المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 03/11/2005, 05:46 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
Post كل عـ ’ ’ ’ ـام وأنتـ ’ ’ ’ ـم بخـ ’ ’ ’ ـير + شوية كلام + الشـ ’ ’ ’ ـات والإدارة

السلام عليكم ورحمة الله وبركاته

..

..

..

..



أخواني ,, أخواتي .. صديقاني صديقاتي .. فلذات أكبادنا


كعادتي السنوية أبارك للجميع العيد وبما إننا صباحية العيد أقولكم ألحقوا على الحلاو

طبعا عيد من دون شبكة الزعيم ومن دون شوف الحبايب موب عيد ..

عشان كذا أترك لكم المجال تعبرون عن مكونات مشاعركم بهاليوم الجميل والعيد السعيد

وبرغم إني مبسوط جدا بالعيد وقرب موعد الدوامات

إلا إني حزين على رمضان والله ... خاصة راح بسرعة ومامداني نتعبد ونصلح من أمورنا شوي

طبعا ماعلينا .. هذا وجهي لو دخل أحد يوم العيد

الموضوع الأساسي مايعتمد على موضوع واحد ...

بصراحة كم نقطة لازلت أشوفها .. وكم مرة صارخت وتكلمت وقلت شباب شابات مالها داعي هالمواضيع ..

بس بصراحة لازلت أرى هالمواضيع اللي تزيد عدد المواضيع من دون فائدة على المنتدى

الشبكة أدري موب شبكة أبوي .. بس مشكلتي أحبها موت الشبكة طبعا


أولا ,,, <=====

كثرت المواضيع اللي تتكلم عن ياسر ...

ياسر ماقدم مستوى ...

ياسر أصبروا عليه ..

ياسر وش فيه ...

ياسر راح .. ياسر جاء ...

ياسر نبيك .. ياسر مانبيك ..



ياناس ياعالم ... ركزوا معي فايف مينيت ...

الحين وش تبون من ياسر أنتم ؟؟

ياناس تراكم أقلقتوا راسه وربي ... وخليتوه ماينام الليل ..

أزعجتوه بالكلام هذا والعتاب اللي كل يوم طالعين فيه

هالكلام مانقوله بأول مبارياته ... هالكلام لاعدا الموسم ماسوى شي

ساعتها الي بيتكلم يتكلم

موب يجينا واحد شاف مباراة وطلع لنا يكتب

لو من ياسر بطلب من ادراة المنتدى عدم كتابة مواضيع تخصه لين يعدي الموسم

لذلك ياشباب الهلال ..

خلوا عنكم ياسر قسم بالله الوضع مايحتمله لا ياسر ولا زوار المنتدى

ياسر بيقدم اللي يعجبكم .... ولاتخافون .. ياسر فنان

لذلك أرجوا كل من يقرأ هالموضوع .. يترك عنه ياسر فترة من الزمن وينتبه لحال الزعيم


شي ثاني ,,, <====


عبدالله الجمعان وآآآآآآآآآآآآآه يابوحميد

تراكم بعد نشبتوا للرجال مثله مثل ياسر ..

يناس برمضان وأنتم تقطيع بهالنجم اللي ماراح يمر واحد بمثل إمكانياته ..

قبل لا يطب خمسطعش واحد ببطني أحب أقول كلمة ... ريلااااااااااااااااكس

عبدالله موب محتاج تقعد تكتب عنه بالمنتدى وتنتقده

اوكي موضوع واحد تكلم عن عبدالله قبل شهر ونص ...

موب عاد حلا ... كل من طرا بخاطره شي وزعل من الدنيا جاء يحط حرته بخلق الله بهالمنتدى

خلاص عبدالله زين والا شين لاحد يقول عنه شي يكفي المواضيع اللي راحت عنه

لزلك على أولت إخواننا المصريين (( سيبوه بأه ))


ثالث شي ,,, <============= أهم شي بالدنيا


هذا شي مهم جدا أبيه بالشبكة بصراحة واللي نبهني عليه موضوع واحد من الرقاقيل

اللي هو قسم عن لاعبين الهلال للموسم الرياضي <=== يمديكم على الموسم الرياضي


يعني معلومات عن لاعبي الهلال ..

الطول والوزن والعمر والمركز وصورة 4 × 6 للاعب .. من هالمعلومات اللي توسع الصدر

وبما إن القائمة 50 لاعب سهلة تجيب معلوماتهم والله ..

طبعا المعلومات تشمل تحديث بعد كل مباراة ..

وتعتمد عدد المباريات اللي لعبها .. وعدد الاهداف اللي سجلها ..

وكم دقيقة لعب ... وكم مرة أخذ جائزة أفضل لاعب ...

وتقييم عطاؤه من مباراة لأخرى ... ممتاز - متوسط - ضعيف

وتجيبون لنا المعدل ..

طبعا للآن بخاطري أشياء بس حبيت أعطيكم فكرة بس ..

القسم هذا مفيد جدا جدا جدا جدا جدا .. ويخدمنا كجماهير هلاليين وهلاليات


رابع شي ,,,, <===== ياليت يتفهمون الوضع الاستقراطي للكلام اللي بقوله <==

بما إن الشبكة تجمعنا كأعضاء ...

لكل إنسان رأي شخصي يحق له في أي وقت إبداءه ...

وأنا كإنسان عندي وجهة نظر على موضوع قامت به الإدارة ..

وماعرف لو فيه أعضاء يوافقوني الرأي أو لأ ..

الإدارة قامت بإغلاق شات الزعيم ...

وكقرار إداري من القائمين على الشبكة ..

وهم صاحبوا الفضل بعد الله في نجاح الشبكة على مستوى المنتديات العربية ..

حيث جعلوا شبكة الزعيم شاملة لكل شي ..

وشبكة الزعيم تغنيك كما يقال ..

لكن ..

الشات مطلب أساسي لنا كأعضاء ..

طبعا فيه أعضاء مايبون الشات وهذا شي راجع لهم .. ورأيهم على عيني وراسي

لكن الشات مطلب مهم ...

يكفي يجمعني بناس هلاليين .. نسولف ونضحك وهذا هو المقصود من الشات

المقصود منه الإلتقاء مع بعض كجماهير هلاليين ..

مع وجود المندسين ... ومع وجود ناس هم أساس إقفال الشات سامحهم الله بسبب أفعال صبيانية

لكن الشات بعيوبه مطلب مهم ..

الشات برغم أن له أضرار وفوائد ... إلا إننا كأعضاء ورواد للشات يمكن أن نرتقي بالشات

لا أعلم سبب واحد يخلي الإدارة تقفل الشات .. وخاطري أهم الأسباب

مو من حقي أعرف ... مع إني مع افتتاح الشات حتى إغلاقه كنت متواجد فيه بشكل شبه دائم

مع ذلك ... نريد الشات ... ونطالب فيه

الشات يمكن وضع قواعد له ...

كزيادة مراقبين ... للتحكم بذوق الشات العام من كلام ومندسين ..

الدخول بدون عضوية يمكن وضع حد لها بإغلاق الـ HTML

المشاكل اللي تصير يمكن احتوائها بواسطتنا كأعضاء الشات نعرف الذوق ونعرف كيف نخلي الشات وسيلة للالتقاء والارتقاء ..

وأتمنى رد من الادارة عن هالنقطة ...


خامس شي ,,, <==== خاص بالأعضاء الفعالين


أخواني أخواتي ... الغرض من الرد ليس زيادة المشاركة ...

والتفاعل بالمنتدى مايجي بمشكور وماقصرت وكلامك صحيح ومن هالكلمات

إنك ترد على موضوع يسلتزم منك تقرأ الموضوع وتفهم محتواه ....

بعدين تبدي رأيك ...

الغريب موضوع يتكلم عن شي .. يرد عضو كلامك عين العقل ..

موضوع ثاني يخالف الموضوع الأول بالفكرة .. يرد عليه نفس العضو بكلامك عين العقل

يعني شي يخليك موب واثق من موضوع تكتبه وتطلب رأي الأعضاء فيه ..

ليه مايكون فيه رد حسب قناعاتك كعضو توضح فيه فكرتك عن الموضوع ..

سواء كنت موافق لكلام الكاتب أو معارض ..

بصراحة ماظلم بعض الأقلام اللي تكتب بشكل جميل وترد على المواضيع بفكر عالي جدا ..

متى ندخل موضوع .. نشوف فيه كلام ونقاش وأفكار ..؟؟؟

إلى متى نقرأ موضوع ... ونشوف الردود اقتباس ؟؟؟

إلى متى نشوف تعارض الأفكار مع عضو يرد بموضوعين مختلفين بالفكرة بفكرتين مخالفتين ؟؟

منتدى الجمهور صار تحزبات ...

عضو يكتب .. يردون أخوياه مؤيدين للفكرة

العملية موب استفزاع .. رأيك صدقني مهما كان ماراح يزعل خويك

اللي بيزعل من رأي يعارض كلامه ليه يكتب موضوع ؟؟!!

شباب وضع المنتدى على كذا بيصير كلام فاضي ..

المنتدى للآن يحمل أقلام ساحرة ... يملك ناس يملكونك بعذوبة كلامهم ...

يملك كتاب بشتى الأساليب ... ولكن الفكرة مهما اختلف أسلوب طرحها .. تبقى ألماس وتضرب الوتر الحساس

أتمنى منكم كأعضاء داعمين للمنتدى بأقلامكم وكتاباتكم الانتباه للردود ..

وايجاد الفكرة في المواضيع .. واحرص موضوعك مايكون مكرر ...

حاول تبتكر شي في طرحك ...

خلي اللي يدخل الشبكة يخليها مرجع له ..


سادس شي ,, وشي أخير ...

اتركونا من مواضيع النصر والاتحاد وباقي خلق الله من غير الهلاليين يرحم والديكم



تحياتي لكم .. وأدري طولت عليكم وصرفت فواتير

بس تحملوني .. أنا مثل ابنكم الزعنون <====

يعطيكم ألف عافية على المرور ..


أخوكم أبوساري - موسكو
اضافة رد مع اقتباس
  #2  
قديم 03/11/2005, 05:52 AM
الصورة الرمزية الخاصة بـ مطـلق الهاجري
زعيــم مميــز
تاريخ التسجيل: 14/02/2005
المكان: ** الد ـم ـا ـ م**
مشاركات: 6,626
بصراحه كلام في محله وعين العقل

يعطيك العاااااااااااااااااااااافيــه
اضافة رد مع اقتباس
  #3  
قديم 03/11/2005, 05:56 AM
زعيــم مميــز
تاريخ التسجيل: 12/10/2005
المكان: بجانب ياسر الياس
مشاركات: 1,514
يسلموووووووووووووووووووووو
على الموضوع الرائع ,,,

وصراحة موضوع مفيد جدا جدا جدا

واشكرك على طرح هذا الموضوع ,,,

وحبيت اعلق على النقطه الثالثه >>> اللي فيها الوزن والطول والصوره 4 * 6

رايي >>>>> ياليت يحطون الوجبه المفضله للاعب

وشكرا
اضافة رد مع اقتباس
  #4  
قديم 03/11/2005, 06:01 AM
الصورة الرمزية الخاصة بـ أبو ميرا
مشرف منتدى الرياضه السعوديه
ومنتدى المنتخب السعودي
تاريخ التسجيل: 23/06/2004
المكان: الرس - القصيم
مشاركات: 5,037
يمال العافيه اخوي ابوساري
وموضوع متميز كالعاده
والجمعان لازم ياخذ فتره عشان ترجع لياقته
وياسر لازم نصبر عليه
والشات لاتعليق
اضافة رد مع اقتباس
  #5  
قديم 03/11/2005, 06:37 AM
زعيــم نشيــط
تاريخ التسجيل: 28/04/2005
المكان: αl-Qαssιм ♥
مشاركات: 674
ألف شكــــــر
: كل عاام وأنت بخير
وبصرااحه مووضووعك ماايبي تعلييق لأنه معلق على نفســه
وكلااامك في محله وياليــــــت لو فيه نااااااس يفهمووونه
بعبر عنه بس مااقدررت
بس جبتها


تحيااتي ...
اضافة رد مع اقتباس
  #6  
قديم 03/11/2005, 07:11 AM
زعيــم متواصــل
تاريخ التسجيل: 30/06/2005
مشاركات: 53
كل عــــــــــــــام وأنت بخير أبوساري ..وكل أعضاء الشبكه الكرام ..

تصدق ياأخوي أني متوعده نفسي أفتح النت يوم العيد عشان أشوف الشبكه فاضيه لأول مره في حياتي ..

لكن مع الزعيم الظاهر مستحيـــــــــــــــل ..ا ((لأزرق معنا حتى بيوم العيد ))
اضافة رد مع اقتباس
  #7  
قديم 03/11/2005, 07:15 AM
زعيــم جديــد
تاريخ التسجيل: 11/03/2005
مشاركات: 18
كل عام وانت بخير الصراحة صدقت بكلامك ومشكووووووووووووووووووووووووووووووووور
اضافة رد مع اقتباس
  #8  
قديم 03/11/2005, 12:55 PM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
يعطيك العافية اخوي ابو ساري وكلامك عين العقل <<<<<<<<< ياويلي

بصراحة موضوع مميز كعادتك وخاصة

إقتباس
كثرت المواضيع اللي تتكلم عن ياسر

اي والله ادوخوا روسنا ودبلوا تسبودنا

هذا غير المواضيع اللي تقول سامي يلعب زين ياسر الياس كويس يوسف الثنيان كان فنان ومن هي على شاكلتها من المواضيع التي لا تاتي بجديد ولكن من باب زيادة المواضيع او من باب محاولة استثارة الجمهور للحصول على اكبر عدد من الردود يعني بامكانك ان تقول سامي لاعب عادي وبتشوف عدد الردود


إقتباس
يناس برمضان وأنتم تقطيع بهالنجم اللي ماراح يمر واحد بمثل إمكانياته

..

اقدر وجهت نظرك ولكننا نسمع نفس هالموال من عام 96 ولا شفنا شئ يعني قبل 9 سنين ولا اتوقع انه بعد هالعمر قادر انه يسوي شئ ومابي اخوض في تفاصيل هالامكانيات اللي ماشفنها بس ابذكر وحدة وهي انه متميز في دفدفة العالم

إقتباس
اللي هو قسم عن لاعبين الهلال للموسم الرياضي

فكرة جهنمية صراحة لاننا يوم بغينا نعرف عمر ياسر الياس طلعلنا خمس طعش وعشرينت الاف موضوع


إقتباس
يكفي يجمعني بناس هلاليين .. نسولف ونضحك وهذا هو المقصود من الشات

المقصود منه الإلتقاء مع بعض كجماهير هلاليين ..

اصبت في هاذي صراحة


إقتباس
أخواني أخواتي ... الغرض من الرد ليس زيادة المشاركة

ههههههههههههههههههههههه

ذكرتني بواحد الله يذكرة بالخير اللي حطم الارقام القياسية بانه اكثر واحد قال يعطيك العافية على النت منذ بداية استخدامها والظاهر انكم عارفينه مايحتاج اسم

وصراحة هالاشكال من الاعضاء اتوقع انه مشترك دي اس ال وكل ماجاء بيطفي الجهاز قال حسوفة


إقتباس
اتركونا من مواضيع النصر والاتحاد وباقي خلق الله من غير الهلاليين يرحم والديكم

هاذي مااتوقع يتركونها الى ان يكون هناك تدخل مباشر من الادارة

وانا عندي اقتراح ازيدة على كلامك بان تستخدم الادارة اسلوب الانذارات والتوقيف خاصة في الاخبار الملفقة والكاذبة او مايسئ لهذه الشبكة وان يستخدمونه ايضا في الشات
اضافة رد مع اقتباس
  #9  
قديم 03/11/2005, 01:30 PM
موقوف
تاريخ التسجيل: 01/10/2005
مشاركات: 1,689
ياسر

الشات :
اضافة رد مع اقتباس
  #10  
قديم 03/11/2005, 02:23 PM
زعيــم متألــق
تاريخ التسجيل: 25/04/2005
مشاركات: 1,233
كل عام ونت بخير اليوم العيد وانا دخلت ثاني شي كلامك جميل وحلوو
ثالت شي ياسر لاعب كبير غصب على الي يتكلمون عليه
رابع شي انا ما احب الجمعان وياليت ما نسمع ذكره ابد وياليت ينتقل لاي نادي ونرتاح منه لان عندنا خمسه مهاجمين افضل من الجمعان بمراحل
خامسا انا معك ان الشات مهم

سادسا : كل عام وكل الناس بخير وعساكم من عواده
اضافة رد مع اقتباس
  #11  
قديم 03/11/2005, 04:21 PM
زعيــم فعــال
تاريخ التسجيل: 01/09/2005
مشاركات: 491
كلامك عسل يا فندم

<<<<<< من اخويا ابو سااري عشان يرفع الموضوع

* نسيت تتكلم عن دور المراقبين في الارتقاء بالمنتدى صح ان الاعضاء عليهم ملاحظات برضوه المراقبين عليهم ملاحظات واكثر من الاعضاء لان دورهم ريادي

اقتراح الاخ فوو في الرد 8 اخر سطرين رائع واتمنى انه يفعل من قبل المراقبين واللي مو مفعله المفروض نسحب اشتراكه

<<<< يتوقع انه يغادر المنتدى في اقرب وقت
اضافة رد مع اقتباس
  #12  
قديم 03/11/2005, 04:28 PM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
تحياتي لك اخوي ابو ساري

وكل عام وانت بالف خير

والكلام اللي قلته في ثالث شي انا معك بقووووووووووووووه الله هو عن الاعبين

انه يكون لهم يقسم وتوضع معلومات عنهم

واضيف على كلامك اقتراح ان كل لاعب بعد كل مباراة (يقيّم) وماهي سلبياته وماهي ايجابياته

ولك خالص شكري
اضافة رد مع اقتباس
  #13  
قديم 03/11/2005, 05:36 PM
الصورة الرمزية الخاصة بـ الألـمـعـي
مشرف منتدى الجمهور الهلالي
تاريخ التسجيل: 04/09/2004
المكان: رجال ألمع - عسير
مشاركات: 9,258
كلااااااام سليم
اضافة رد مع اقتباس
  #14  
قديم 03/11/2005, 07:04 PM
في انتظار تفعيل البريد من قبل العضو
تاريخ التسجيل: 30/05/2005
المكان: ريـــــــــ العز ــــاض
مشاركات: 136
ميغســــــــــــــي بكــــــــــــــو بوســـــــرســـــــــر
كــــــلامك كلــــو ميه ميه ولا فـــــراخ الجمعيــه
وتسلم اصابع يديك اللي رعصت الكيبورد حرف حرف >>>>>> وحده تقلد.

بليـــــــــــــــــــــززز تكفــــــــــــــــــــون>>> ترى تكفى تهز رجال
رجعــــــــــــــــــــــــووو الشــــــــــــــــــــــــــــــااااات لانها عرفتني على نـــــاس هلاليــــين عزيزين وغالين على قلبي وربي ماودي افارقهم تكفوووووووون .......

وانت بألف صحه وسلامه بو سرسر ,,,

وكـــــــــل عااام وانتم بخييييييير,,,
عســاه عيد فرح ومسره على جميع المسلمين قولو امييييييييييييييين

بنـــــووته^^هلاليــه
اضافة رد مع اقتباس
  #15  
قديم 03/11/2005, 07:55 PM
موقوف
تاريخ التسجيل: 29/04/2004
المكان: في اللفة !
مشاركات: 7,555
ما قصرت يبو يعقوب .. كفيت ووفيت ..!!




إقتباس
الرسالة الأصلية كتبت بواسطة ابوساري


أخوكم أبوساري - موسكو



أجل موسكو .. فرع اسكان الخبر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:56 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube