![]() |
سؤال صريح ولنبعد عواطفا على جنب .. أيهما أفضل نواف أم ناكاتا الياباني لاعب روما ؟؟ السلام عليكم ** الصراحة لم أجد لاعب آسيوي أقارنه بنواف غير ناكاتا .. نواف أفضل من نور مائة ألف مرة نواف يلعب بعقله قبل قدمه ويلعب في أي ظروف بنفس المستوى هذا عن فعاليته الكبيرة في الملعب وعدم تعمد التمياط للخشونة والدليل أنه لم يحصل على أي كارت أحمر سوى كارت الأحمر اللي أول مرة أعرف أن لمس اللاعب يعتبر كارت أصفر وهذا ما حصل في مباراة منتخبنا في التصفيات الأولية .. إلخ مواصفات نور : كل صفة لنواف موجودة في الأعلى اعكسها تصير صفة لنور هذا فضلا عن الكروت الحمر اللي بالهبل .. أما ناكاتا ما أعرف عنه الكثير عن لعبه ... المتابعين للدوري الإيطالي يعطونا نبذه عنه علشان أقارن بينه وبين نواف وهل هو أفضل من نواف (((((((( بعيدا عن العواطف الشخصية )))))))) .. نجم الصبح |
ناكاتا افضل لاعب اسيوي عامي 1998 و 1999 ناكاتا بدأ مع بروجيا وخطف كل الأضواء وانتقل بعد اقل من 6 اشهر من احترافه لنادي روما ناكاتا حمل درع اقوى دوري في العالم وكان سبب في احراز اللقب ويكفي انه اختير هو و مونتيلا كأفضل بدلاء بالدوري الإيطالي وأشاد به الكل والآن انتقل لنادي بارما واخذ الرقم 10 والمدرب اعلن ان ناكاتا اساسي اخيرا مدرب المنتخب الإيطالي قال انه معجب باناكاتا وانه ايضا سيضم النجم روبيرتو باجيو للعب في كاس العالم 2002 وسيكون دور باجيو مع ايطاليا هو نفس دور ناكاتا مع روما اعتقد وبإختصار وبكل واقعية ناكاتا افضل ولو انتقل نواف للدوري الإيطالي سيتطور مستواه .. وبعدها تكون المقارنة اكثر واقعية اما الآن فالمقارنة صعبة جدا |
ما عندي كلام اكثر ماقاله اخوي الاولاني فهو كفى ووفى بس اللي اقدر اقوله مقارنة نواف بناكاتا حاليا فيها شوية ظلم لنواف |
السلام عليكم ** رأي أخوي الأولاني كافي ووافي تجاه ما كنت أحس به من صعوبة المقارنة وكما قال أخوي الكونكورد فيها ظلم لنواف .. وإنشاء الله نشوف نواف مع أحد الفرق الإيطالية أو الفرنسية لأنه من أفضل النجوم الذين أنجبتهم الملاعب السعودية بل العربية والآسيوية أيضاً .. نجم الصبح |
تصدق ياأخوي كان نفسي من زمان أشوف أراء أعضاء المنتدى في هذا الموضوع بالذات.... أما محمد نور فأنت والله ظلمته وماله أي عيب غير الخشونه ويكفي أنه أفضل محور في تاريخ الكره السعوديه.. وبصراحه كان واحد من الأخوان(أتحادي) وكان يقول لي: والله ماأحد في منتداكم أحسن من الأولاني عشان كذا لاتستغربون أجابته لأنه أنسان متابع.... وأتمنى نقل الموضوع الى منتدى الجمهور الهلالي عشان تكثر الأراء... |
كلهم متقاربين هلا أخوي أظن أنهم مستواهم زي بعض تقريبا |
السلام عليكم .. عزيزي Mr.jalal .. صحيح أني تحاملت على محمد نور قليلا .. لكن هذا قليل جدا بالنسبة لخشونته مع التمياط في الربع نهائي من كأس ولي العهد .. صحيح أنه مو السبب المباشر في اصابة التمياط لكن لو تعد الأخطاء المحتسبة والغير المحتسبة ( بتفرج الدخيل على تلك الخشونة ) تجد أنه سبب غير مباشر في تلك الإصابة .. لكن ما نقول إلا قدر الله وما شاء فعل .. وإذا تبي تشوف الفراغ اللي تركه التمياط في الهلال والمنتخب .. فارجع إلى مباراة الهلال مع الإتحاد ( منذ خروج التمياط مصابا ) ومباريات المربع وكأس الرئيس مبارك كذلك مباراة المنتخب مع مقدونيا ولاحظ الفرق بوجود التمياط وبدونه .. أما بالنسبة للمشرف العزيز الأولاني فهو لا يحتاج إلى شهادة ذلك الإتحادي ولا إلى شهادتي أو شهادة أي واحد في المنتدى على أهميته وإحسانه في المنتدى .. ومشكور يالغالي على المشاركة .. أخوي عبدالله 2002 ما تلاحظ أن في ردك بعض من العاطفة .. ناكاتا الآن يعتبر من أفضل اللاعبين في أوروبا ورد الأولاني في شيء مما نحسه .. مشكور يا الطيب على ردك والمشاركة برأيك تحياتي للجميع |
اخوي الاولاني والكونكورد لاتظلمون نواف ..نواف أفضل مهاريا وبمراحل لكن لا تنسون المكاسب المادية اللي حصلها الدوري الايطالي من التعاقد مع نجوم اليابان هناك كم قناة تنقل مباريات الدوري الايطالي بمقابل كبير ولا تنسى ان فيه نسبة كبيرة من مبيعات التذاكر والمبيعات الاخرى حصلها نادي روما بالذات من الجماهير اليابانية المتابعة لنجومها والسبب في ذلك القوة الشرائية الهائلة لليابانيين(ناس دفيعة) كذلك لا تنسى ان اليابانيين عندهم اتجاه كبير لتسويق لاعبينهم عن طريق الاعلام أو عن طريق مكاتب التعاقدات الشهيرة في العالم (وأذكر ان سامي الجابر ذكر هذا في مؤتمره الصحفي بعد تعاقده مع وولفز هامبتون الانجليزي) وأكبر دليل على كلامي البعد الاعلامي لحصول نواف على جائزة أفضل لاعب في آسيا حيث ذكرت الأخبار من اكثر من مصدر أن لدى الأرسنال نية للتعاقدمعه وكذلك أكثر من نادي فرنسي لديه نفس التوجه والأخبار هذي ماهي اخبار الصيف السنوية لكنها أخبار أكيدة ...وان شاالله يرجعلنا نواف بالسلامة سواء في نادينا الهلال أو في أي نادي في العالم لأن موهبته وفكره يشفعون له .. |
شباب مقارنه نكاتا بنواف ظالمه لان نكاتا يلعب في اقوى دوري في العالم وهو الدوري الايطالي اكيد تقولون واذا كان يلعب في الدروي الايطالي اقولك تخيل نواف جالس يسمع تعاليم المدرب وجنبه باتستوتا وتوتي ومونتيلا ودلفيكيو وكافو لانهم بيلعبو مباره مصيريه مع اليوفي مثلا شبيصير يفرق عنه لما يسمع تعاليم مدرب الهلال في مبارة ضد الاتحاد مثلا طبعا نعم لانك لما تكون في دوري النجوم جنبك ناس يعتبرهم اغلب العالم نجوم كبار ما تحاول تطور مستواك علشان تجاريهم اكيد لما نواف يحترف في الدوري الايطالي او الاسباني او الفرنسي مثلا بعدها قارن زي ماتبي بينهم و رايي الشخصي ان نواف لاعب كبير لكن مستواه ما وصل لمستوى نكاتا لكن انا واثق ان نواف يقدر على هذا الشي لما يحترف بس لان الاحتراف هو اللي بيرفع مستواه |
الوقت المعتمد في المنتدى بتوقيت جرينتش +3.
الوقت الان » 11:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd