مساء الخير اخواني واخواتي ......ندري ان الموسم انتهى والاحداث قلت ......بس فيه قضيه احس انها مهمه او ان ما احد تطرق لها على حد قراتي للمنتدى...........

قضيه الاحظها في جاهيرنا اللي تحضر الملعب واكيد الجميع لا حظها او يعرفها على الاقل و اعتقد انها قضيه مهمه وفاعله في خدمه الفريق داخل الملعب!!!

النقطه هذي ان جماهيرنا ما فيها رابطه مشجعين وكل اللي فيها ارتجالات من بعض الاشخاص ويكون هناك ترديد ورائهم........او صراخ اذا سحب سامي او يوسف او.......او.....

او يبدا احد بالتصفيق و يبدون الناس وراه.....او اذا جاء هدف سمعنا صراخ وفرحه.....ولكن اغلب وقت المباراه هدوء!!!!

نرى جماهير الاتحاد والاهلي والوحده وش لون تطرب الاعبين وحتى المشاهدين اللي في التلفزيون!!!

جماهير طول المباراه تشجيع وحماس و اهازيج وتشجع الوقت كله وتدفع الاعبين وتحفزهم للفوز!!

وبما ان نادي الهلال يعد الاكثر جماهيريه فلا يعقل ان لا تكون له رابطه مشجعين ترتب التشجيع وتعد الاهازيج و و و ..........

اعتقد ان هالنقطه مهمه في وجهه نظري والا ويش رايكم؟؟؟اتمنى منكم الاقتراح او التعليق على هالموضوع اللي اشوفه مهم جدا !!

حبيب البي....
والله الملاحظه هذي موجوده وملاحظه جدا في الجمهور الهلالي...
بس يخوي انت وانا والجمهور الهلالي فيه ميزه عن باقي الجماهير اللي ذكرتها وهي...
اننا جمهور راقي ومهذب نتابع المباراه ونصفق للكوره الحلوه ونزعل على المقصر.......
والجماهير اللي قلت يطلعون بعد المباراه ويسألون بعضعم البعض عن النتيجه....
ناهيك عن الألفاظ اللي الله يكرمك ويكرم الجمهور الهلالي عنها...
يخليك ربي حبيب البي

السلام عليكم

بصراحة انا اذا حضرت مبارات,منيب
قاعد اصفق وأغني مثل الجماهير الي ذكرت؛)
انا أحضر المبارات علشان أستمتع بالعب.
والكوره الي تجوز لي أصفق لها.... وأتوقع لاعبي الهلال
تعودوا على ذلك .... هذا رائي الشخصي.
وشكرآ لك على أثارة هذا الموضوع....

ودمتم
وعلى دروب الخير نلتقي.......

ملاحظتك حلوه ورائعه ولكن المشكله ماهي في التشجيع بالأغاني مثل الجماهير الثانيه فوضعنا غيرهم..... ولكن المشكله ف نظري هي الحضور الجماهيري فالجماهير الهلاليه إذا حضرت الملعب بكثافتها المعروفه فلو تحضر عشرين رابطه ماكان تأثيرهم مثل الجماهير ولنا في النهائيات اللي أقيمت في الرياض أكبر مثال.......

تحياتي لك.......






(الى جنة الخلد ياابافهد الى جنة الخلد ياشايب الهلال اللهم ارحمه واسكنه فسيح جناتك)

اذا عرف السبب بطل العجب والسبب هو ان الهلال فريق صاحب مزايا كثيره ومن ظمن هذه المزايا ان جمهوره ما فيه رابطو مشجعين مثل الفرق الاخرى

اخي النمر بقول رأيي ولو زعل مني جمهور الهلال صحيح الهلال اكبر شعبية جماهيرية بالمملكة ولكن هذه الجماهيري تسيح عندما يلاعب الهلال الاتحاد أو الاهلي في الرياض تدري ليه فالرغم من قلت تلك الجماهير بالرياض الا ان اهازيجهم تطفي السواد الأعظم لجمهور الهلال0
وانا ما اسمع الا اغنية وحده يرددها جمهور الهلال على مدى عشر سنوات مضت وهي
اعتقد لسميره توفيق وتقول ((الشب الاسمر جنن يا عيوني .......الله الله 0
فلو كان جمهور ينشد جميع الاهازيج بهذه الطريقة لاصبح جمهور الهلال الاول في المملكة0
بس عذراً جمهور الهلال يأتي للملعب والشماغ احدث موديل والنشا مخليه خبز تميس والعقال يلمع والثوب تشوف صورتك فيه من لمعته ويأتي الجمهور وحاط في اعتباره ان الاعب الفلاني سئ من البيت ولو حفر الملعب فتجد الكل له لاعب وله مدرب0
اما جمهور الاتحاد والاهلي عمري ما سمعتم يصوتون ضد لاعب لبس شعارهم وهذا هو الفرق واتمنى من الجمهور الهلالي قبول النقد 0
والبدء في تحسين الصوره في هذا الموسم ومن يلبس الازرق فهو هلالي مثله مثل نجوم الهلال0
_____________________________________

هلا اخوي النمر الهلالي
بصراحه اتفق مع اخوي د/الفيلسوف
حنا جايين للملعب نبي نشوف كوره ماجينا نغني
وترى جماهير الاتحاد والاهلي نصهم جايين يغنون مادروعن المباراة .

أخوي النمر الهلال

بصراحة كلامك عن الجماهير صحيح

انا لما أكون في مباراة للهلال . واللي اشوفه

أغلب الاوقات مثل ماذكرت .. هدوء تام ..

وما يقوموا الا عند هجمه او فاول .. او هدف ..

بصراحة شي محزن ..

والله لما أشوف جماهير الاتحاد ..

أفضل رابطة جماهير على مستوى الانديه السعوديه ..


والله يعطيك ألف عافيه...........

ابو رشا انت حبيبي البي والله ومشكور على الاهتمام بها النقطه

الفيلوسوف تروح للمباره ليش اجل؟؟ شفها في بيتكم ازين صح والا لا؟؟ شف جماهير الانديه العالميه كيف توثر على فريقها وبعدينوش فايده الواحد يلعب على ارضه؟؟ ;)

تسلم ابو ذكرى

نمران ياحبي للك والله وعساك على القوه ;)

اخوي نداو ردي عليك مثل الفيلسوف اجل.ومشكور على المشاركه

اهلا فتوش وماقصرت يالغالي