#1  
قديم 11/11/2005, 01:18 AM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
* مـظـاهــر الـعـيــد *

[align=center]

يختلف تفاعل الناس مع العيد من شخص لشخص ومن ديرة لديرة ومن طبقة لطبقة ..
هالمرة أبتكلم عن العيد في الرياض لأني عايشت أحداثه وراح أوصف ما يمكن أن يعيشه شاب أثناء العيد ..
طبعا مسألة اجتماعات الأقارب أثناء العيد هي ولله الحمد مازالت هي السمة الأبرز لمجتمعنا و تكاد و تكون هي الفرصة الوحيدة للشخص بأن يلتقي مع أقارب له لم يرهم منذ مدة طويلة و علشان كذا أنا أحرص على مثل هالجمعات ..




التسلية والترفيه


في الرياض أماكن الترفيه محدودة يعني زي منتزهات الثمامة و كم مدينة ملاهي وكم حديقة والساحات المؤقتة حقت العروض ..
لذلك نجد أن البعض رجع مرة أخرى للأسواق والمجمعات اللي كان فيها زحمة تقارب زحمة رمضان !!

بالنسبة لي رحت للمنتزهات وساحات العروض اللي كان فيها عروض (لا بأس ) و دباب وعروض سيرك ومسرحيات والحدث الأجمل في العيد من وجهة نظري كان الألعاب النارية ..



فراشات

كـشاب .. لفت نظري انتشار موضة جديدة ( البنات) ألا وهي عباءة الفراشة وهي رغم أنها تلبس على الكتف إلا أنها تختلف من كونها واسعة ولها كم ضيق وهي من وجهة نظري أهون من المخصّر والمزركش و غيرها رغم بعض الزيادات والألوان اللي ما تخليها بعض الأمزجة !



أبو عيون جريئة

اللي أنا أخبره , أنه إذا تلاقت عين الشاب مع عين الفتاة فمن الطبيعي أن تنخفض عين البنت لأن من طبع النساء الحياء و لكن الحاصل الآن يبدو أنه غير كذا !!
ومن تجربة شخصيّة لمحت أحد البنات و هي تراقبني بنظرّة ( خيّاط ) يريد أن يأخذ مقاساتك ! وحينما ركزت بنظري تجاهها لأجعلها تغير نظرتها للاتجاه الآخر وجدتها ما زالت على نظرتها !!
ورغم أنني أعتبر نفسي جريئا إلا أني استحيت و غيّرت اتجاه نظري باتجاه آخر وسط ذهول منّي !



ممكن توقيع

أحد المنتزهات في مدينة الرياض استضاف بعض الأمسيات الشعرية .. بصراحة فكرة حلوة لكن ربعنا ما يصلح ينحط عندهم أماكن مشاهدة للنساء ( يا ليت يجلسون ببيوتهم ) , و أتمنى ممن حضر أن يكتب في ردّه عن هذه النقطة علشان أكون حيادي ! ;)



فلكلور


بصراحة لا أستطيع أن أخفي اعجابي بالعرضة السعودية والسامري ( فرقة الدواسر ) أثناء حفل العروض الشعبية بمنطقة ( قصر الحكم ) و العب و تنكّس يالخال !



مطاعم ( off )

فيه ناس كثير توهقوا لأن اكثر المطاعم كانت مسكّرة يوم العيد ,, و احد يمزح قال : لو يوم العيد ينصام كان بدينا صيام الست !!



