[align=center] مساء الخير.. وكل عام وانتم بخير ...


أبونورة يعود لكم بموضوع جديد ..


نعم الهلال الأكثر شعبية في المملكة .. (صور)


------------------------------

والله قالوا وقالوا <------ طيب وش قالوا


قالوا أن أن أن أن الكورة فوز وخسارة<--------------- ترا مالها دخل في الموضوع بس كذا


نعود إلى موضوعنا ...


أيه قالوا أن النصر أكثر شعبية في المملكة .. ( نكتة الموسم )


تخيلوا أن النصر أكثر جمهور من الهلال


بس ترا جمهورهم في ميزه حلوووه وهي أنهم يحظرون بكثافة وحتى لو ينهزم النصر 10 صفر


بس حتى لو تنطبق السماء على الأرض يبقى الهلال عمهم وحارق دمهم


بكل بساطة جمهور الهلال 3 ارباع جمهور الأخضر في مباراة الكويت واوزباكستان


الهلال جمهوره تقريبا 70 الف متفرج ... نعم .. سبعين الف


والدليل بالصور ...


لاكن متى أوريكم الدليل ؟؟



بعد حفل اعتزال يوسف الثنيان لأن جمهور الهلال سوف يملأ الملعب ان شاء الله ويثبت كلامي واجيب لكم الصور


يؤ يؤ يؤ الحين بينط لي واحد ويقول ياللي ماتخاف الله مدخلنا وبتورينا صور وتقول بعد الأعتزال ...


أقول له اصبر ياحبيبي شوي افهمك الموضوع ...


أخوي .. سلمان بن محمدنزل لكم مقاطع فديو ماتكفي؟


ايه صح انا قلت لكم صور ... طيب من عيوني أوريكم الصور ... بس هي صور صغيره لاكن معبره ...


سجل في منتدى الزعيم ( الهلال ) تقريبا 113 الف عضو ... طيب شي جميل ولله الحمد ..


الحين بينط لي واحد يقول بس فيه أعضاء مندسين مايحبون الهلال ..


أقول له .. طيب من عيوني كلامك على العين والرأس .. طيب كم عضو مندس .. الف ؟ ولا الفين ؟ ولا عشرة الاف ؟


افتراضاً أن 10 الاف عضو في المنتدى غير هلالي ..


يصبح عدد الأعضاء الهلاليين في المنتدى 103 الف .. طيب .. شي جميل وحلو ولله الحمد ..


بينط لي واحد يقول فيه كم عضو مسجل بأكثر من اسم ..



كلام حلو وعلى عيني وراسي ..طيب الف عضو مكرر ؟ ول الفين ؟ ولا كم ؟ طيب نقول 3 الاف عضو مكرر مثلاً ..


يصبح عدد الزعماء في المنتدى 100 الف عضو .. والله كبير ياهلال



شي جميل .. ولله الحمد ..



طيب يعني أخوي بدر الملاعب حط بالصور منتدى الجمهور الهلالي يتعدى المليون مشاركه ... ولله الحمد .. وهذا دليل على اهتمام الاخوة الهلاليين بالنادي ..



وهذي الصورة حقت أخوي بدر الملاعب :





يعني واضح الاهتمام بالنادي .. والحرص على مصلحته ..


الأن نأتي إلى صورة اللي قلت لكم عنا صغيرة الحجم كبيرة المعنى وهذي هي :





اوكي نذهب لكي نتأكد من الفرق الأخرى .. من الممكن أن نجد منتدى فيه اكثر من 100 الف عضو ليه لا ..


أولا نبدأ بالنصر عدد الأعضاء 16 الف .. فقط ..


طيب كم نقول من عضو مندس يعني مايحب النصر ؟ الف ؟ ولا الفين ؟ولا 3؟


طيب مثلا نقول 3 الاف عضو مندس .. وكم نقول من عضو مكرر ؟ الف ؟ ولا الفين ؟ولا 3 الاف ؟


مثلا نقول 3 الاف عضو مكرر ..


يعني عدد النصراويين تقريبا في منتداهم 10 الاف نصراوي فقط لاغير .. وهذي الصورة :




نأتي إلى الأتحاد ..عدد الأعضاء 4 الاف عضو فقط لاغير .. ( اللهم لا شماته )


يعني كم مندس وكم مكرر ؟؟ عموما مالها داعي نحسب بيصير الأعضاء 1 الف فقط هههههههههه


طيب نشوف الصورة :







والان نذهب إلى فاصل ومن ثم نعود <--- مسوي برنامج الصفقه



الحين الأهلي .. الموقع الرسمي مغلق بمناسبة العيد <--- طيب وش دخل العيد



وذهبت إلى منتدى الكواسر للجمهور الأهلاوي .. وعدد الأعضاء 9 الاف .. نقول كم عضو مندس ؟ 32الاف مثلا ؟ و2 عضو مكرر ؟



والباقي 5 الاف أهلاوي .. وهذي الصورة :










وهذا دليل يثبت أن جماهير الهلال أكثر جمهور في المملكة وان النادي يمتلك شعبية كبيرة في جميع المناطق ..




والدليل الأكبر هو اعتزال الثنيان ان شاء الله


------------------------------


عذراً على الاطالة ..[/align]

على مستوى العالم العربي بعد

صح عليك جبتها..


يابعدي

ياخي موضوعك معلوماته قديمه كم أسبوع

النصر ركب قاعدة بيانات مزورة ورفع عدد أعضاؤه الى 100.000 ...

بس مهوب هذا المهم ... المشكلة أننا نحسب عدد الأعضاء وهذا ممكن التلاعب فيه

المفروض نشوف عدد المواضيع والمشاركات ... لأنها هي اللي تحدد شعبية النادي مهما زاد عدد الأعضاء


والشيء الثاني ... هو أني اتحدى اي واحد يدخل على منتدى الزعيم ويشوف عدد الأعضاء المتواجدين

ويروح ...( بنفس الوقت ) ... الى منتدى ثاني ويلقى عدد الأعضاء المتواجدين أكثر ... لازم يكونون أقل

أتحدى ثم أتحدى ثم أتحدى <<< يا قوي <<< ياخي خل عنك تقول رامبو الحربي

مشكور

هلا بك بونورة ومشكور على الموضوع

انا عندي تعقيب على كلامك وهو (( انتظروا اعتزال الثنيان )) انا من ناحيتي اعرف

ناس كثيرين (( مو هلالية )) بيحضرون عشان هم من عشاق الفيلسوف ومن كبار

المعجبين بمهاراته (( من مشجعي الجار )) يعني مبااراة اعتزال الثنيان مو حكم ،،


انا اقول نسوي احصائية بعدد جماهير الهلال بحضورها في المباريات خارج الرياض

ونقارنها بالفرق الاخرى لانه داخل الرياض اعتقد ان سلمان بن محمد كفى ووفى

اما خارج الرياض فهم مازالوا يكابرون على ان شعبية الهلال هي الاكبر مع انها

الحقيقة ولكن هم ماعندهم شغل غير التشكيك في كل ماهو هلااااالي وياقاهرهم ياهلاال

الكبير كبير يا زعيم لكن لا ارى ان هنالك داعي للمقارنات

جبتها على الجرح يالذيب موضوعك اكثر من رائع يارائع

هلا بك بونورة ومشكور على الموضوع

[align=center]العفوووو


ويعطيكم الف عافية على الرد


وبالتوفيق للهلال ان شاء الله ..[/align]

الزعيم زعيم يالغالي

يعطيك العافيه ولكن من الغلط مقارنه نادي بحجم الهلال بمثل هذه الانديه

ياناس

ترا اذا قارنتوا الهلال باي نادي من السعوديه هذا فيه ظلم للهلال

يوم مباراه الاتحاد اسمع الحكم وعلى ما اذكر انه يقول جمهور كبير يقدر ب 20الف

عشرين الظاهر هذي في ملعب الملز

اذا كنت غلطان ذكروني