منهم صارو بنات اختي ومن زين الطبايع مرتبين للموضوع مع البرنسيسه راعيه الكيس سولفنا شوي واتفقت معهم نروح لكوفي >>>>>> بس باقهر بعض البرنسيسات ;) طلعوا قبلي وعلى بال ما جاب راعي المحل المطلوب وطلعت من استقبلني ؟؟؟؟؟؟؟؟؟؟؟؟؟؟؟؟؟؟؟

الهيئه !!!!!! تعال معنا

يا ابن الحلال بدل حول والله انت فاهم غلط قال فهمنا انت هناك صح المهم ذكرت واحد اعرفه يشتغل معهم قلت يا اخوي كلم الشيخ فلان المهم كلمه وعطاني الجوال وخلوني اقول لكم اللي قال لي بصراحه فاجاني بس والله كبر بعيني قال لي شف يا فلان كلم اهلك الحين وخلهم يرجعون لك عشر دقايق بس ترى اذا كنت تكذب وما رجعوا راح يكون جزاءك اكبر قلت اتفقنا

كلمت بنات خواتي كانوا لسا قريبين ورجعوا وراح الشيخ يمهم وقتها انا تضايقت وكنت باتصرف بس بصراحه كان موقفه رائع نادى السواق خلاه ينزل وتكلم معاه اعتقد خذ معلوماتي ولما عرف الحقيقه رجع لي اعتذر وقال لا تلومنا قلت له بالعكس الله يقويكم وكلمت الشيخ بنفس الوقت اعلمه باللي صار

طبعا جزء من اللي صار كان مخطط له والجزء الثاني لا بس بما ان الاعتراف حاجه حلوه اعترف لكم انهم استانسوا علي بس اللي خفف عني ان بعض البرنسيسات كانوا بالبيت ما عاشوا الموقف مع الباقين :p

طبعا بعض البرنسيسات تكفخو تكفخ تحبه قلوبكم بس ما ابي اقول لكم وش صار اخاف تطبع المشاركه وتوديها لابوي

وسلامتكم

قبل ما انهي المشاركه طرى على بالي شي قلت عاد خلني اصير شفاف

>>>>>> يسمع بالشفافيه واكتب اللي طرى على بالي لكم لو كان فيه ولد بالمنتديات معجب باسلوب بنت ومعجبه كثير ويبي يتاكد من بعض الاشياء الضروريه ويتقدم لخطبتها وش يسوي ؟؟ [/align][/align]

اليزابيث هيرلي · #2 21/10/2005, 02:57 AM

يسوي اللي لازم يسويه يسأل ويستقصي مع اني احسه صعب بس ماعليه يتحمل ..

بالله انت جاد بسؤالك ولاتهستر؟

وبالنسبة لأختك .. الله يعينك ..هاذي دلوعة الماما والبابا .. خلها تسوي اللي تبغاه وتتدلل

دامنا ببيوت اهلنا ولا إذا تزوجنا مافيه غير الكرف والنكد ...

عريب عبدالله · #3 21/10/2005, 07:23 AM

اختك هذي ولازم تتحملها بعدين عادي انت معطيها وجه
وانا اعرف البنات لو ما انعطوا وجه وجههم قوي خصوصاً اذا مسنودين
وتستاهلون يالأولاد انتوا تسوقون وحنا مانسوق يعني طلباتنا لازم تنفذ
بالعربي كن حليماً على اختك وتذكرك لين احتجت لها اذا عازم احد وتبي بياض وجه
مالك الااختك
ووالله الهيئه تعجبني اشوى ما شافوهم يتحرشون فيك كان صارت امور اخرى
بالحب والإشراق

الكلاسيكي · #4 21/10/2005, 08:44 AM

الحمد لله ان ما عندي اخت زي اختك الله يعينك

واجابة على سؤالك بكل بساطه يسأل عنها

وشاكر لك على القصه اللي صرت انت ضحيتها ومن بطولة اختك

على فكره ..ليه ما تعرض القصه على طاش هع

اصغر هلاليه · #5 21/10/2005, 12:38 PM

ههههههههههههههههههههههههههههههههههههههههههههههههههههههههههههههههههههههه

اختك خطييييييييييييييييييييييييييييييييييره

بس انت اخطر

بنات اختك يا حليلهم دمهم خفييييييييييييييييييييييييييييييييييف والله خطيرات

و المفروض انك تصبر ع اختك خلها تكبر شوي بعدين بتسير تقول الحمد الله ان عندي اخت اصغر مني

بس حركتها تقهر

والله لاعلم ابوي والله قهرتني

وعيد سعيد مقدما لك ولبنات اختك والله اني حبيتهم منجد خطيرات

هلالي الظهران · #6 21/10/2005, 10:50 PM

العنا.. اترك عنك الغيره بس.. خلك انت الكبير ..

بالنسبة لما ذكرته في نهاية الموضوع.. بسالك سؤال.. هالشفافيه خطرت ببالك فقط ولا انت جاد في ماذكرته

؟؟

العنـا · #7 24/10/2005, 04:54 PM

اخواني اخواتي

راجع لكم

بس شفيكم عالسؤال الاخير

طرى على بالي عضو معجب باسلوب عضوه كيف يقدر يوصل لها

يعني هل كيف ممكن

يمسك بدايه الخيط

أبومسعد الشلاحي · #8 24/10/2005, 11:47 PM

ردد يالليل ماأطولكـ

مشكوور خيو..

بـ يـ كـ هـ ـام 23 · #9 25/10/2005, 03:00 AM

اهلين اخوي العنا
..

بصرااحه الله يعينك ..

يعني المفروض انك تمشيها على رايك..

لكن مشكلة دلع هالبنات......

مرة كنت في سوق على طاري دلع البنات ...

المهم قرفت منه .. بصرااحه قلق..

لماجيت ابطلع الا واشوف وحده اطول مني معها امها .. بالعربي كبيرة..

تقول ماما ماما خلينا ندخل المحل ..

<< الاخ استانس على هالكلمة ..

استجابت الام لنداء ابنتها .. دخلت انا واهلي ..

قلت للي معي عند البنت .. ماما ماما ابي البلوزه هذي ..

<< الا تطلع لي ام لساااان اللي هي امها .. وتقول هي وش تبي انت .. على بالك تتريق ..

<< الاخ ربط احزمته واقلع لسيارته وخلى الاهل ... من الروووعه

بس بجد بعض البنات تقولها انتي موب زينه تصيح .. طبعا اموووت بالستايل هذا .. حلوو <<لاتصدقووون

المهم عاد .. اخوي بما انك تسأل عن الشفافية .. الحل عندي وانا جندي << لاتصدقوون

في شئ اسمه خاص ارسلها وتعرفها بعدين ..

بس لازم تكون جاد .. جاد والا برج مكة هع هع هع

<<< والله فضاوة ..

تحياتي اخوي ونهارك سعيد واحمد وصالح

بيكوووو

مشكلني حبك يا 9 · #10 29/10/2005, 07:24 AM

هههههههه اشين مكان عندي السوق بس غصب عني اودي اختي

عزوز الأزرق · #11 31/10/2005, 07:45 AM

اللله يهديك بس...

كركرت الى ان انبط بطني من الكركرة...>>>>>>> عربي قح.

ماذا دهاك ياعضو من الاعضاء.. منذ متى وانت تخاف منها.. وكم فارق السن بينكما.. وكيف كانت طفولتكما..؟ >>>>>> علم نفس جاهلي.

لكن اليك الحل من من هو ادرى منك ...

فانت تعيش مرحلة حرجة الا وهي مرحلة العشق والهيااااااااام..

اليك .. حل للمشكلتين سوية..

للتخلص من اختك .. وللتحقيق منالك >>>اتبع الاتي:

توجه الى اختك بذلة وهوااااااااان ... ولك ان تبكي عندها ايضا .. ابك حتى تجف عيني من البكاء..
اكسر خاطرها يعني وقولها ابيك تجربين العضوه ذي وتشوفين هي سنعه والا لا..
وبالطبع اغريها بشيء زين من السوق وبالطبع ماراح ترفض لانه واضح انها مادية >>>>والتحدي اكبر دليل.

المهم بنات يتخارجون مع بعض ويحلون مشاكلهم بينهم ويفهمووووون على بعض...

شوي .. شوي >>>>>> راح يتعرفون على بعضهم وتجيك الزيارات..

هنا يجي دورك كسواااااااااق لاختكم المصووووووونه..

ود اختك لصديقتها وجيب اختك من عند صديقتها...

اختك تزبط علااااااقه... وانت امسك عليها خيط تهددها به >>>>>>ولهذا الشيء خطه ايضا..

فان كنت جاااااااااد فتوقف هنا والا ........... وااصل القراءة..

الخيط اللي راح تذل به اختك وتسير انت المسيطر..