صندوق الصادر
تكثر عبارات التهاني

ولكن

أجملها هي
أبسطها

( كل عام وانتم بخير ) ;)
[/align]

اخر تعديل كان بواسطة » الحاتمي في يوم » 11/11/2005 عند الساعة » 02:04 AM السبب: من قال إنه معدّل ؟!
اضافة رد مع اقتباس
  #2  
قديم 11/11/2005, 01:27 AM
موقوف
تاريخ التسجيل: 31/05/2005
المكان: عالم الاحساس !!
مشاركات: 318
وانت بخير وصحة وسلامة ::



يعطيك العافية ::
اضافة رد مع اقتباس
  #3  
قديم 11/11/2005, 01:44 AM
زعيــم متألــق
تاريخ التسجيل: 15/09/2002
المكان: الرياض
مشاركات: 1,458
[align=center]حي الله اخوي
الحاااتمي
كل عااام وانت بخير
ومن العايدين الفايزين
وتقبل الله منا ومنك صاالح الاعماال <<.<< بقي شيء ولا خلاص



إقتباس
يختلف تفاعل الناس مع العيد من شخص لشخص ومن ديرة لديرة ومن طبقة لطبة ..
..


انا معك اخووي بهاذي النقطه
لانه كل طبقه تختلف عن الطبه الي غيرها

عاد وانا اخوووك الله من التبويس بمثل هالاجتماعات خصوصا اذا كنت مبطي ماشفت الرجاال





إقتباس
التسلية والترفيه


انا من نااحيتي مارحت لشيء من هالي حااطين
لانه بصراااحه احس انها ماتشجع
ولاشفت شيء يشدن لهم



إقتباس
فراشات


الا ماقلت لي وين شفتها
انا مالفتت نظري




إقتباس
ومن تجربة شخصيّة لمحت أحد البنات و هي تراقبني بنظرّة ( خيّاط ) يريد أن يأخذ مقاساتك ! وحينما ركزت بنظري تجاهها لأجعلها تغير نظرتها للاتجاه الآخر وجدتها ما زالت على نظرتها !!
ورغم أنني أعتبر نفسي جريئا إلا أني استحيت و غيّرت اتجاه نظري باتجاه آخر وسط ذهول منّي


وووووه بس ولك يؤبرني هالي يستحي

تبي الصدق طاارق
ماتنلاااام البنيه اذا بحلقت فيك




إقتباس
و أتمنى ممن حضر أن يكتب في ردّه عن هذه النقطة علشان أكون حيادي !

انا بصراحه ماحظرت علشان كذا ما اقدر اقول رايي <<<<< طيب ليش ترد



إقتباس
فلكلور


لاتفوتك بعد الدحة حقت اهل الشمال
شفتهم بالتلفزيون وتحمد ربي على العاافيه




إقتباس
مطاعم ( off )

غريبه والله


إقتباس
تكثر عبارات التهاني

ولكن

أجملها هي
أبسطها

( كل عام وانتم بخير)

8
8
8

عندي بصندووق الوااارد







تسلم يالحااااتمي على هيك موضوع
والصراااحه هالشيء موووب غريب عليك يالمعد





تحياااااتي لك كلياااتك
اخوك بروق نجد[/align]
اضافة رد مع اقتباس
  #4  
قديم 11/11/2005, 03:26 AM
الصورة الرمزية الخاصة بـ دبــل كيــك
زعيــم مميــز
تاريخ التسجيل: 02/12/2003
مشاركات: 3,453
[align=center]
الحاااتمـي ..
عـااادة مايمـر مدرعـم ..
بس الظااهـر انه نشـب بشبـك.. :p
وكتـب فضفضـــة عيــديــــــــــة ...

بعـد ماقريت موضـووعك دحدرت يم الاقتبـااااس .. وشكيت هااك الرد .. بس المشكلـة ان علق .. قلت الشكـوى للـه ..

بعد فصفصـة المـووضـووع .. فعـلاً جااازلي .. باللـه وسـع شـوي يالحااتمي ..

العيـد يختـلف من ديـرة لديـرة .. شي أكيـد .. نظـراً لاختـلااف العااداات والتقاااليـد وطبيعـةالبشـر .. بس صدقني .. العيــد في الهجـر أو القـرى لـه طعـم مختلف كليّـاً عن عيـد المدينـة.. انا أهـجّ عن الدمـاام كل عيـد .. أعيـد في ديـرتي بإحـدى الهجـر .. عيـد غيـر فعـلاً .. من بعـد صـلاااة الفجـر وانت ماااغيـر طردي ورااا الشااايب الىىى صـلااااة العشـااا .. شي راائـع ولايوووصف .. سعـة صـدر .. وفلـة حجـاااج .. وراااحـة نفسيــة .. لا(زركشـة) ولااا تكلـف ..

