#1  
قديم 31/10/2005, 07:46 AM
زعيــم جديــد
تاريخ التسجيل: 10/10/2005
مشاركات: 7
Post ماذا فعل بك الزمان يا فهد الغشيان .. وخذ عبرة يا دوخي وخميس العويران[حديث ساخن]

[align=center]السلام عليكم

كل عام وانتم بخير وصحه وسلام

وكل عام وانت يالزعيم من بطوله لبطوله

بصراحه من أول رمضان وأنا ودي أشارك معكم في منتدى الكابتن ياسر .. ولكن ضروف الوقت تمنعني من المشاركه معكم ..

طبعاً موضوعي معروف من (العنوان) ولو ان صاحبه صار في طي (النسيان) ... اللي هو فهد (الغشيان) ..

في يوم من الأيام كنت في اسواق التميمي اللي في طريق الملك عبدالله بن عبدالعزيز في اخر الليل قبل شهر رمضان تقريباً بأيام اتقضى بعض الاغراض ... المهم صادفني اللإعب (( فهد الغشيان )) ,,

سلمت عليه وباركت له برمضان .. طبعاً أخذتنا السوالف حتى وصلنا في الكورة .. بصراحه تفاجات يوم سولف في الكورة ..

وكانه لاعب هلالي إلى يومنا هذا .. ولا تقول إنه راح للنصر . أو حتى لاعب فيه ..

سالته .. متى بتعتزل يا فهد !! قال أمنيه والله أني اشوف أعضاء شرف نادي النصر يحاولان على الأقل يفعلون لي حفل أعتزل ..

بصراحه ,, تندمت يوم طلعت من الهلال .. وجالس يسولف .. ويقول .. أعتقد لو أني باقي في الهلال لاصبحت الكابتن ..

أو الأن حفل أعتزلي .. وراح يكون حالي غيرررر عن اللاعبين الباقين .. أن متندم يوم رحت للنصر .. مو نقص في الكيان النصرواي ..

لكن كنت اللاعب الصح .. في الوقت الغلط .. وجلسنا نتبادل الحديث .. قال تبي الصدق .. والله الى يومك وآنا احب الهلال .. وأحب جمهوره ..

وأشجعه بعد .. ويقـول عندي أشرطه لمباريات الهلال .. ووقتها كنت موجود .. وذكريات أشوفها والله شوي وأبكي ..

لكن اليد قصيره والعين بصيره .. والله تمنيت أني أخدمه لو بعيوني ..

طبعاً فهد أبتعد عن الووووسط الرياضي مره واحدة .. وأكتفى بالمشاهدة .. و (( تشجيع الهلال )) كما قال ..

أخواني .. الغشيان لو أنه موجود في وقتنا هذا .. وبقي في الهلال .. صدقوني بيحترف في الخارج .. وهذي ما يتناقش فيها أثنين

فهد الغشيان أعتقد أنه أفضل لاعب مهاري في السعوديه لو بقي ..


طبعاً شكله متغير بصراحه .. صار متين .. والكُبر واضح في وجهه ..

وهذي معلومات عن فهد جديدة .. الرجال متزوج .. وعنده بنتين صغار .. الله يحفضهم له ..

وموتره جيب رانج روالفر سكري .. الله يعطيه خيره ويكفيه شره ..

الله يحفضك يا فهد .. وصدقني أنت بالقلب .. ما راح ننسـاك أبداً

وأذا أنت تحب الهلال .. صدقني حتى الجماهير الهلاليه تموت فيك ..

والدليل .. لقطاتك لازالت منتشره وأنت بالطقم الأزرق والأبيض .. وباسم مواقع هلاليه

أمنيتي لك بحياه سعيده ..


@@@@@@@@@@@


(( طبعاً هذا الكلام صار لي مع فهد .. وصدقوني مافيه إي تحريف أو تزييف .. وآنا كاتب الموضوع وأنا صايم ))



@@@@@@@@@@@


+__[ ومضه سريعه ]__+

يا ترى !! هل سيكون مستقبل أحمد الدوخي وخميس العويران في طي النسيان .. كما حدث للكونكورد فهد الغشيان !!!!!!!

(( راح تثبت لنا الأيام ))


تحييه معطره لأحلى أعضاء !
[/align]
اضافة رد مع اقتباس
  #2  
قديم 31/10/2005, 07:54 AM
موقوف
تاريخ التسجيل: 16/08/2005
المكان: آآهـ يـالـريـاضـ ..؟
مشاركات: 3,221
هلا اخوي تكره سامي تموت بدري ..


موضوع جميل .. واللاعب فهد الغشيان كان لاعب كبير ..

الله يوفقه في حياته ..


شكرا على موضوعك
اضافة رد مع اقتباس
  #3  
قديم 31/10/2005, 07:58 AM
زعيــم نشيــط
تاريخ التسجيل: 17/07/2005
المكان: حائل
مشاركات: 952
أذا يحب الهلال وجماهيره نحبه ونقدره

لكن قدر الله وما شاء فعل


لكن العويران والدوخي شوفو نهايتهم بتصير أفشل من الغشيان
اضافة رد مع اقتباس
  #4  
قديم 31/10/2005, 08:10 AM
زعيــم مميــز
تاريخ التسجيل: 21/06/2004
مشاركات: 2,846
قالوها ونرجع نقولها : من طلع من داره قلّ مقداره :sad:


آه يافهد ذكرتنا بمهاراتك وفنك الذي مضى معك بإعتزالك :sad:

من ينسى هدفه التاريخي في مرمى السويد ؟؟ :sad:


لكنك فقدت كل شئ بخروجك من الهلال الذي احتضنك وجعلك احد افضل لاعبي المملكة

وآثرت الانتقال للنصر وبهذا قد تكون انت قد خسرت كل شئ الا شيئا واحدا وهو :

ذكرياتك الحلوة مع الهلاااااااال



تحياتي :sad:
اضافة رد مع اقتباس
  #5  
قديم 31/10/2005, 08:15 AM
زعيــم نشيــط
تاريخ التسجيل: 18/10/2005
مشاركات: 690
الغشيان اه يالذكريات
اضافة رد مع اقتباس
  #6  
قديم 31/10/2005, 08:26 AM
زعيــم متألــق
تاريخ التسجيل: 25/09/2005
المكان: U.S.A
مشاركات: 1,497
إقتباس
بصراحه من أول رمضان وأنا ودي أشارك معكم في منتدى الكابتن ياسر

..!!

على العموم الله يعطيك العافية
اضافة رد مع اقتباس
  #7  
قديم 31/10/2005, 08:55 AM
زعيــم نشيــط
تاريخ التسجيل: 10/05/2005
المكان: عاصمة البطولات
مشاركات: 870
[align=center]

هـلا بـك أخـوي

تـكرهـ سـامي .. تـموت بـدري

اشـكرك علـى طـرح هالـقصه (( المـوضـوع ))

وصدقـني فـهد الكـنكـورد .. بـاقي فـي القـلب ..

وروحتـه للنصـر ماغيـرت الاحسـاس والنـظرات ..

ولا نسـينا اهـدافه وكـم من اللقطـات والمـهارات ..

فـهد اسـطورة لـو (( بـقي )) ازرق الـدم .. ابيض المـذهـب ..

فـهد عـملة نـادرة .. قـليل تـجد مثلـها فـي المـلاعب :

سرعـه .. رشـاقه .. تهـديف .. تمريـر .. مـناورة .. انتـهازي ..

آآآهـ يافـهد .. وآآآه يازمـن ..

الله يوفقـه دنيـا وآخرهـ .. ويعطيـه علـى قد نيـتك ..

ومشـكور اخـوي علـى النقـل الحـي الصـادق ..

وتقبـل خـالص تحيـاتي ..[/align]
اضافة رد مع اقتباس
  #8  
قديم 31/10/2005, 08:57 AM
زعيــم مميــز
تاريخ التسجيل: 24/01/2004
المكان: الرياض
مشاركات: 1,618
هلا اخوي تكره سامي تموت بدري ..


موضوع جميل .. واللاعب فهد الغشيان كان لاعب كبير ..

الله يوفقه في حياته ..


شكرا على موضوعك
اضافة رد مع اقتباس
  #9  
قديم 31/10/2005, 09:28 AM
زعيــم متواصــل
تاريخ التسجيل: 27/06/2005
مشاركات: 153
الله يذكره بالخير كاان عشقي ولكن قدر الله وماشاء فعل

الله يوفقه في حياااته ويخليله بنااته ويرزقه بولد يخلف فنه بس يكوون هلاااالي

والله يعطيك العافيه اخووووي تكره ساامي تمووت هوى

على النقل

مع خالص تحياتي :

أخوووك قوووووبي
اضافة رد مع اقتباس
  #10  
قديم 31/10/2005, 09:57 AM
زعيــم جديــد
تاريخ التسجيل: 03/06/2002
مشاركات: 17
Wink

ضيع نفسه عشان ناس لعبوا بعقله, الله يوفقه كان نجمي المفضل بعد الفيلسوف.
اضافة رد مع اقتباس
  #11  
قديم 31/10/2005, 10:15 AM
الصورة الرمزية الخاصة بـ عاااشق الدوخي
زعيــم متألــق
تاريخ التسجيل: 23/06/2005
المكان: الــــريــــاض
مشاركات: 1,227
هو الله يهدية طاوع اللي مايسرونه ونسى ونكر وقفة رجال الهلال معه وغيره راح فيها

وان شاء الله تكون نهاية الدوخي والعويران الكروية مثله محد يركمهم ولا يعبر بهم احد وراح يشووووووفون ويندمون باذن الله
اضافة رد مع اقتباس
  #12  
قديم 31/10/2005, 12:50 PM
زعيــم مميــز
تاريخ التسجيل: 15/10/2005
المكان: الرياض
مشاركات: 2,565
للأسف بهد الغشيان الله يهدينا واياه كان شوي متسيـّـب ومتساهل في التمارين يعني ماهوب بعيد عن الجمعان ،،، حتى يوم راح للنصر لعب معهم كم مباراة يبي يقهر الهلاليين وبعدين رجع لتسيـّـبه وبزوطته


على كل حال الله يستر علينا وعليه ،،، واحنا كـ جمهور مسامحينه على الخيانات اللي سواها .....

سلام
اضافة رد مع اقتباس
  #13  
قديم 31/10/2005, 12:54 PM
زعيــم متألــق
تاريخ التسجيل: 13/08/2005
مشاركات: 1,360
شكرا لك
اضافة رد مع اقتباس
  #14  
قديم 31/10/2005, 01:08 PM
موقوف
تاريخ التسجيل: 07/05/2005
مشاركات: 199
إقتباس
فهد الغشيان أعتقد أنه أفضل لاعب مهاري في السعوديه لو بقي ..

أنا معك
لكن ألا ترى أن الغشيان هو الذي دمر نفسه بنفسه
من السهر وغيرها
اضافة رد مع اقتباس
  #15  
قديم 31/10/2005, 01:28 PM
زعيــم فعــال
تاريخ التسجيل: 26/10/2005
المكان: USA
مشاركات: 297
الغشيان لاعب كبير بس ضيع نفسه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:57 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube