اتمنى تساعدوني بهالموضوع ووالله لادعي له (برمضان)..
[align=center]السلام عليكم ورحمة الله وبركاته
شلونكم؟؟؟؟
موضوعي جاد شوي.. <<اكيد جاد دامه بالقسم الجاد يا غبي
مدري ليه دايم حظي زفت.. عندي مادة اسمها (المدخل الى العلوم الاجتماعية) وبصراحة الدكتور ابلشني ببحث (حاجة ماحصلتش)
ترى مو هذا اسم البحث
الدكتور الله يسلمه طلب من كل الطلاب بحث بموضوع معين واهو اللي حدد لهم.. وجالس يقول فلان انت بحثك كذا
وعنوان البحث كله صغير.. وكله له علاقة مباشرة بالمادة.. الا انا يوم قال اسمي قال اكتب..
علاقة علم النفس بالعلوم التالية:-
الاقتصاد - السياسة - الخدمة الاجتماعية - علم الاجتماع - الانثربولوجيا - القانون..
انا يوم خلصت فرحت وحزنت.. فرحت لانه بيكون اول بحث فعلي بسويه في حياتي الدراسية
وحزنت من قرادة حظي.. الحين بالله كل هذا عنوان بحث واحد.. طيب وش دخل علم النفس والقانون بالعلوم الاجتماعية
ادري انها لها علاقة بالعلوم الاجتماعية بس علم النفس تخصص مستقل.. وانا لسه اول سنة احس علم النفس قوية شوي خصوصا ان توني ما تخصصت
اما القانون داخل غلط اصلا مدري وش يبي
لا بد من شرطين لقبول البحث:-
1- البحث لا يقل عن 15 صفحة والسطر لا يقل عن 12 كلمة. << حشا معروض موب بحث
2- المراجع لا تقل عن 10<< هذا ولا مؤلف يستعين بـهالعدد
هذا غير كتابة مقدمة عن موضوع البحث والفهرس وغير الحاشية اللي نكتب فيها اسم المرجع مع رقم الصفحة مع الطبعة<< خلاص يجيب لنا من الاخر ويقول الفوا كتاب وش بقى
واذا كانت المعلومة من النت نكتب الموقع.. والله حوسة
المهم اخر موعد لتسليم البحث 26 شوال.. بس ابي اخلص بسرعة لاني عارف لو بدات الحين ماراح اخلص منه الا يوم 15 او 20 شوال
اتمنى تساعدوني وتدورولي على مواضيع تتعلق بعنوان البحث اللي ذكرته فوق والله يجعل هالمساعدة في موازين حسناته ويرزقه الفردوس الاعلى..
ترى بدعي لكم بالعشر الاواخر من رمضان وتدرون ان برمضان تفتح ابواب الجنان..
تحياتي لكم
[/align]