أمسي على جميع الأعضاء ...وكل عام والشعب الهلالي بخير..

الصراحه أنا منقهره من سالفة نادي القرن .. حرااام والله حرام ما ياخذه الهلال واللي قاهرني أكثر موقف الإتحاد السعودي ... شفنا الأمير سلطان بن فهد يتوسط علشان الإتحاد وماشاء الله كلمته تمت وسوى لهم اللي يبون .. وحنا ليه مايتوسط ويخلص لنا موضوع لقب القرن ويخرس ابن همام اللي واقف بحلوقنا .. ليه حنا موفريق سعودي؟ مو حنا اللي رفعنا رأس السعوديه ..وش عرف العالم بالسعوديه غير الهلال والله قهرررر
وربي لنخلي عاليها واطيها لو راح اللقب لغير الهلال لنرفع تظلم للفيفا ونتهم الإتحاد الآسيوي بتزوير الحقائق ...
من زمااان والإتحاد الآسيوي واقف لنا بكل شي ظلم تحكيمي (أوكادا) قرارت زي الزفت وآخرها اللي يقول أن بطل النسخه الثالثه هو فريق القرن!!!
الطبخه واضحه جدا مؤامرات ضد الهلال أبطالها ابن همام والبلوي وباقي الشله شيكاات ورشاووي وابصملكم ان ابن همام يسكت السواق (بتر فيلمبان) بكم فلس ويلعب بالإتحاد والقرارات على كيفه قمة التسيب سبحاان الله على أن الإتحادات الأوروبيه يهوديه إلا انهم عندهم نظام ولافيه تلاعب ..
بس السؤال اللي مالقيت له إجابه هو رئيس الفيفا بلاتر يدري عن مهازل الإتحاد الآسيوي؟
ولو رفعنا له عن قضية لقب نادي القرن بيهتم ويخلص الموضوع؟؟
وختاما الهلال ندي القرن رضوا ولا مارضوا .. الكل يعرف وأولهم ابن همام ان الهلال هو البطل عشان كذا يماطل .. واتمنى من الأمير سلطان بن فهد يخلص لنا هالموضوع .