نادي الهلال السعودي - شبكة الزعيم - الموقع الرسمي - تكفى يابو منار انت وولد الموكاء انا لكم ولا للذيب تكفووون الذيب بالقليب الحقون ؟

تكفى يابو منار انت وولد الموكاء تكفون تعقدت من برنامج الريل بلاير الله يقطعه ويقطع ابليسه بس ابي فزعتكم تكفون انا سمعت انكم نشامى وتفزعون منتم مثل مشرفينٍ على بالي ماينفعون بسبع المذاهب خابرهم انا بالمنتدى اللي جنبكم ماغير ترزز وصفصفة حكي وصقع بيالات ولا الفايدة ماعندك احد تكفى يابومنار جعل يومي قبل يومك انا عندي هالمشكلة بس القهر اني دجاجة صقعى ماعرف انقل لك المشكلة بالصورة مثل مايسوون بعض الاخوان لاني صتيمة ماعرف شي بس يالله الله يعنن اكتبها لكم وانتم انشالله تفهمونة

الريل يلاير اذا شغلت اي ملف من الانترنت عليه او استقبلت مثلا ملفات او بغيت احمل ملفات مثل بعض اهداف الهلال مثلا ( ايه ترى ماهيب افلام ) تطلع لي هالرسالة كذا على اليسار بالمربع طبعا يطلع لي مثلث صغير مثل حق المرور هذا بس لونه الله يكرمك اصفر وبوسطه علامة تعجب وعلى يساره يطلع الكلام هذا
A Genral Error has occurred.
وتحته مستطيل بوسطه الكلام هذا
http://pset.influxonline.com/bin/nfl...ptyh-4/isdn.rm
وتحت المستطيل هذا يجي الكلام هذا
more informationis available atthe Real networks
وجنبها مربع صغير للضغط عليه مثل مربع موافق وغير موافق يعني مكتوب وسطه
moreinfo
وتحته مربع ثاني بوسطه كلمة OK

هه هه هه هه هه هه هه هه هه اف والله تعبت اول مرة بحياتي اكتب انقليزي هالكثر اثره يتعب اعوذبالله تصدق اني من يوم الاحد وانا اكتب الرسالة وتوي اخلص منة انقليزي الله يلعنة وانا مشكلتي ثقافتي رومانية الله لايعيدة لكن اشوا الحمدلله خلصت من الرسالة بزمن قياسي صراحة بس عاد ياويلك ان كان مالقيت لي حل وانا قاعدن كل يومي اكتب هالرسالة بالنقليزي لين تعبت وطاح حيلي يالله عاد لاتفشلن وتخلين اخذ عنك فكرة مثل المشرفين اللي بالي بالك ولد ذاك وولد هذاك

حبحور مقطع البحور ومذوب الصخور ومغري الحور وحامي الضبان بالجحور
الحبحر الحار الهلالي
الرس / ابو تركي
رحمك الله ابافهد رحمك الله ياشايب الهلال
اللهم اغفر له وتوله برحمتك وادخله فسيح جنتك