28/10/2005, 10:03 PM
|
| زعيــم متألــق | | تاريخ التسجيل: 06/11/2004 المكان: بين الشقا وبين الغرام
مشاركات: 1,071
| |
للاسف : حنا السعوديين اكثر من يطارد البنات في الخارج السلالالالالام على من اتبع الهدا
حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي أكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . .
حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .
وحنا اللي ما أحد يغار على الدين مثلنا ، رغم إن أغلبنا ما يصلي كل الفروض . وحنا اللي ما في شعب يضايق الكفار مثلنا . والتكفير عندنا مثل شرب الماء وألذ من العسل ..
حنا السعوديين ما في أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .
حنا من أكثر شعوب العالم استهلاكاً للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثر الصيد والقنص. ثم رحنا على مصر والسودان نقضي على الباقي .
حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .
حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . وما نرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .
حنا اللي نحافظ على تقاليدنا حتى لو كانت غلط . وحنا اللي ما نشوف أحسن من قبايلنا . ونشوف الأجانب أقل مننا . إلا من رحم ربي .
حنا اللي نشوف البنت مخلوق ناقص ومالها رأي . ما هي مسئولة عن نفسها ، لكن مسئولة عن أفعالها . ما تأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
>حنا اللي الحرمة عندنا ما تكشف حجابها لنا وتكشفه للأجنبي . وحنا اللي نمنع الحرمة في المدينة من السواقة لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون اعتراض الأهل .
حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.
حنا اللي عندنا أغلى المهور في العالم . وما نشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .
رغم الحقيقة والألم ..
حنا السعوديين أحسن المسلمين والعرب.(هيّن بس) .!! ملاحظة : كل المعلومات الواردة في المقال صحيحة وعلى حسب الإحصائيات
مع حبي لهذا البلد فان كل ما ورد في أعلاه صحيح
اسألكم بالله وش راح تكون اجوبتكم على الكلام هذا |