أجمـل منتـزه .. لما تجلس مقااابل هالبعـاااريـن .. خصـوصـاً حـزة المغـرب ..

من ناااحيـة الفراااشـة .. زيـن لو صفـت على البنـاات .. المشكلـة الآن .. هي ظاااهـرة ميـووعـة الشباااب ... والتي تفشت بشكـل مخيـف بين الشـبـاااب .. ومثـل مااذكـر برووق .. اللـه يلووم من يلـووم البنت لا(بحـّـرت) وبحلقت فيـك ..لك تخـزي العيـن .. ...


فضفضـة .. ومعـاايـدة راائعـة .. صحيـح ان اجمـل المعاايـداات هي ابسطهـا .. والأجمـل .. هو ماتخطـه أو تطقطقـه اناااملك على الكيبـوورد .. والله يعطيـك العاافيـة .. وكل عاام وانت بخيـر ..


مع تحيااات .... اخووك // دبـل كيـك ...
[/align]
اضافة رد مع اقتباس
  #5  
قديم 11/11/2005, 04:20 AM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
[align=center]هلا أخوي طارق كل عام وأنت بخير حبيبي ،

الحاتمي هالمرة لم يمر من هنا ،،،، غريبة

بس ودي أسألك: العيد مر من عندكم وإلا لا؟؟؟
حنا بصراحة مامر من حارتنا يقولوا مر من الشارع الثاني اللي جمبنا
لا حسينا بالعيد ولا طعم العيد
،
طيب البنت ما ذبت الرقم وإلا شيء ؟ !!!

على طاري صندوق الوارد
أول من أرسل لي رسالة يهنئني بالعيد هو أنت يالغالي ،، ومشكور عليها وكل سنة وأنت طيب


[/align]

صلاح -
الرياض
اضافة رد مع اقتباس
  #6  
قديم 11/11/2005, 04:41 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
اللي أنا أخبره , أنه إذا تلاقت عين الشاب مع عين الفتاة فمن الطبيعي أن تنخفض عين البنت لأن من طبع النساء الحياء و لكن الحاصل الآن يبدو أنه غير كذا !!

والله انك صادق

ثانكس علىالموضوع الممتع والجميل
اضافة رد مع اقتباس
  #7  
قديم 11/11/2005, 05:56 AM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
[align=center]يلله حي ابو حاتم

كل عام وانت بخير يابعد حيي

اقول والله يازين العيد في بيتكم تواصل وتتغدى وتنام الين الفجر << وقم صل اللي فاتك
وبعدها طال عمرك البر بعيد عن لجة هالرياض وشوارعها


بالنسبه للعروض اللي تقام بالرياض ,, تبي الصدز والله تطورت ماهي مثل اول قبل خمس سنين او اكثر ,,

والقادم اتمنى يكون افضل

يعني اخبر اول العيد بالرياض كنه عزا مابه احد ابد لكن الحين اشوا شوي ;)

المهم ان العيد وناسه
[/align]
اضافة رد مع اقتباس
  #8  
قديم 11/11/2005, 08:00 AM
زعيــم مميــز
تاريخ التسجيل: 16/09/2004
المكان: MED-US
مشاركات: 2,871
[align=center]ياهلا بالحاتمي
كل عام وانت بخير {بعد الزحمه}
7
8
إقتباس
التسلية والترفيه


في الرياض أماكن الترفيه محدودة يعني زي منتزهات الثمامة و كم مدينة ملاهي وكم حديقة والساحات المؤقتة حقت العروض ..
لذلك نجد أن البعض رجع مرة أخرى للأسواق والمجمعات اللي كان فيها زحمة تقارب زحمة رمضان !!

بالنسبة لي رحت للمنتزهات وساحات العروض اللي كان فيها عروض (لا بأس ) و دباب وعروض سيرك ومسرحيات والحدث الأجمل في العيد من وجهة نظري كان الألعاب النارية ..

انتم يأهل الرياض مهتمين فيكم مسرحيات ودنيا :p
لكن حنا يأهل المدينه مالك الى علوم الشيبان{توسع الصدر لاضاق}

إقتباس
فراشات

المشكلة كل شوي طالعين لنا بمصيبة جديده اسمها الموضه :sad:
أبو عيون جريئة

إقتباس
اللي أنا أخبره , أنه إذا تلاقت عين الشاب مع عين الفتاة فمن الطبيعي أن تنخفض عين البنت لأن من طبع النساء الحياء و لكن الحاصل الآن يبدو أنه غير كذا !!

والله احمد ربك الي ماقامت عليك
الحين والله بعض البنات ضحكه بصوت عالي ولبس مخصر واذا كلمها من هالشباب التعبان قامت تصايح
طيب ليه تسوين كذا دامك شريفه
مطاعم ( off )

إقتباس
فيه ناس كثير توهقوا لأن اكثر المطاعم كانت مسكّرة يوم العيد ,, و احد يمزح قال : لو يوم العيد ينصام كان بدينا صيام الست !!

اجل منت من اهل المفاطيح بالعيد


بس والله هالعيد ماهو زي الي قبله ماله طعم ولا ريحه [/align]
اضافة رد مع اقتباس
  #9  
قديم 11/11/2005, 01:07 PM
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
هلا والله بالحاتمي وكل عام وانت بخير
أجل مرمرة بين الفعاليات !! بس ماودك يحطون الالعاب النارية بالنهار !! عشان مايخافون البزارين

إقتباس
أبو عيون جريئة

اللي أنا أخبره , أنه إذا تلاقت عين الشاب مع عين الفتاة فمن الطبيعي أن تنخفض عين البنت لأن من طبع النساء الحياء و لكن الحاصل الآن يبدو أنه غير كذا !!
ومن تجربة شخصيّة لمحت أحد البنات و هي تراقبني بنظرّة ( خيّاط ) يريد أن يأخذ مقاساتك ! وحينما ركزت بنظري تجاهها لأجعلها تغير نظرتها للاتجاه الآخر وجدتها ما زالت على نظرتها !!
ورغم أنني أعتبر نفسي جريئا إلا أني استحيت و غيّرت اتجاه نظري باتجاه آخر وسط ذهول منّي !

يقولك اول كانت الحرمة تلتصق بالجدار اذا مرت بجانب رجل حياء !!! لكن هذه الأيام صار بعض الرجال هم من يلتصقون بالجادر اذا مرت بجانبهم المراة !!

إقتباس
فراشات

كـشاب .. لفت نظري انتشار موضة جديدة ( البنات) ألا وهي عباءة الفراشة وهي رغم أنها تلبس على الكتف إلا أنها تختلف من كونها واسعة ولها كم ضيق وهي من وجهة نظري أهون من المخصّر والمزركش و غيرها رغم بعض الزيادات والألوان اللي ما تخليها بعض الأمزجة !

الأصل في العباية هو ستر المرأة !! بس هالعبايات الملونه يبي لها ستر

وكل عام والجميع بخير>>> وبكرا دراسة>>> ياحبه للتنكيد
اضافة رد مع اقتباس
  #10  
قديم 11/11/2005, 03:08 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
سبحان الله بعض الناس من زود الشين اللي فيه يحاول إيهام القارئ
بأنه حلو وهو حول لوح

من الايدين طارق ونبي الصور لاهنت لتكتمل روعة الموضوع
بس لا تصور الفراشات ..صور لنا الاحتفلات مخرج 10
اضافة رد مع اقتباس
  #11  
قديم 11/11/2005, 03:37 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
[align=center]
إقتباس
الرسالة الأصلية كتبت بواسطة سهل 888
سبحان الله بعض الناس من زود الشين اللي فيه يحاول إيهام القارئ
بأنه حلو وهو حول لوح

خخخخخخخخخخخخخخخخخخخخخخخخخخخخخ مسوي دعايه اجل


الله يرجك ياسهل [/align]
اضافة رد مع اقتباس
  #12  
قديم 11/11/2005, 10:52 PM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
[align=center]خلودي

الله يعافيك وكل سنة وانت طيب


بروق نجد

مشكلة التبويس الأدهى من ذلك << ما يمديك ;)

هي إذا صارت على جهة واحدة مثل بعض المجتمعات !!


بس أنصحك إذا تبي تحب الدحّة , تشوف الدحة على أنغام ( فيفتي سنت ) !!




دبل كيك

يا مال العافية و كل عام وانت بخير

والله لا يهينك نبي تحط لنا وصف منتزه ( البعارين ) !!




وللبقية عودة ;) [/align]
اضافة رد مع اقتباس
  #13  
قديم 12/11/2005, 12:53 AM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
[align=center]عاشق الزعيم من اليمن


كل عام وانت بخير

إلا متى تمر أنت و نشوفك ;)

اجل البنات هم اللي صاروا يذبّون الرقم !! أخبرهم العيال !!




الكلاسيكي

حياك , و شكرا على مرورك



هلالي سمعا و طاعة


هلا بالذيب و كل عام وانت بخير

أقول باختصار : اللي معه كحيلان يعيّد بالديرة ؟!! ;)
[/align]
اضافة رد مع اقتباس
  #14  
قديم 12/11/2005, 01:07 AM
موقوف
تاريخ التسجيل: 26/06/2005
مشاركات: 564
العنا مر من هنا ويقول يمكن امر ثانيه
اضافة رد مع اقتباس
  #15  
قديم 12/11/2005, 06:31 PM
زعيــم مميــز
تاريخ التسجيل: 18/03/2005
المكان: سّــــــــــــــــــــواح
مشاركات: 2,772
[align=center]بدون اي مرور وتظليل.. حياك الله الحاتمي..


كل عام وانت بخير



إقتباس
التسلية والترفيه



تصدق هالفعاليات ماعمري رحت لمها وبالاصح مافكرت من الاساس ومافي اي نية مستقبلا.. بصراحه احسها ضحك ع الدقون وتنفع للاطفال وكبار السن فقط..




إقتباس
فراشات



ياخي اهل الرياض في خير اذا عادهم ع الفراشات ..


محدثك كان في مكه في العشر الاواخر ..وفي يوم اضطريت اطلع لجده وللاسف احتجت اني ادخل سوق من الاسواق.. وكانت الصدمه..ولاحظ بالعشر الاواخر..

انت زعلان من اللي عباياتهم مثل الفراشه.. ياطويل العمر شفت بنات الله يستر عليهم ايميلاتهم مفصله تفصيل في طرف(الكم بضم الكاف) العبايه حتى يبرزونها ويخفونها وقت مايبون..
والادهى من كذا الشباب.. تخيل وصلت التكنولوجيا الى انهم يلبسون احزمه فيها شريط الكتروني مزوده ببطاريه صغيره.. وطبعا يمر في هالشريط الاسم ورقم الجوال والايميل وبعض عبارات الاغراء .. تخيل هذه يحدث جهارا وعلنا امام الجميع وفي العشر الاواخر..

وازيدك من الشعر بيت.. في شنط بتجلب قريبا للبنات وفيها نفس الشريط الالكتروني!!!!!!




إقتباس
أبو عيون جريئة


صدق مقطعك الحيا.. ع فكره عادي النظرات.. الا قول لي وماني معلم احد قطت الرقم ولا لأ..


الله يستر علينا وعلى المسلمين.. ياليت توقف الامر عند النظرات فقط..

إقتباس
صندوق الصادر
تكثر عبارات التهاني

ولكن

أجملها هي
أبسطها


اضف عليها واوفرها ..



تحيتي لك..[/align]
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:47 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube