الدلاله يا وجيه الخير
 

السلام عليكم ورحمة الله وبركاته
اسف شباب بس ودي احد يساعدني ابي اشتري جيب من تويوتا وفيه ثلاث انوع :
1) لاند كروزر
2) البرادو
3) فور نثير (اعتقد هذا اسمه) بس شكله زي البرادو بس صناعته مهيب ياباني
وحدودي 80 الف الى 95 الف من موديل 2002 الى هذي السنه ابغى شي يعيش ويكون مثل الشيك باليد متى ما ابي لفيت على المعارض وبعته ووذي اشتريه بعد العيد على طول :confused:
واللي يدليني له الدلاله وشاكر لكم جيتكم والله تسوى الدنيا وكل عام وانتم بخير s60s

والله الي انت حاط ذول بردوا ما برودا ماعرفهن

بس ولد عمي معه جيب2002 جي اكس ار

جيد.

لكن لاتاخذها مني يمكن الثانيات افضل

ولكن لو ترووح تشري جيب موستيبيشي جديد افضلك تراه ب72 الف وكشخه

خذ لك جي أكس قير عادي الي يسمونه الهدد
هذا اذا كنت راعي بر

لاندكروزر وبس

تبي نصيحه مني لاندكروزر (من نوع جي إكس أر خليجي ) عليه فخامه حلوه ونشيط للبر
لا تخذ من بقالة أبو جميل لأن الخليجي أفضل مواصفات وأرخص
تحححححياتي لك

اذا كنت راعي بر فخذ جي اكس ار

اما تبي الكشخه

ترى جيب الموستبيشي الـــــــجـــــديد ب72 الف

تبي موتر شيك ويصبر ولا بغيت تبيعه جاب لك سعر

ماعنك وعن الجي اكس ار مثل ماقالوا الاخوان واسئل خبره في التويوتا ;)

الفور تنر << هذا اسمه توه جديد وومافيه فرق مع البرادو

ابد الاند كروزر افضل لك واوسع وموتر عمر ماشاء الله

خذ لك خليجي مستعمل قير عادي او تماتيك على حسب ماتبي
تلقى الـ 2003 بـ 100 - 95 بالراحه وتلقاهن بالسعر ذا اللي ماشيات فوق الثمانين الف كيلو ;)

بالتوفيق يابعدي واي خدمه تحت امرك

تحيه لك

كل عام وانتم بخير
مشكور نجماوي بس انا ودي بياباني وتويوتا
ابو ماضي ماقصرت بس ماني براعي بران انا ابيه لعائلة وختاتي بالصيفية لابها واشكاله وعلى العموم مشكور
عاشق البكيرية شكلي اباخذ بنصيحتك بس ودي اعرف وين القى الزين
هلالي سمعا وطاعة اللي يخليك ذخر على المجهود الرائع وودي بس تسوي خير وتدلني على المكان اللي القى فيه هالموتر ... اذا تقدر والا ماقصرت بالاوله يالخوي
ومشكورين مرة ثاني على التفاعل اخواني :d

هلا أحمد نخدمك والله من أعيوننا ( لأنك تتنتمي إلى منتدى زعيم نصف الكرة الأرضية )
إذا كنت ناوي تشتري جيب فأنا أنصحك بيـ 2 :
1 ـ الفتره هذي لاتشتري لأن الجيوب مع دخول الشتاء تزيد بسعر غير معقول
2 ــ إذا تبي تدور لا تروح إلا لي معارض القصيم (و إذا ناوي تجي إرسلي على الإيميل رسالة علشان أدور لك على معارض محترمه ( لانك تعرف إن أكثر الشريطية نصابين )
وسللللللللللللللامتك

انا انصحك بــــــــــ لاندكروزر لانه يعيش ويمسك سعره وراعي بران