شباب ابي اضعف بس ماني قادر!!!!عندكم حل؟ - نادي الهلال السعودي - شبكة الزعيم

RoMa4eVeR · #1 08/11/2005, 09:33 AM

السلام عليكم

شباب انا عمري 19 سنه ووزني قارب ال130كيلو ودي اضعف بس ماني قادر متعبني المرض
وشوفه الناس الضعيفه تعور قلبي

مافيه شي ماسويته بس مااستمر فيه اكثر من اسبوع

وش السواه يااخوان؟؟؟

اخوكم محمد

هـلالـي أصـيـل · #2 08/11/2005, 09:56 AM

[align=center]هلا أخوي محمد
انتا عمرك صغير ماشاء الله ويمديك تسوي ( الهوايل )

وتحتاج الى امرين /
الاول / الصبر
الثاني / مراجعة طبيب مختص
انت جربت تروح لطبيب مختص في هذه الامور ؟
عليك بالرياضه وكثر من المشي واهم شيء التسجيل بالنادي وعمل تمرينات سويديه
( نادي يهتم بانقاص الوزن ) ويكون لديهم اخصائي اغذيه وحميه يتابع معك ....

والمشي طبعا خارج النادي تدريجيا مره كيلوا المره الثانيه ( 2 ) كيلوا وهكذا
لمدة لا تقل عن ست شهور واذا مليت من المشي كرة القدم والا الطايره والا التنس الارضي
هذا نظام احد الاخوان اللي اعرفهم ونقص طبعا مو كثير كثير لكن قدر يوصل حتى 91 واول كان
فوق ( 120 ) مادري بالضبط لانه عيا يعلم اساساً كم

وفيه طريقه ثانيه ( برضوه احد المعارف )
الرجيم
رح لأي اخصائي مختص تذغيه وخله ياخذلك فحوصات وعلى ضوئها يحدد لك اكلك
اعرف شخص قبل لا يعرس كان سمين بس ليلة العرس زي الفل لا هوب اللي سمين مره ولا نحيف اصح تعبير يقال له ( مليان ) وان شاء الله اكون افدتك ولو بشيء يسير

[/align]

الهواء · #3 08/11/2005, 11:08 AM

عليك بالرياضة والتدرج من المشي الى الهرولة مو من اولها تراكض
لازم يكون اكلك لبناني ههههه يعني سلطات وفواكة وجبن وزعتر طبعا مع مراجعة الطبيب مو يجيك شيء وتوهقني

غامض · #4 08/11/2005, 11:53 AM

حل بس يبغاله وقت

ربط المعدة

وانصح انك تسوي اللي ينفك مو الثابت

دلع-20 · #5 08/11/2005, 02:31 PM

اخوي مشكلتك سهله بس شوية صبر
واول شي نسويه تدخل نادي صاحي وان شاالله تنزل
وترا ماراح يصير في يوم وليله لازم تطول علشان تطلع النتايج زينه ;)

مجنون الكاسر · #6 08/11/2005, 04:38 PM

أنا كنت متين
كان عمري 12 ووزني 57
لكن بالرياضة
وتقليل الاكل مثلا تاكل صحن واحد على الغدا وما تاكل بطاطس أو اي شي فيه دهن على العشا
وتبعد عن الكاكاو وما يشابهها
وإذا استمريت على هالطريقة بإذن الله ينقص وزنك
وانا بعد سنوات الحين وزني ممتاز وهو55 واعتبر نحيف
وان شاء الله تكون استفدت

الهلال موتي · #7 08/11/2005, 04:45 PM

أخي الكريم ،،

بالصبــــر والعـــزيمــه تستطيع فعل المُستـــحيل ..

والأخوان مـــا قصروا في الرد ،،

ولك كل الأحترام والتقدير ،،،

c.ronaldo_17 · #8 08/11/2005, 05:59 PM

أزحـّـًـِف تنـّـًـِحف

أخـّـًـِوي مثـّـًـِل ماقـّـًـِال غامـّـًـِض جــّـًـِرب ربـّـًـِط المعـّـًـِده

بـّـًـِس يبـّـًـِلها وقـّـًـِت ..

زعيـم هلالـي · #9 08/11/2005, 06:32 PM

اهم شيئ تصبر وتكون عندك العزيمة والارادة هذا اهم شيئ

بعدها مثل ماقال الاخوان اهم شيئ الطبيب علشان ماتطيح طيحة سوداء

بالتوفيق لك

هلالي القرعاء · #10 08/11/2005, 08:00 PM

نعناع
زنجبيل
قشر الرمان
شاي أخضر

الطريقة :
يأخذ بنسب متساوية من النعناع والشاي الأخضر وقشر الرمان (مطحون ) والزنجبيل (مبشور ) مع كوب ماء ويغلى على النار ثم يصفى ويشرب بعد كل وجبة أو إذا حبيت في أي وقت .

طريقه ناجحه 100% (أن شاء اللــه)

RoMa4eVeR · #11 08/11/2005, 11:59 PM

مشكورين على تفاعلكم وجزاكم الله الف خير

جيلاردينيو العرب · #12 09/11/2005, 01:15 AM

باسمه تعالى

والله هلالي اصيل كفى ووفا لك يامحمد يابوجاسم اتمنى انك تسمع نصايحه لك

اخوووك

بــــدر · #13 09/11/2005, 01:56 AM

السلام عليكم و رحمة الله و بركاته ..

قبل فترة كتب الكاتب المتميز صالح الخليف في عموده بجريدة الرياضية أن كان لديه

صديق " كان صرحا ً فهوى ! " - على حد تعبيره - و كانت طريقة صديق الكاتب التي

اتبعها مشروطة بشرط واحد فقط .. و هي أن تتناول صنف واحد فقط في الوجبة و بأي كمية شئت ..

مثلا ً .. تستطيع أن تتغدى كبسة ، و لكن فقط كل الرز و لا تتناول أي قطعة من اللحم أو الدجاج أو

حتى السلطات .. بمعنى رز و بس و بالكمية التي تشاء .. و هكذا في الإفطار و العشاء ..

و كما ذكر الكاتب فإن هذه الحمية لا تحتاج لتمارين رياضية و لا هم يحزنون ...

أرجو أن تجرب و توافينا بالأخبار .........

و بالتوفيق عزيزي " الثنيان فن و لعب " ..

saraab · #14 09/11/2005, 06:43 AM

في بعض النوادي والمدربين يسون برامج غذايئيه
ورياضيه روح لاحد منهم
وإذا ماتبي سوي رياضه دايما وابع عن الحلويات
ولا تتعشى00
اتمنى اني اكون افدتك

اسعد من حولك تسعد

saraaaaaaab

abu_riman · #15 09/11/2005, 08:43 PM

أخي الحل في أن تستمر أكثر من أسبوع على إحدى الطرق التي تناسبك ..