الله يعطيك العافية على الموضوع
وبالصراحة جاء الصيف وكثرت أمراض التسمم
وبالتحديد من الشاورما والبروستد وعاد مطاعمنا اخر شي
يجي على بالهم النظافة وانا مقاطع مطاعم ربعنا من زمان (الأتراك والشوام والسعوديين ماعدا هرفي وكودو)
عشان كذا انا ماأروح الأ للمطاعم المعروفة(الأجنبية) فدركرز وماكدونالدز و...
لإن هذي المطاعم الي تهمها سمعتها وتهتم بالنظافة وجودة الأكل والخدمة
*** عندي تعليق بسيط عن أسم عضويتك ( سيد الملوك) أعتقد ان في اسمك شبهة
شرعية لإن سيد الملوك هو الله
والله اني ما اكل من المطاعم على قولتك لاني مشغول ولاتغيير روتين لكن اذا انة دوامك على بعد 30ولا40كيلوا يوم ترجع البيت ماتحصل اكل ايش يكون موقفك لكن الله يعين
ثاني حاجة على طاري التسمم والتلوث الغذائي اللي حاصل في نص المطاعم اللي عندنا
قبل كم شهر جا خبر في جريده انة في حالة تسمم او حالة تلوث في احد المطاعم ولا قالوا ايش اسم المطعم طيب ليش الجريده ماتفضحة علشان كل الناس يدرون
والادهى من كذا بعض المطاعم تجي تحصل لوحه على الباب<<زبائننا الكرام المطعم مقفل للاصلاحات >> وهو اصلا مقفل للتحقيق في حالة تسمم اوحاجة زي كذا ليش كتب كذا لانة متاكد انه راح يرجع يفتح ....
بدون اسم
مشكور على مرورك يالغلا وتطمن ماهنا أخطاء غير الهمزه وأخواتها
أبو طلال
أجل فويله ههههههههههههههههههههه
قسما ان موقفك لو فيه الوالد نطقت كبدته
بس ذكرتني على طاري الفويله بموقف ثاني يمكن ماذكرته
مره يابو طلال حنى تقريبا 10 أشخاص وكلنا جماعة المهم وفيه مطعم فيه جلسه عربية
وقلنا يالله مشيناله وكنا بنسافر وقلنا قبل لانسافر ندق في الفطور ونمشي وللأمانة الفطور طعمة حلو كبده و(فويله) ومشتقاتها
المهم يوم شوي الا وجانا ذاك الصرصور اللي لونه أحمر أصفر ويميل للأحمرار ويجيك طاير ويدخل بين الفطور المهم وننادي راعي المطعم طبعا باكستاني
وش تتوقع سوى قسما بالله يابو طلال مازليت عليك قام وقلب السماط عليه وعطاه ذيك الخبطه وقام وشاله بفوطه الظاهر انها اللي يمسح فيها الطاولات ويوم شاله ويطيح مره ثانيه وقام شاله للمره الثانيه
وراح به معه وحذفه برا ونا مسكت علبتي الببسي وشربتها لأنها أنظف شي والله العالم وأشربها وكان معي ولد عمتي كبير هو ويا ولده قلت تبينا نقلب عليهم ونقلب المطعم والله حرام اللي صار هذا الصرصور تراه ناقل لأمراض قال أقول مشينا بس ورحنا
ومن يوم ذاك اليوم ونا معاد طبيته وعلى فكره مطاعمنا ياكثر وساختها وذا المطعم في السويدي وأغلب المطاعم عندنا تطلب الرحمة
ومعليش طولت بس ذكرت الموقف على طاري الفويله.
الصقر_26
جعلك ماتشوف الأشياء هذي وبالعافية أقول كودو حاط سحب على سيارات بمناسبة مرور عشرين عام لاتنسانا ....
يـآ رجـآل خذ وخل ..
أنـآ مـآ عـآد أثق الا بمطعم وآحد .. " كودو"
أنظف مطعم بالسعودية .. لا من ناحية الطبخ واستخدام الزيت ..
ولا من ناحية التطهير والتنظيف ..
والبـآقي .. الله يستر منهم ،، ويكفينا شرهم..
//
أما الكفتيريات الي بالحوآري .. هذي الي مستحيل تخلى من الوصـآخة..
أجل كفتيريا وقدامها بركة من مياه البيارة اعزكم الله .!!
ما اقول الا حسبي الله عليكم يا بلدية الغفلة ..
ودك اذا سكرو البوفيه ماعاد تفتح مره ثانيه
عندنا في المخطط بوفيه اكتبو عنها في الجرايد وعندي مقطع الفيديو ابو يمن يتوضاء للصلاه ويغسل رجله (الله يكرمكم) من المغسله وفي المغسله كبده ...بس للاسف سكروها اسبوع ورجعت من جديد ولا كان شي حاصل .
مواقف مع المطاعم + صور 
؟؟؟؟
ffice" />
اسف على الاطالة تقبل مروري
الوضع العادي
