#1  
قديم 09/11/2005, 10:45 PM
زعيــم متواصــل
تاريخ التسجيل: 27/08/2005
مشاركات: 65
::::ذكريات مدرسية:::: قصص من الواقع

ذكريات مدرسية
السلام عليكم ورحمة الله وبركاته
طبعا ً الجميع مر بالدراسة ولازم يكون مر على مواقف
قد تكون مظحكة وقد تكون مبكية وقد يكون ((إنساني)) مثل أخيكم بالله
أرجوا كل الرجاء الي يقرا الموضوع يكتب موقف واحد أو أكثر
والي ماعنده يوزر أو متعيجز يسجل يرسلي إميل < ---- تراه يستانس لاجاه إميل ولا رسالة خاصة

[email protected]
أنا مر علي الكثير من المواقف وأتذكر بعضهم بحكم إني أكبر مشاغب بالفصل إن لم يكن بالمدرسة كلها
الأول::
مدرس العربي كان من دولة غير عربية ويقول مره أنه كل شي مستورد
الملابس والطباشير والسيارات و و و و و .....الخ الظاهر أنه عدد 60 شي
وهو يعدد قلت له ترا حتى إنت مستورد  طاح وجهه طيحة مهيب طبيعيةذاك اليوم
الثاني:: وهو الموقف الإنساني
مرة قلت للأستاد بروح للحمام قالي لا طبعا لا هذي ماهيب موجوده بقاموسي
قلت له خلني اطلع برضاك ازين من اطلع غصب همن عاد تتفشل قدام العيال
حتى الزلايب والدوافير يضحكون عليك
قالي خلاص رح .< -------- النقطة تدل على إني كاتب فلتة
قبل ما اروح للحمام مريت الوكيل يمكن يبيني بشي اودي طالب للمدير ولا أجيب طالب
من فصله ولا اقول اعلانات أو اوزع اوراق طبعا ً أنا كنت أستانس للأمور هذي
منها تشبك الوكيل ومنها تضيع حصه< -------- ولو يعرف يضبط أموره 
المهم مالقيته وأفتح درجه وآخذ لي كم حبة فص فص وكم علك
يوم رحت للحمام وأسمع صوت واحد يقول :- ياجماعة واحد يدخل علي
أنا يوم سمعت صوته عرفته قلت له :- أفا هذا وإنت من عائلة كبيرة ومحترمة
راعي هالحركات المشكلة إنك شين < -------- ماصدق وفهم غلط
قال :- لاااا الحمام مصكوك علي ولا أقدر أطلع
قلت بنفسي:- هذا وقتك يا ملك الإنسانية علشان تبرهن للناس إن فيك خير
المهم وأدف الباب أدفه الين إنكسر وإنفتح
ويوم يجي الولد يقول والله إنك رجال أجودي وفيك خير ........ إلخ
قلت :- لا شكر على واجب
من بعدها صرت ملك الإنسانية.<-------- لا تنسون النقطة؛)

هذا الي عندي حاليا ً لاتنسون الردووووووود ولا الإيميلات

ودمتم سالمين،،،،،،
اضافة رد مع اقتباس
  #2  
قديم 09/11/2005, 11:54 PM
زعيــم مميــز
تاريخ التسجيل: 17/05/2005
المكان: قلب الزعيم
مشاركات: 2,235
هههههههههههههه واالله ملك الانسانيه بس كنت بكتب الموضع وسبقتنى

بس انا فى موقف بحياتى مراح انساة ابداابدا

فى مرة من المرات مدرس الحصه السابعه درينا انه غايب قلنا ياعيال تراها طلعه وايامها كنا فى الصف الاول

ثانوى وقرننا اننا نطلع قلنا بنصلى ونطلع لان بعض الفصول (المئدبين )اذا صار الحصه السابعه فاضى يطلوعنهم

قلنا يالله بنصلى ونطلع المهم وبدون اذان من المدير ولا الوكيل طلعنا للمصلى بنصلى المهم قالوا لى الشباب تقدم صل فينا

انت احسنا صوت ا لمهم تقدمت لصلاة ويوم كبرت تكبيرة الاحرام وقريت الحمد اسمع صوت الوكيل يصوت ويقول

لالا خلهم يكملون صلاتهم المهم انا رحت فيها وعورنى بطنى قلت وقعت الواقعه

كملنا الصلاة وكعادة الامام يلتفت على المصلين المهم دنقت راسي وقعت اسبح قال الوكيل وكاااااااان معصب


انتم وش طلعكم من الصف ومدري كيف ومن هاطلاب وقال صرنا شيعه كل واحد يصلى لحاله

مالكم بالطويله وقفنا فى اخر المصلى وقال سنعكم بكرة المهم وقفنا لين صفر وصلينا ثانى مرة مع الطلاب


وسمانى الوكيل بعدها الامام المعصوم


ومن بكرة غاب الوكيل عن المدرسه والحمد لله عدت الامورعلى خير ولاكن الوكيل مانسي الامام المعصوم
اضافة رد مع اقتباس
  #3  
قديم 12/11/2005, 05:59 PM
زعيــم متواصــل
تاريخ التسجيل: 27/08/2005
مشاركات: 65
هههههههههههههههههههههههههههههههههههه
الموقف
بس بدري كيف انت احسنهم صوت والصلاة الظهر؟؟؟؟؟؟
وين المشاركات ؟؟؟؟؟؟؟؟؟؟؟
اضافة رد مع اقتباس
  #4  
قديم 13/11/2005, 08:34 PM
زعيــم فعــال
تاريخ التسجيل: 28/03/2004
المكان: الرياض
مشاركات: 406
هذا موقف لي مع مدرس نذل (وأيضا شبه مؤامره)

انا لما كنت في صف ثاني متوسط

وكنا بالفسحه وكان علينا حصة رياضه << عاد تخبرون فرحانين بها

المهم مدرس الرياضه يقول خلوكم برا بالملعب لا تدخلون للفصل

المهم جاني مدرس وقال لي يالله الفسحه خلصت تفضل للفصل

وقلت له علينا رياضة يا استاذ قال طيب رح للملعب مع زملاءك

المهم رحت في حال سبيلي جالس مع أخوياي ويجيني يقول يالله الفصل

المهم انا مستغرب جاني مرة ثانيه

وانا على نياتي قلت له عندنا رياضه يا استاذ

ويمسكني ذيك المسكة ويدفني لين طرت 10 أمتار

المهم قمت وانا متنرررزفز وقلت له في لحظة غضب وهو صاير وجهه مثل الطماطة
(خير ليش تدفني) قال خلاص روح فصلك (قلت حيوان انا عندك تدفني كذا) قال لا منت حيوان خلاص روح فصلك

المهم رحت في حال سبيلي للفصل وانا متنرفز وأدعي عليه على اني بكلم ابوي يشوف شغله معه

المهم وأرقا للفصل وطلعت للمشرف التعليمي اشتكيه وما قصر هو قام أخذني على كل الفصول ودار بي

كل شوي يقول هذا أقول لا وانا أوصف شكله

المهم يقول خلاص فيه واحد ببالي زي وصفك بدوره

ونزلت للملعب ولا لعبت ذاك اليوم من القهر :p

ورحت ورا الشجر اللي بالملعب وأفكر أطلع الجوال ولا لا أطلعه ولا لا وأطل الا استاذ الرياضه يناظرني

قلت يا ولد مالك الا الحمام محد شايفك
وانطلق للحمام
والورطه ان المشرف التعليمي فيه


وأصرفها أدخل الحمام وأسحب السيفون وأطلع :p

ويوم طلعت رحت للشباب الا هم مخلصين

وأروح للحمام ثانيه الا هو فاضي
((قربت المؤامره))
وأدخل للحمام وأطلع الجوال تك تك تك تك

ألوه أبوي تعال للمدرسه في مدرس طاقني ودافني ومطيرني عشره متر

ابوي قال خلاص بجي

وانا اكلم أسمع صوت واحد داخل للحمام

المهم طلعت وأسمعه فتح الباب عاد انا دعست

وناداني تعال يله هنا (يله=يا ولد بالصعيدي ) وانا معاندي عاد وقفت وخليته يرقا للدرج

وقال جب جب
قلت وش أجيب
قال الجوال
قلت ماني معطيك
قال وشو
قلت ايه ماني معطيك وش تبي
قال تعال امشي

ووداني للوكيل وقال هذا معه جوال ويكلم بالحمام
المهم راح ذا الصعيدي النشبه الله لا يوفقه

وقال لي الوكيل جب الجوال وعطيته

وقال خلاص رح

قلت ماني رايح لين تعلمني متى بتعطيني الجوال

وقال مرني بعد الدوام ولا بعد الصلاة

قلت طيب
قال خلاص رح للفصل

رحت ما جلست شوي الا وأبوي جا

وانا أروح له وأجلس وقلت له القصه

همن جا المشرف ووداني لذاك المدرس اللي دفني

وقعد يكلمه المهم نزلنا احنا الثلاثه(المشرف وأنا والكلب اللي دفني)

المهم نزلنا وجلسنا وابوي جلس يهاوشه قدام الوكيل وأبوي يقول للوكيل هذا مشرف الدف عندكم الظاهر

وذاك طاااح وجهه
همن طلعني الوكيل قال رح برا شوي

المهم
وناداني ودخلت والا هو يقول
انا وش سويت لك
قلت مسكتني ودفيتني
قال وشلون
قلت مسكتني مع يدي ودفيتني قدام الطلاب بالفسحه
قال وشلون << بغيت أشتمه بس الوكيل وأبوي جالسين

المهم وجا وحب راسي وقال أنا آسف

المهم وطلعنا انا وأبوي للمكت اللي فيه جوالي <<< دائرة حكوميه ميب مدرسه

ورحنا وقال لي الوكيل خلاص رح فصلك

وابوي خذ الجوال وانتهت المشكله

اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:55 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube