(( بغينا نحقق معناها إنجاز والله غريب أمرهم ))
 

أول شي أحب أقدم عزائي للجميع في وفاة الأخ العزيز المغفور له بأذن الله / عبدالعزيز بن محمد الفايز رحمه الله وأسكنه فسيح جناته والهم أهله الصبر والسلوان .

=============================================================================

للأسف كأن أحد أعضاء الشرف في النصر وما نستغرب ما دام كبيرهم ..... ؟
يوم الـخـمـيـس 5/5/1422هـ الـوقت ليـلا .

كنت في أحدى المناسبات فـدار نقاش بين أثـنان أحدهم ينتمي لهـذا الكيان الهلالي والأخـر حالمي وكلاهـما متعـصـبان , وأستمعـت إلى هذا النقاش بصدر رحب جاء الهلالي للحالـمي بقصد السؤال والنقاش الأخوي كأي أثنين .
سأل أخونا الهلالي سؤال طبيعي عن الاستعداد النصراوي في الموسم القادم وأخذ رأيه في الرئيسة والتجديد يعني السؤال كأن بهذي الصيغة أو مقارب لها : ( هاه يا أبو فلان بشر وش النية الموسم الجديد سمعت أن فيه مشاكل بخصوص اللعبين المنتهية عقودهم والا كلام جريد ورئيسكم جدد الرئاسة للنادي وانتم مرة تؤيدونه ومرة العكس والحين أرثر فرط فيه الفريق وعرف طريقة وراح للهلال ) .
أعـتـقـد هذا السؤال طبيعي في أي مناسبة وفي أي مجلس أو أستراحة أو مقهى 000 الـخ المهم .
الغريب إجابة أخونا المنتمي للحالمي لا أدري من أين وكـيـف جاء بها . . .
الإجابة وهي مقاطعة طبعاً من الحالمي : عـلى الأقـل حنا وصلنا للنهائيات الموسم اللي طاف أكثر من مرة وبغينا نحقق أكثر من بطولة عـجـزهلالكم الوصول لها بمعنى أن حنا احسن منكم بس الحظ خدمكم كثير .
>>>> > > > > رنة في أذني إجابات هذا النصراوي بس معذور< < < < <<<<
بعيد عن رد الأخ الهلالي .
أول شي السؤال عن المستقـبل والإجابة في الماضي . . .
. . . . . . . . . . يا والله الفرق الكبير بين الأثنين الماضي والحاضر ؟ ؟ ؟
ثاني شي والأهم وصول النهائيات أحسن من تحقيق البطولات . . .
. . . . . . . . . . مثل ( أعتـقـد أنه صيني وجديد توه مخـترع ) .
ثالث شي النصر أحسن من الهلال . . .
. . . . . . . . . . ( والله الرجال شوف عـيني طبيعي وما فيه شي وأن كأن عن حلف الله قهـوة وشاي وحتى الـقـهـوة مـا كـثر منها يقول أنها تسهره ) .
السؤال يقول شي والإجابة تقول شي بعيد عن الإجابة وش دخل الأفضلية في الموضوع ؟ أنا إلى الحين مدري .
المهم رد عليه أخونا الهلالي : ( وش تخربط أنت وش ذا الكلام اللي تقوله لا وجالس تقارن بعد أنا عموماً في رائي إذا بغيت أقارن بين أثنين أجيب أثنين مستواهم وفنهم وإنجازاتهم حول بعض مو الهلال والنصر وبعيد عن الهلال وما يدور فيه وش التحامل هذا على الهلال وبعدين أنا سؤالي وين وأنت إجاباتك وين ) . هذا ما حـصل .

عمومًاً أرجع لذكر حاجة مهمة وهي النهائيات وش معـنـاهـا في فــكـرها ومنظورهم كل هذا عـلى شـان الهلال حطو ( بغينا نحقق ) معـنـاتـهــا إنـجــاز ومرتـبـة شـرف لهـم . أجـل ( حـقـقـنا بطولة ) وش تـصـيـر عندهم ؟
أسف لأخي الهلالي إذا كأن فـيـه نـقـص في اللي حـصل طـبـعـاً الهلالي هو الـمـنـاقـش ولـلأسف ( لمن كأن ضمن أعـضاء الشرف النصراوي ) نعم هذا اللي كأنت المناقـشـة مـعـه عـضو شـرف تخـيـلوا والهـلالي طبعاً أحد المتـطلعـين عـلى هـذا المنتدى وصديق ومن الجـمهـور ووعـدته بأن أضع الحدث هذا في المنتدى بعد المناسبة اللي جمعتنا .
عموما شي غريب فعلا التحامل المتزايد اللي البعض من الجمهور النصراوي عليه علما بأن الهلال ما قطع رزق أحد والا تسبب في خسارة أحد لكن الشرهة على كبيرهم اللي وللأسف دفع الجمهور لهذي الدرجة من التفكير حتى في المناقشات الأخوية صارت المنافسة وياليتها على سنع أنكان معليش البلاء أنها خارجة عن الواقع اللي نشوفه .

وتحياتي للجميع , , ,

الفيروس العقلي
 

يا خوي يا حساس أول شي حياك الله وأبقاك والله يعطيك العافية :) واسمحلي أكتب مَـثل قديم يمكن يلخص بعض كلامك ( إذا صار رب البيت بالدف ضارب فشيمة أهل البيت الرقص ) وهذي حيلة العاجز وسلامتكم . :rolleyes:

تحياتي ...

هلا أخوي حساس ,,,

عزيزي لا غرابه إجابته طبيعيه قياسا بعقليته ,,,,

عموما انا ما ألومهم ابدا , هم لايملكون من الخيارات الشيء الكثير , فليس لديهم إلا احد امرين :

@ .. الاول هو ان يستسلمو ويعلنو ان المنافسه والمقارنه انتهت ومن زمن بعيد ( وهذه هي الحقيقه )

@ .. الثاني ان يبقو على ماهم عليهم وان يستمرو في اللف والدوران وإعطاء جواب اي جواب المهم يجاوبون !!


ياعزيزي إجابة عضو الشرف النصر تحكي عن الواقع المرير الذي يعيشونه فألامهم كثيره والهلال سبّب لهم مصائب كثيره,,




الحمد لله اني هلالي مفتك من الغثه والمرض والكأبه والغيره و و و


تحياتي ...
العوّاااام ...

حبيبي الغالي حساس

الله يسعد أوقاتك

تصدق يبدو انهم أو أكثرهم على نفس الموال وهو التفاخر بالوصول للنهائي

أربع مرات

نعم يعجبوني لأنهم عرفو ان وصولهم الى النهائي أنجازاتهم

فليدعو لنا الذهب فهوا طموحنا ولهم مبتغاهم

الأخ / تواصل . . . هلا والله وغلا

( إذا صار رب البيت بالدف ضارب فشيمة أهل البيت الرقص )

عز الله جبتها والله أنك صادق بهذي المداخلة ومشكور عزيزي على مشاركتك الكريمة .


الأخ / العوام . . . هلا والله وغلا

والله انك صادق الوقع يحكي الم ماهم عليه والمشكلة أو المصيبة إن صح التعبير أن

إنجازات الهلال تزيدهم حقد عليه بالرغم كما ذكرت سابقا أن الهلال لم يقطع رزق

أحد . ومشكور أخوي العوم على هذي المشاركة الكريمة .


الأخ / أبو سليمان . . . هلا والله وغلا

وأسعد الله أوقاتك يالغالي لا أخفيك بأن مشاركتك الكريمة نورت الموضوع .

ذكرت يأبو سليمان في ردك (( فليدعو لنا الذهب فهوا طموحنا ولهم مبتغاهم))

فعلا صادق فيما ذكرت وبأسلوب ثاني أو معتى ثاني خل الكلام لهله والفعل له من

يقوده وهو ((( الهلال ))) . ومشكور على المشاركة الكريمة منك وردك يأبو سليمان .

ومع أطيب التحايا العطرة للجميع , , ,

الاخ حساس
الله يقطع بليسك والله انك ذكرتني بنكته قالها احد الاخوان بالمنتدى مااذكر اسمه المهم النكته تقول
فيه نصراوي دخل على بوفيه وطلب عصير المهم راعي البوفيه عطاه العصير في كيس
النصراوي استغرب وقال ليش تعطيني العصير في كيس
قال راعي البوفيه يارجال منتب كفو كاس

ههههههههههههه
ولك تحياتي

--------
والله مثل ماقال ابوسليمان هم انجازتهم الوصول للنهائي يالله لك الحمد وحنا انجازاتنا مو النهائي لالالالا الكااااااس .. .
--------------

الأخ / شايب الهاص . . . هلا والله وغلا

ههههههه النكته فعلا راكبه عليهم وهذا الواقع :rolleyes: والله يكون بعونهم بصراحة . عموما مشكور على مشاركتك يالغالي وحياك ربي .


الأخ / نايف . . . هلا والله وغلا

صدقت وصدق أبو سليمان يالغالي وهذا المصيبة مدري متى راح يصحون من هذا الوهم المخيم على عقولهم وللأسف . عموما مشكور على مشاركتك الكريمة يالغالي وحياك ربي .


ومع أطيب تحية للجميع , , ,

هلا أخوي حساس.. يعطيك العافيه
يقول المثل الشعبي : (( الخبل لا تقرب منه ولا تخليه يقرب منك !!! ))

رحم الله الامير عبدالله بن سعد وأسكنه فسيح جناته... قالها منذ سنين ( لقد إنتهى التنافس بين الهلال والنصر ).. لكن بعض النصراويين أغبياء لم يستوعبوا ذ لك جيدا حتى الآن والبعض الآخر أعمتهم حماقاتهم عن هذه الحقيقه الراسخه .

حساس: أبلغ أخينا - صاحبك الهلالي - أن يأخذ بقول المثل الشعبي الذي أورد ته آنفا...

ولك وله حبي وتقديري,,,

يااخي اللي استغربه ان البعض يحط راسه براس واحد نصراوي

الأخ / امرؤ القيس . . . هلا والله وغلا

ذكرت في المثل الشعبي : (( الخبل لا تقرب منه ولا تخليه يقرب منك !!! )) .

والله أنك صادق في هذا المثل عز الله جبتها وأنا أخوك , وصدقني هو اللي أبلغني أنه قرأ ردك قبل أبلغه عن الرد . . . عموما مشكور على المشاركة الكريمة منك وحياك ربي عزيزي .

الأخ / نجم الهلال . . . هلا والله وغلا

:D والله أنك صادق بعد المفروض إذا عرفت أنه نصراوي تتحمد الله وتخليه في حاله بس عاد مهما كأن مهوب كلهم فيه منهم من ينعد على الأصابع وللأسف ما ينحسبون من التابعين للرجال وأفكاره الصغيرة . . . وعموما مشكور على المشاركة الكريمة منك وحياك ربي عزيزي .

مع تحياتي للجميع , , ,

يا ناس لا تشرهون عليهم

الأخ / أبو فيصل . . . هلا والله وغلا

والله أنك صادق ما عليهم شرهه . لكن الغريب درجة عقولهم بمعنى كل ما قاله الكبير قالوا معه وبنفس الاسلوب وهذا الغريب أو المستغرب بمعنى اصح . عموما مشكور أخوي على مشاركتك الكريمة وحياك ربي .

مع اطيب تحية , , ,