تعالوا اقولكم (( الغير )) اللي في جدة غير
 

http://home.att.net/~serenity.man/twigdiv.gif

كنت ناوي اكتب عن جدة غير وخاصة كلمة (( غير )) ولكن حرصاً مني لتشجيع السياحة الداخلية وتشجيع أعضاء المنتدى الهلالي تحديداً لزيارة (( جدة غير )) علشان نشوف الوجوه السمحه وأخيراً شفنا وجهين ولا أحلى (( هاجس & رامبو )) والأسبوع القادم ان شاء الله (( سفر )) واللي بعده (( الأســـطورة )) طبعاً حسب الموعد المحدد بيني وبينهم لأني ما أقدر أقابل أحد الا بموعد محدد قبل اللقاء بأسبوع أو أكثر واللي يبغى يتشرف بمقابلتي يحجز من الآن للأسبوع بعد اللي بعد القادم علشان أعطيه الأوكي OK. أوكي ;) <<<===== حلو ة اللي يبي يتشرف بمقابلتي ههههههههههه http://angelwinks.net/images/angel3r.gif

نرجع لمهرجانات جدة غير والسؤال المطروح من الجميع دائماً (( إيش هذه الغير اللي في جدة وذبحونا في التلفزيونات والجرايد والاف ام ... جدة غير )) <<<<====== مقهورين ماعندهم غير زينا ... وجانا (( طلال )) وكل يوم يكتب لنا جدة غير


وهنا حبيت ألقي الضوء على (( غير )) ايش هي الغير في جدة????

وحبيت انها تكون كقصة خيالية عن جدة ومحاكيكم رامبو القصة أقصد بطل القصة وليكون من الرياض مثلاً ;) مع اني عمري مارحتها ولا أعرف طريقها <<<<<====== الرياض طبعاً وليست جدة.

http://angelwinks.net/images/blueflowerline.gif

وأنا ماشي في سيارتي الليكزس ومشغل mbcfm وماادري الا أسمع هذا الاعلان:

الأول: ايش اللي صاير؟
الثاني: عروض ببلاش!!
الأول: ايش تقول؟
الثاني: أقولك عروض ببلاش!!
الأول: عروض ببلاش!! فين؟
الثاني: في أفريكا سفاري.
الأول : فين أفريكا سفاري؟
الثاني: في الجنغل لاندي.
عروض بهلوانية وحيوانات مفترسة وحيوانات أليفه ....
الأول: والله جدة غير.
الثاني: والله الجنغل لاند غيرين.

قلت في نفسي ياولد مالك الا جدة غير .... وتشوف عروض غير شكل وخاصة هذه اللي ببلاش وأول ما أوصل البيت جمعت العيال وأمهم وقلت لهم يالله على جدة ... ومن الصباح بكير نسير على جدة ووصلنا العشا .... ندور على شقق مفروشة وحصلنا شقق مفروشة في مكان مناسب في شارع السبعين ... ونزلت ومعي البرزان ...
أقول للريسبشن (( الاستقبال بالعنجليزي يقولوله كذا )) عندكم شقق جاهزة .
الريسبشن يقول : فوووووول.
قلت له : مانبي فول نبي شقق !! حنا في محل فول ولا شقق مفروشة.
الريسبشن: لا ياباشا اقولك الشقق فول ,,, يعني مليانة مافي مكان !!

وخرجت من عنده مكسور الجناحين أدور لي على شقة مفروشة ماحصلت :( غير جناح ملكي في شقق مفروشة ..

وليلته بثلاثة الاف ريال !! وحنا ناوين نجلس اسبوعين يعني 14 يوم × 3000 ريال = 42.000 ريال ) اثنين وأربعين ألف ريال ...اوووووف هذه الشقة امااااال الأكل والشرب والتمشية بكم!!

وبصراحة مجبورين ياننام في الشارع ولا في حدائق ولا هذا الجناح الفاخر ذا السعر الجامد كتجمد الثلج في القطب المتجمد الجنوبي ...

http://angelwinks.net/images/blueflowerline.gif

في أول يوم قررت زيارة الجنغل لاند وأنا ماجيت جدة الا علشان اتمنى بلاش في الافريكا سفاري والجنغل لاند .... وبعد مادخت السبعة دوخات لين ماوصلت للجغل لاند .. وعيني ماتشوف ا لا طابووووور طوويييييل عند (( الصندوق )) لقطع تذاكر الدخول ..... للمعلومية العام كان الدخول بخمسة عشر للكبار وخمسة وثلاثين للصغار وتلعب قد ماتتعب ... زي كنتاكي (( غذاء حتى الاشباع )) ... وما أوصل للصندوق الا ويقولي التذكرك للنفر بخمسة وعشرين ريال !!!!

قلت له : ليه ؟
قال : 5 تذكرة دخول و 15 عروض أفريكا سفاري و 5 جزء من قيمة تذكر للعبة وحدة.
قلت له: طيب كيف تقولوا العروض ببلاش؟؟
قال : لا بلاش مو يعني مجاناً معناها أسعار رخصية ببلاش.
وآخذ التذاكر من ههنا وادخل الجنغل لاند من هنا وانا مقهور خسران ميتين وخمسين ريال (( طبعاً معايا عشرة بزران )) بنات وأولاد <<<<===== كلهم أطفال ماعندي حريم يروحوا لذي الأماكن ...

طبعاً الميتين وخمسين ريال للدخول وبس غير اللعب والترفيه وأي لعبة ودك تلعبها سعرها بين العشرة والخمسطعشر ريال يعني واحد مسيكين ززييييي عنده عشرة عيال لو كل لعبة يـــدفع 10 × 10 = 100 ريال لعبة وحدة وبس :( بصراحة حاجه تفلق ... وجدة غير بالأسعار غير غير !!!!

http://angelwinks.net/images/blueflowerline.gif

ثاني يوم قلت أروح للكورنيش والأسواق والمهرجانات وكل مكان وكل شبر زحمة أكثر من الثاني على قول الشاعر الكبير (( زحمة يادنيا زحمة ... زحمة وتاهو الحبايب ... زحمة ولاعدش رحمة ... أجي من هنا زحمة ... أروح هنا زحمة ... الخ الغنية )) ...

http://angelwinks.net/images/blueflowerline.gif

اذا رحت للسوق ماتحصل موقف !!! اذا رحت الكورنيش ماتقدر تمشي بالسيارة !!! والأدهى موقف ماتقدر تحلصه على البحر وكأنه الواحد يجي البحر بالسيارة واذا حصل له موقف ماسيبه وهو راجع يرجع بليموزين علشان في ثاني يوم يلقى الموقف جاهز...

http://angelwinks.net/images/blueflowerline.gif

يقولوا في جدة أكبر كبسة في العالم !!! طيب مين في ذا العالم ياكل كبسة غيرنا ... وقبل ماتصير أفتوا العلماء بحرمة هذه المسابقة لما سينتج عنها من اسراف !!

http://angelwinks.net/images/blueflowerline.gif

في جدة أحلى كعكة زفاف !!! طيب مين في العالم يسووو زواجات وترف وبزخ زي اللي في السعودية ومااقول جده ولحدها ...

http://angelwinks.net/images/blueflowerline.gif

في جدة عروض دلافين!!! لما رحت اشوف عروض الدلافيين تخيلوا ان الدلافين مارضيت تسوي العروض شكلها كانت جيعانة ههههههه وبعدين رجعوا لنا فلوسنا بعد انتظار ساعة كاملة لين مايجي دورنا في العرض ويقولوا راجعونا بكرة ... ونفتك من الدوائر الحكومية واللي كل موظفيها ماعندهم غير راجعونا بكرة ويجونا في جدة غير يقولوا لنا راجعونا بكرة ..


http://angelwinks.net/images/blueflowerline.gif


في جدة حفلات غنائية لكبار المطربين والفنانين الخليجيين وياخسارة مافي فنانات هههههه بالنسبة للحفلات أقل تذكرة بثلاثمائة ريال طيب مين اللي حيضر حفله زي هذه وبثلاثمائة ريال واذا ودك تحضرها مع صديق او اخ او اثنين يبغالكم تسعمائة ريال غير الشاهي اللي في الحلفة ينباع بعشرة ريال والبيبسي بعشرة والاكورسيون بخمسطعشر وانت ماشي ...

