سلام صبيان وصبايا الليلة نكمل معكم سرد بعض المفاراقات الاقلاعية في حياتي البيزاوية
التاريخ 97 \ 24 \ 5
المكان مطار الملك خالد وباالتحديد عند كاونتر الخروج
ودعت الاهل ودفعت 5 ريال و بمنظر محزن شلت شنطتي السامسونايت بيد ماخذها من ابوي وبااليد الثانية شلت الصندوق الاخظر الذي يحمل في طياتة معاميل القهوة والدلال متوجها الى الطيارة للإقلاع متوجهاً الى هنا حلها عاد
كان معي ويرافقني ابوسعد وزوجتة وبزارينة الله لا يقبلهم كان يا كثر خنبقتهم وما يخلون شي الا ويحوسونة وتركي وزوجتة توة معرس وماخذن زوجتة معة لامريكا " ثور والا فية احد يعاف الشقر بس على الاقل لتحسين النسل من زينة هو وكشرتة " انتظرنا شوي لين فتحو باب الطيارة وانا متاكد ان الوقت اللي انتظرناة كان طويل وشين باالحيل على تركي لانة قايل لي " يابيزاا طلبتك تكفى لا تقعد تقز حرمتي وتدقق على كل شي اسوية قدامها مثلك عارف بسوي نفسي فاهم عندها" لكن على مين بس والله ياني قزيتها من راسها لين رجليها وعلى قولة المثل شين وقوي عين سألتة بعد يومين وقلت لة ياخوي ليش حرمتك ما تسوي رجيم تراها والله سمينة وبتبلش ببناطيلين الجينز ومهيب لاقية مقاسها والا هي تحسب الدعوة تننانير فيذا لا يسالني احد وش قالي لان ردة كان باالفعل وليس باالقول هاالمرة وياشين الغيرة اللي على غير سنع المهم ركبنا والشباب راحو لكراسيهم في الدرجة الاولى عيال نعمة وانا صفطت يمين على الدرجة السياحية اللي باالعافية جمعت فلوسها وزين انهم ما حطو لي كرسي على الجناح وجلسوني الريحة ما تنطاق باالحيل

كنت في قسم العرابجة قسم المدخنين وبعد ما اقلعت الطيارة ماش بديت احس باالوحدة ودي اسولف وابربر مع احد ما اقدر اصبر لحالي
اتلفت يمين يسار ابي كودني اشوف احد اعرف ولا لقيت احد والله بلاني اني جلست جنب واحد من ركب الطيارة وهو مغطي وجهة ومعطيها نومة
بعد نص ساعة جابو العشاء ! والا والله هاك اللبنانية اللي تخليك لا شفتها تصوم سنة من الزين اللي فيها وهذي ماتقول للقمر قم وانا اجلس مكانك لالالا هذي هي القمر بعينة ياني نصاب بعد إيش جسم وايش قطعة وجة وايش لبس ابد ابد هي هي اللي دايم اشوفها في منامي راكبتن وراي على ظهر ثور ابيض ومتوجهين الى جزيرة مهجورة علشان نجربع فيذااك من شفت طلتها قلت اكيد اللي بتوسع صدري بها الرحلة نبي نسولف مع بعض ونضحك
وقبل ما يجي دوري باالعشاء تزينت وعدلت جلستي ومسكت الجريدة على بالي ماخذت بالي منها جت لمي وقالت عفواً استازبدك العشاء باالدجاج
ولا با اللحمة ؟ حطيت الجريدة على ركبي والتفت عليها وانا حاط ثلاث اصابع من يدي اليمنا على خدي وقلت بثقل ممزوج باالحليب عفواً اقصد ممزوج باالغرور الحقيقة ابية بااللحم لاني اعز واقدر اللحم وخصوصً اللحم الابيض المستورد لما يكون ني مغازل عرابجة البنت على نياتها ضحكت وهي والله ماجابت خبر لقصدي وحطت العشاء وراحت غريبة مع انها لبنانية وتفهمها وهي منسدحة
ماش الوضع ماعجبني قلت لازم اشوف لي دبرة معها تراني لزقة العن من لزقة جونسون وانا اللي اهمز زر نداء المضيفة وجتني على طول
قالت ايوة شو بدك ؟ ابتسمت وطلعت ضروسي اللي كنهن جدار طين منهد وقلت ان اسف بس الاكل خانس وابي شويت ملح واذا ماعندكم ملح مافية
مشكلة عطيني شوي من ها الملح اللي فيس وحطية بعشاي ياشين القراوى ومغازلهم ضحكت وقالت ولو تكرم عينك هلا بجيب لك الملح
راحت وانا متشقق من الوناسة وكنت خلاص حطيتت البنت تحت ابطي من زود الثقة اجل الله يعينها على الخياس وعلى بالي انها راحت في خرايطها معي جابت الملح بنت النشامى وقالت تفزل الملح قلت والله انتي الملح يا ست الستات وخمسة الخمسات ! قلت لها الله لا يهينس واذا ما عليس كلافة ممكن تكتبين لي رقم تلفونس علشان اقدر اتصل عليس واسمع صوتس متى ما مردغني الشوق الى لقياس لأني بصراحة حبيتس من اول نظرة وودي اننا نتقابل برا الطيارة وبعيد عن عيون الناس واقولس حتسي كثير يعني اكيد بتجلسين لس كم يوم في نيويورك واهي فرصة يلتم شمل الحبايب ! قامت تطالعني وتغير ذاك الوجة اللي وش زينة الى وجة اجتمع فية شر الدنيا كلها ودنقت لمي علشان ترد علي خايفة من الفضايح وعضت براطمها الحمر (توها ما كلة كبدة نية وقالت يخرب بيتك شو كتير واسأ من حالك روح إطلع في المراية وشوف كيف وشك عامل متل الإرد هذا اللي قدرت علية وبعدين تعال سمعني الكلمتين اللي انتا حافزوهن ولك انتا ما بتختشي يعني لو كنت وسيم كان الدعوة فيها كلام ثاني
طاح وجهي عاد عصبت انا عاد ابداً ما صار كنت متوقعة كملت عشاي ولا كني سمعت وش قالت تعودت على الرفض والتهزيأ في دنيا الغزل يوم جت الساعة 5 الفجر والا الناس كلهم نايمين والجماعة طفو اللمبات حقت الطيارة وانا مثل البومة صاحي لحالي !
بعد بريهت زمن الا وصوت حرمة تصارخ بصوت عالي وصوتها جاي من واحداً من الكراسي اللي قدام !!!! الناس صحت من الخرعة والجماعة ولعو اللمبات والبزارين بدو يصيحون والمضيفات جو يركظون لم البنت اللي تصارخ وخويتي المضيفة اللبنانية او باالاصح اللي كنت ناوي اشبك معها بس غيرت رايي في آخر لحظة اكيد انكم مصدقيني راحت تركظ معهن بسرعة مستغلة الفتحة اللي بتنورتها اللي واصلة لين سرها وهي تركظ كنت ادعي الله انها تطيح وتكرفس لين ما تاصل حظني بس ماش ماكول مايلمع ذهبن لحد يقول وش دخل ذا المثل لاني ماحفظت الا هو بحياتي ودايم استخدمة طيب وش السالفة ؟؟ وش فيها البنت تصارخ ؟؟ الطيارة اختطفت ؟ او يمكن انها شافتني وقامت تصارخ من زود وسامتي جايز
شوياللي اعلن مساعد قائد الطيارة عن طريق المكرفون وقال هدوء رجاء الدعوة وما فية عندنا حرمة حامل وجاها الطلق حزة الولادة
ويا ليت اذا كان من ظمن الركاب دكتور ولادة والا دكتور اسنان او على الاقل سباك متعود على فجر البلاعات يبلغ اقرب مظيفة حولة انا يوم قال ولادة جاني الشيطان وقالي قم يابيزا قم وقل للمظيفة انك دكتور وأهي فرصة تشوف اللي ما عمرك شفتة قمت اتلفت واشوف هو معنا دكتور والا لا والمضيفات يدورون منا ومنا وخويتي المضيفة اللبنانية تتلفت مناك ولافكرت حتى تلتفت علي وكني بها تناظرني وتقول ما بقا الا ذا و وجة يصير دكتور شفت الدعوة سهود ومهود وتاكدت ان ما فية احد من الركاب دكتور وانا اللي ارفع رجلي عفواً اقصد يدي واصارخ " انا دكتورانا دكتور "
مادريت الا ثلاث مضيفات محظرين عندي وخويتي من ظمنهن حلوة ظمنهن صح اي معهن والظمير هنا راجع الى صامولة كفر الطيارة الأيسر
قالت وحدة منهن انتا صحيح دكتور ؟ قلت والله بصراحة يعني انا ماني دكتور دكتور بس عندي خلفية ومعلومات كبيرة عن الطب بشكل عام وعن الولادة بشكل خاص ! قالت حلو حلو كتير ياالله يا دكتور الست عام تنتزرك هونيك انا قصدي يوم اقولها عندي خلفية عن الطب هو ان لي ولد عم يشتغل صيدلي في مستوصف اسنان واذكر اني جلست معة مرة وعلمني وشلون اقلع ضرسي لحالي وبدون ما اروح للمستوصف واخسر فلوس وهذا اعتبرها انا خلفية طبية المهم قمت من الكرسي وانا رازن خشمي فوق فوق طبعاً دكتور والمضيفة اللبنانية اللي هزئتني صارت توزع انواع الابتسامات لي وتدور على الزحمة دورة عارفين ليش طبعاً ولا بعد فكت زرارين من قميصها مدري وشولة يمكن انها حرانة مع ان الجو كان بارد (يازين البرئة وايامها وامشي قدام المضيفات نافخن صدري ومتلذذ في نفس الوقت بنظرات الاعجاب اللي كانت جاية من عيون البنات لي انا الله ياالدنيا وانا اول مادخلت الطيارة ماغير عيوني بتاكلهن اكل وهن متحسفات انهن يتكرمن علي ولو بنظرة وحدة ووحدة منهن تقول لي يا صديق مكانك مهوب فيذاا واللحين تغير الحال وصرت وش زيني ما درو ان الالقاب هذي عمرها ما رفعت قدر راعيها دام ان قدرة من الاساس واطي
رحت مع المضيفات وانا راسم في بالي ان ها البنت الحامل واللي تبي تولد مووووت وتسحب اطلق شنب على وجهة وش جسم ووش وجة ووش صوت خصوصً انها لازم تصارخ طبعاً هذي ولادة لا تروحون بعيد وانا اقول في نفسي " اييية يا بيزاا والله
وقام حضك بعد شوي بتشوف شي عمرك ما شفتة معقولة ؟ ! وقدام كل الناس باردة مبردة وابن امة يتكلم باالعكس كلهم بيتشكرونك واولهم البنت "
خذوني معهم للغرفة حقت المضيفات اللي يصلحون فيها الاكل يوم وصلنا والقا كتلة شحمية طايحة على الارض في وضع انبطاحي ؟؟؟
أطالع ابرق ياربي وش ذا اللي انا اشوف قدامي ؟!
هذا محسوبة علينا كا كائن حي ؟
من الثديات والا من الزواحف والا هي نوع من انواع الفطريات المائية؟
هو جسم آدمي والا عبارة عن فيل جلدة مصلوخ ؟ والا يمكن ذا بعير ذابحينة للمسافرين وصالخين جلدة بس توهم ما قطعوة يمكن !
وسط تساؤلاتي ذي واصبعي كان في خشمي متعود ما اعرف افكر الا لازم اصبعي يكون في خشمي قالت المضيفة ياالله يا دكتور بيزاا شوف شوغلك !!
قلت طيب وين البنت اللي بتولد اول علشان اشوف شغلي ؟ والله يا انت بتشتغل شغل عمرك ما اشتغلتة بعد
قالت هيدا هي يا دكتور " واشارت بإصبعها آاااة يا زينة بعد هو وراعيتة حاطة مناكير خظر ليش على الكتلة الشحمية المنطولة امامي !
قبل ما استوعب الصدمة ان هذي المنسدحة بنت اي جنس لطيف ناعم دخل علينا مساعد سواق الطيارة وهو صاك لك بنت البكارة وسلم وقال الحقيقة حنا اسفين يا دكتور علشانا ازعزناك في رحلتك هذي بس شوفت عينك حالة طارئة والطبيب مالة دوام محدد ! اي طبيب واللي يرحم والديك بس هذا شكل طبيب ؟ شكلي شكل سباك غاطسن في بيارة من اسبوع يبي يفجرها ولا قدر بعد طلعت اصبعي من خشمي معلنن نهاية تفكيري و ضميت يديني على بعض محاولن اخفاء ما هو ناشبن في اصبعي الذي خرج للتو من خشمي وقلت لا ابد انا في الخدمة اي وقت بس المريضة هذي من اي فصيلة اقصد يعني وش هي من الطيور طبعاً فيل
قال ياطويل العمر هذي مسافرة مصرية صعيدية ومن مدينة طرونباي باالتحديد واللحين بخليك تشوف شغلك يا دكتور
قلت في نفسي وعععععع وصعيدية بعد افففف الله من زين الريحة والا التناسق في الجسم ابد كنها علبة ببسي لا خصر ولا يحزنون اللهم انها مهربة جحتين معها وحاطتهن في صدرها ليش ما ادري ؟
اللحين اصوم واصوم وتاليتها افطر على ذا البصلة وانا اللي كنت اقول لنفسي يا بيزاا اصبر ولا تستعجل على رزقك بكرة تتزوج وتشوف اللي عمرك ما شفتة كلة يحلفون بقوة كمل والمشكلة اني اشوف ها اللبنانيات جنبي وياعيني على الاجسام عز الله هذا الجسم اللي يخليك تسبح وتهلل علية مهوب ذا الفيل المنقلب فيذاا شوي الا وجابت لي وحدة من المضيفات دسوس وبالطو ابيض ولبستني اياهن ! ومن ثم جلست وحدة منهن عند راس هاك الصعيدية ووحدة مسكت رجلها اليسرا وتياسرت والثانية مسكت اليمنى وتيامنت ولقيت نفسي وجةً لوجة مع بوابة الخروج للبزرشدراك طيب !!!
اطالع يععععع وش حومة التسبد ذي وارجع ابي انحاش الا وتمسكني المضيفة وتقول على وين يا دكتور بيزاا ؟ قلت بروح اجيب شماغي من الشنطة ابي اصك اللطمة كود ريحة الخياس تخف شوي رجعت لهم ووقفت قبال كرشت الصعيدية وانا ما ادري وش بسوي فيها ؟ مستحي امد يدي مؤدب
ومرتبك بعد ! قلت للمضيفة ممكن امد يدي على المريضة ؟ قالت ولو يادكتور ولو خذ راحتك واعمل اللي بدك إياة قلت لعنبو بليسس يوم طحت بها الشيفة قلتي خذ راحتك وتو معس كنتي تهزءيني وش بسوي وش بسوي ؟
قلت بس انا دايم في الافلام المصرية اشوف الدكتور يقول للحامل في غرفة العمليلت " زوئي يا ختي زوئي " علشان تساعدهم ويطلعون البزر
قلت يا الله يا بيزاا سو زيهم وانا اللي ارفع راسي للصعيدية والا قبل وش كنت تناظر واقول لها ياالله يا ستي زوئي ياختي زوئي الله يخرب بيتك
قامن يطالعن فيني المضيفات وقالت وحدة منهن شو زوئي يا دكتور وهون كمان ؟ يا عيب الشوم عليك عليك !