خليني اتعرف عليها بالنت ... واغربلها لك "حب و غرام" ... وانت هددها بذا الشيء ...

تبي الحقيقة/:

اذا ترضى اني اصارح اختك بشعور نت قد لايدوووووووم فرضى لغيرك ذلك والا فلا..

حقيقة وواقع لابد منه >>>>>> بناااااات النت " اخوااااااات لابد من احترامهن"

في الاخر >>>>> قصتك حلووووووووووووة وفطستني من الضحك وعرفة النعمه اللي انا فيها.. " الحمدلله"

سـ الزعيم ـام6 · #12 31/10/2005, 08:13 AM

عندك وحده اصغر منك ومزعجنا
اجل انا ثنتين توئم واتحداك تروح وحده لمشوار وتاركه اخته في البيت
حتى اذا راحت للمستوصف تعبانه الثانيه مرافقه

بس موريهم العين الحمرا بخيزرانه لويرفعون ظغطي

اظاهر الخيزرانه على ظهري

والدليل امس لفيت اسواق الرياض عشان الجزمه وانت بكرامه الي في روسهم ويبونها حصلوها بس الون ماحصلوه طبعن البس لابد انه يكون موحد

بو عهود · #13 04/11/2005, 01:21 AM

ما اقول الا الله المعين

abu_riman · #14 09/11/2005, 09:22 PM

أولاً أنا جداً ممنون لأختي الصغيرة حيث أنها كانت ضمن المجموعة التي تسببت لك في ما حصل و أعتقد أن ما فعلته يعتبر من أفضل ما فعلته خلال سني عمرها .

ثانياً انتبه لأختك فأنت المسئول عنها كما لا تنسى بأنها أيضاً خالتي و بهذا تكتسب كل الأهمية !!

أخيراً سأنصحك نصيحة ..

حتى يسطر تاريخك من ذهب ..
و حتى أكتب عنك مقالاً هنا أمدحك فيه ..
و حتى تصبح رجلاً يشار له بالبنان ..

كلما أردت أن تأخذ أختك الصغيرة عليك أن تأخذ معك ابنة أختك فهي أصغر بنات أخواتك و أمها أكبر أخواتك .

العنـا · #15 10/11/2005, 06:39 AM

[align=center]اختي اليزا شفيك علي والله ما سويت شي اختي اللي سوت مو انا

بعدين شزينك شحلاتك جاوبتي عالسوال في البدايه بس مدري ليه رجعتي تتوطين ببطني :sad:
شنو تحسفتي

بس قلتيها صعبه

بعدين ان شاء الله ربي يعطيك زوج يدلعك اكثر من يومك عند اهلك ;)
تسلمين خيتو عالرد وكل عام وانت بخير

&
^
%
$
#
@

شوفي اخت رائده ترى انا احترمك واقدرك ارجوك ارجوك لا تطيحين من عيني

انت من جدك يصير عندي عزيمه واتكل على اختي

شوفي بكون معك صريح والله ثم والله لو انادي القطو اللي بحارتنا ما اتكلت على برنسيسه العائله

اقول روقينا وخلينا حلوين وخلي الموضوع يروح للصفحه الثانيه لا نندم هذا اذا ما هو ابو ريمان قد طبعه وارسله للوالد بالفاكس

كل عام وانت بخير ولا تزعلين ترى امزح معك

&
^
%
$
#
@

كلاسيكي كني كني شفت كلمه في ردك مسروقه

صدتك صح؟ هعع

بعدين كيف بكل بساطه يسال عنها

من يسال وكيف يسال

مشكور عالمرور وكل عام وانت كلاسيكي وبخير

&
^
%
$
#
@

اصغر هلاليه وانا اقول ليه حرف الهاء ما يجي معي اثرك مخلصته

اي شعليك مالومك تقرين قصه عنهم وتقولين خطيرات اي روحي معهم مشوار بعدها سولفي لي عنهم مع اني احس كذا انك من نفس الطينه

عطيني رقم اخوك اساله

شوفي انا مستعد اسوق باص اصفر حق مجمع مدارس بنات ابتدائيه ومتوسطه وثانويه اكبر مقاس ابو مدري كم كرسي واوصل كل البنات لبيوتهم بس ما اودي اختي والآنسه اخت ابو ريمان مشوار واحد للسوق

والله ياهي اخت ابو ريمان غثيثه مثله :p
الله يسعد ايامك ومشكوره عالمرور والشرطه قصدي المشاركه وخلينا نشوفك

وكل عام وانت بخير

[/align]