ياشباب بعد طول أنتظار تم تسجيل المحترفين في فريق كرة اليد وكانت اول نتائجة الفوز على فريق الحزم في الرس وهذا يعتبر شئ صعب جدا ولكن توفيق الله ثم مشاركة المحترفين كان لهم دور كبير في رفع الروح المعنوية ومساعدت شباب النادي .
تخيلو لو كان هذ قبل شهرين لكن هناك تغير كبير في تريب الفريق في الدوري الممتاز لكن حسبي الله ونعم الوكيل على من كان اسبب في تأخير تسجيل المحترفين وتهميش الفريق الى حد لا يمكن قبوله

بإذن الله الإدارة الهلالية قدها و قدود


تحياتي

انشاء ما يقصرون

أخوي الشلهوب الازرق شكراً على مرورك
والله ادري ان ابو سلطان ما يقصر لكن من يوضح له ما يدور في الفريق و ما يحتاج للمعلومية لعبة كرة اليد في النادي هي العبة الوحيدة التي لايوجد بها سوى اداري وحيد لا و زعلان يعني ما يجي للنادي من شهر والبركة في امنين عام النادي مدري عنده خبر ولا لا

يااخي لازم فيه لعبه في النادي تكون ضحيه فاي نادي في العالم اتحداك تحصل جميع منشاته متساويه من كرة قدم وطائره وسله وغيرها الكثير فالنادي قاعد يركز على الاشياء المهمه وصاحبة الاولويه بعدين كرة اليد فاعتقد ان اهل الشرقيه هم اللي يقدرونها والاهلي فقط

رجال الهلال مو مقصرين ان شاء الله >>>>

للاسف الاهتمام فقط بالفريق الاول

الله يستر !!!!

الامير نواف بن محمد ملتزم برعاية لعبة اليد منذ عودتها

ما يقصر الرئيس إنشاء الله

بس ترى زي مقال( (الجابر 999)تراه عضو) الرئيس وش يخلي وش يتابع تراه وراه هموم كثيره ليش ما تقول وين أعضاء الشرف الي شايفين الرئيس مشغول ويجون بس في الكرة ليس كل اعضاء الشرف

لازم نشوف لهذا الموضوع حل وبسرعه

ولا كيف تصيرون نادي القرن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
\

نصير نادي القرن


اذا عقل ابن همام وخلى عنه التلاعب والتزوير..

مع احترامي للجميع لكن فيه ردود صراحه مدري كيف يتجرأ بعض الأعضاء و يكتبها

المفروض يخلون الأعضاء يعبون أبليكيشنات قبل مايردون على اي موضوع ويقيم المشرفين بعدها اذا الرد مؤهل انه ينزل والا لا

بالنسبه للموضوع انت ياللي تقول الرئيس ماله دخل والرئيس المفروض تركيزه على كرة القدم تراك اخطيت. أصلا كاتب الموضوع ماقال ان ابو سلطان مقصر لكن هو شاف مشكله وحب ينبه الجميع عليها واولهم رئيس النادي لان احتمال انه مايدري. وبحكم انه رئيس لنادي الهلال وليس رئيس لنادي الهلال لكرة القدم فالمسؤوليه بلا شك كبيره لكنها ليست مهمة الرئيس وحده ايضا. الجميع في الادارة من اعضاء شرف وحتى الجمهور لازم يكون فيه تكاتف علشان نرتقي بمستوى كل اللعبات بما فيها لعبة اليد ونوفر لهم كل مايحتاجونه

وشكرا