قلت لالالالا تفهميني غلط زوئي عندهم غير زوئي اللي عندنا وعندكم بلبنان ياليت اشباه بناتنا زيكوم زي مابعض كلامنا متشابة لا يروح بالس بعيد زوئي عندهم يعني دفي ووالله لا تسوي زوئي ذي على مفهومنا حنا اني لا افتح باب الطيارة واجدعها معة بعد مو كافي ريحتها اللي هي كفاية قالت آااااه هلاااا فهمت عليك دكتور هلاااا فهمت قلت ياالله اجل ساعدوني وخلونا كلنا نقول لها " زوئي يا ختي زوئي " علشان يطلع البزر ونفتك
وصرت انا اقول زوئي يا ختي زوئي وهن يردن من وراي ويقولن زوئي زوئي ! ليييين حسيت ان الركاب بدو يشكون با الموضوع وكني بهم يقولون وش السالفة هذي ولادة والا تنظيف معدة ! وهاك الصعيدية المسيكينة وجهها حمر وصفر وهي تزوء وقامت تصارخ بعد غريبة مع انة مافية عملية سهلة باالنسبة للصعيدية زي عملية الولادة لان الدعوة كلها ون بط آخر شي زأت بقوة وما دريت الا بقطعة لحمة طايحة بين بديني ! وكلها دم !
قلت لعنبو بليسس انا ابيس تطلعين البزراللي في كرشتس مهوب العشاء اللي كلتية قبل شوي !
قالت المضيفة الله شو ما احلاة متل الامر !التفت عليها وماني مصدق اللي سمعت وقلت منهو انا توس تشوفيني عاد ؟
قالت لا انا بأصد البيبي اللي بيدك !! واطالع والا والله صدق بزر شحم ولحم !
في اللحظة ذي آخر واحد تمنيتة يجي جا وهو صديقي تركي اتارية نزل يبي يسولف معي انا وكشرتي الشينة وشافني ما سكن البزر بيديني و مبوبز
قدام الصعيدية وهي منسدحة ومفحجة والدم مالي الارض !
قام يطالع ومن ثم صرخ " ااااااااا بيزاا وش تسوي يا مجرم حتى في الطيارة ماتركت سوياك " فاهم غلط
وانا اللي انقز لمة بخفة ورشاقة مستغلن حرية الحركة التي يمنحني اياها بنطرون الجينز مع العلم انة اي بنطرون الجينز انشق من تحت مع النقزة واسد خشتة بيدي وكلها دم وبيدي الاخرا كنت ممسكن بذاك البزر ذو الثلاث دقائق ربيعاً وقلت لة " تكفى يا ابن الحلال استر علي الله يستر عليك وبلاش فضايح ترا الدعو فيها قطع رقاب ودم حمايل " !
قال طيب وش السالفة ؟ قلت لة اللي صار من ال A حتى الZ ابوك ياللغة ابوك واخيراً قدر الوضع وسكت وما قال لهم اني موش دكتور
وبعدها قامت الصعيدية وجلست ولاكنها توها والدة وقالت ربنا يوفاك يا بية ويزيدك علم دنا ما حسيتش بالم خالص ! قلت والا باالعادة فية الم والله ما ظنيت وبعد شوي قالو لي المضيفات ترا فية مقعد فاضي في الدرجة الاولى ونبيك تجلس فية يادكتور بيزاا اذا بغو صار فية مقاعد فاضية !
ورحت وتسدحت فيذاااك وجلست عقبها شهر احلم كل ليلة بهاك الصعيدية وباالتحديد لحظة ما نقز البزر في وجهي ومافكيت اللطمة الابعد اسبوع
وما قول الا ليتني بس دكتور امراض نساء و ولادة علشان كل يوم اولد لي حامل واساعد واخدم بكول ما اوتيت من قوة وكل يوم حامل شكل جديد ترا قصدي أخدم لان الطب خدمة انسانية والا شرايكم انتم


--------------------

هذا الموضوع منقول من منتدي الاقلاع

الله يقطع بليسك قطتني من الضحك

تصدق عاد اني احسب اني أنا المنسم لحالي

وأثرهم واجد...ههههههههههه

راااااااااااااااااااااايق

ننتظر المزيد يالموسوس