http://angelwinks.net/images/blueflowerline.gif

في جدة غير تخفيضات هائلة وخصومات كبيرة في جميع الأسواق وتشوف كل المحلات خصومات هائلة تصل الى 70% ياساتر 70% مرة وحدة طيب ايش مربحهم هذولا قبل الخصومات ؟؟؟!! هذا اذا كانت هناك خصومات بهذا الشكل واللي يحصل شيء يبيعوه بمية يسعروه بميتين وبعد الخصم تصبح بستين ريال !!!

http://angelwinks.net/images/blueflowerline.gif

في أسواق جدة غير غزل وترقيب وقلة حيا وناس مايستحوا (( وأسألوا رامبو الأطخم عن الترقيم )) وكله بسبب بعض البنات اللي مايتحجبوا زي الناس ولاعندنا هيئة ولا ميئة <<<==== مااعرف معناها هيا جات معي كذا.

http://angelwinks.net/images/blueflowerline.gif

جدة غير طبعاً غير بجوها البديع الحااااار واللي مايخليك تنزل من سكنك الا بعد غروب الشمس بسبب حرارتها الشديدة وزيادة الرطوبة بالاضافة الى الحرارة ....

http://angelwinks.net/images/blueflowerline.gif

جدة غير مافيها غير النكد والطفش هذا اللي في جدة غير ..

ونصيحه لاحد يروح جدة غير (( فاهميييييييين ))

وياهلا وسهلا بالجميع في جدة

اخوكم
من قلب العروس الأحمر ...
أبو فيصل


http://home.att.net/~serenity.man/twigdiv.gif

اقول ابو فيص والله انك كفيت ووفيت وهذي هي جده غير
وبعدين اللي مامعاه وين يروح والله حتي اللي معاه وين يروح ويقولوا سياحه داخليه ياناس تصدق ان قيمت اللي بتصرفه في جده في اربعطعشر يوم ( 14يوم) يكفيك 6 أشهر في الشام لا ويونسك انت والعائله يعمي روح قال ايه سياحه داخليه

هلا بالحجازي وش اخبارك
يخوووي تعال جرول هنا غير :D :D :D :D
بالنسبه لجدة يخووووي مثل ما قال االصبحي حقت 14 يوم تكفيك 6 اشهر بالشام :eek: :eek:

يخوووي والله المهازل الي قاعدة تصير بالاسواق مثل ما قلت تسد نفسك عن السياحه الداخلية وكل شيئ عوايل يخوووي وين نروح يا مقهى والا الكورنيش والا عند واحد من الشباب

انا اللي اسمعه يقولون انه في الجنغل لاند البيبسي 7ريال والدخول ب200 ريال
ويقولون سياحة داخلية

أجل لا هيئه ولا ميئه , وجات معاك كذا !! هههههههههههههه الله يرجك يابوفيصل ;) ,,,

المفروض تشجع السياحه الداخليه ياطلو حتى ولو كانت غاليه ... أفضل فلوسنا تقعد عندنا بدال ماتروح برا ,,,

<==== علم نفسك :D ,,,

السياحه الداخليه عندنا الى الآن في بداياتها وإن شاء الله في المستقبل تتغير الأمور :) ,,,

تحياتي لك ,,,

تصدق اخوي طلال بنروح لجدة بعد خمس ايام يوم شفت كلامك قمت ارقل
طبعا احنا مارحنا لجدة اصلا ولكن قلنل نمر عليها ومنها للطايف او مكة

وش رايك ؟؟؟ تنصحني


انا ماأبي الا البحر والدبابات البحرية :D :D == واحد مسوي اوربي

--------------
*والله اشياء تجيب الصمرقع ويقولون سياحة داخليه ياشيخ ناموا في بيوتكم تراء النوووووووووم طيب :D والاسافر برا ارخص لك واوفر لدراهمك .. :)
------------------------------

هلا وغلا بحبيب قلبي صنيدح ...

أجل جده غير :D ...

انت تعرف انا جايك أشوف خشتك بس لكن جده أتركها لك :rolleyes: ...

أقول متى بيجي الشايب الأسطورة ...

خلنا نتقابل سوا هناك ...

وبالذات معنا حبيبنا هيمو ...

لأننا الأربعة بيننا خلافات قديمة ولازم نسويها ويمكن يكون فيه ضحايا :( ...

ولك تحياتي ياغالي :D :D :D ...

أخوك / سفر المرزوقي .

حياك الله ابوفيصل
والله ذكرتني بشارع السبعين اللي دخت فيه السبع دوخات ادور سكن وكله :فووووووووول
على قولك ومنه على المكرونه (((الشارع))) لايروح فكرك بعيد وكله فوووووول ((اصغر شوي))
وجده غير ، وتعبك غير ، وفلوسك غير ، وكن وطنياً وشجع السياحة الوطنية
ولكن تبقى جده التي نعشقها رغم قسوتها علينا بحرارتها ورطوبتها وغلاء الأسعار ...الخ

100%
 

السلام عليكم هلا بالغالي طلال ....جينا جدة غير هاللي صجونا بالدعايات
فيها:) الاسعار نار والكلام زي ماقلت انت مااقدر ازيد شي..

السياحة الداخلية لسه يبي لها كثير..هذي البداية بس ..

(وينك ماشفتني في جنقل لاند:p )!!؟:D


الـــــتوقيع
حر الرياض غـير والله غير:D :D :D :D :D

حبيبي طلال كل مواضيعك تاكل الجو عن العالم

انت بصراحة عضو ((((غير))) على وزن جده ((غير))

هلا اخوووي

الله يعطيك العافيه


صدق جدة غير:):)

الله يعينكم عليها...... دووم بدايه السياحه كذاااااا

خلاص احجزلي الاسبوع الماضي عشان ابزورك في جده غير :rolleyes:

شكراً لجميع الأخوة الأعزاء على ردودهم ولي عودة معكم بالرد فرداً فرداً :)

الأخ الغالي الصبحي: والله انك صادق حتى لو تروح للشام بالباص (( بميتين ريال رايح جاي )) والأسعار بلالالالاش ...والجو بديعي خلالالاب وحرية للشباب :D:D

الأخ الغالي الذيب وبس: جرول غير بالهيم (( بضم الهاء والياء طبعاً لغيرك مو لك انت تعرف اللي اقصده هههههه )) .. بعدين يابابا روح ذاكر دروسك وراك دور ثاني لازم تنجح وان شاء الله نشوفك السنة الجاية وصلت لأولى متوسط هههه


الأخ الغالي موسوس: حبيبي الدخول في الجنغرلاند بخمسة وعشرين للشخص الواحد والبيبسي بثلاثة ريال ههههه بس

الأخ الغالي ابراهيم النجيدي : ان شاء الله تتعدل السياحة في السنين القادمة ويستيفدوا مما مضى ..

الأخ الغالي غبار النجوم: أنصحك تجي جدة لو معك (( بنك متحرك )) والدبابات البحرية ايجارها لساعة وحدة بين ثلاثمائة وخمسمائة ريال هذا للعلم وعلشان تحط لها ميزانية لوحدها ...

الأخ الغالي نايف: والله انك جبتها مافي أحلى من النوووووووم بلا سياحة بلا خرابيط.

الأخ الغالي سفر المرزوقي : هلا حبيبي هلا بصفر ..

انت والاسطورة معليش بس هيمو خلاص شفناه مانبيه ;)

الأخ الغالي هلال العز: كويس انك رغم مالقيته من معاناة الا أنك تعشق جدة ... والأهم تكون تعشق أهلها ويكونوا عجبوك وماضايقوك :)

الأخ الغالي جابر عثرات الهلال: والله انك زعلتني ياريت ماقلت لي انك جيت جدة حراااااام تجي ومااشوفك والله حرام عليك ياغالي :(

الأخ الغالي تاج راسي: تسلم حبيبي ياتاج راسي هههههههه

الأخت الغالية منيرة: تلاميذكم يااهل الامارات ماشاء الله عليكم سياحتكم تاخذ العقل ..

الأخ الغالي عاشق النمر: احجز لك الأسبوع الماضي !!!!! والله انك فاضي هههه