عطوني كليات عسكرية .....
 

السلام عليكم



مرحبا فيكم اخواني الزعماء ولاهنتم على دخولكم للموضوع وهو عبار عن استفسار ..

الحين خويكم غي الله في ثالث ثانوي وتعرفون اللي مايفكر في وجهته بعد الثانوية فهو ماعنده سالفه ......

المهم خلونا بالموضوع الله يحيك ... انا من الناس اللي اكره شئ عنده بهالدنيا الدراسة ..


يعني يالله بنخلص الثانوية ان شاء الله وماودي ادخل جامعه او كلية مهما كانت النسبة .

يعني بالعربي الفصيح ابي كلية عكرية تخرجني برتبه ملازم مو جندي مع اخترامي للجنود ..


انا سمعت فيه كليات كثيرة تخرج برتبه ملازم ,,

في الرياض اللي ساكن فيها .. عندك كلية الحربية وكليه الجوية والحرس الوطني
في الشرقيه كلية البحرية
وفي جدة كلية الدفاع الجوي


طبعا خويكم في الله والله مايدري عنها اي شئ ...

الخلاصه .....


المطلوب منكم يالنشامى هو اللي عنده خبره في اي كلية لا يبخل علينا بالمعلومات من حيث النسبة المطلوبة والافضل بعد التخرج منها و الدراسة اللي فيها تعتمد على الانجليزي ومن هالمعلومات ..


من ناحية النسبة ابشروا بعزكم خويكم شاد حيلة وان شاء الله ما ننزل عن 90 % ..


ودمتم سالمين

[align=center]هلا وغلا فيك مرسول الحب

والله يوفقك في دراستك وان شاء الله تخرج بنسبه حلوه تبيض الوجهه

بس نصيحه // لا تغتر بنسبة النصف الاول مهم كانت ((أسأل مجرب احد ضحاياها))

طبع جميع الكليات العسكريه تقبل مبدئيا من نسبة 80% وطالع للتخصصات العلميه

ام العلوم الشرعيه 85 % وطالع طبعا مبدئي فقط

وبشرط ان يكون وزنك 52 فما فوق , وطولك 165 فما فوق وان يتناسب طولك مع وزنك

طبعا والنظر 6/6

الكليات العسكريه /
1) كلية الملك خالد العسكريه ((الحرس الوطني ))

2) كلية الملك عبدالعزيز الحربيه .

3)كلية الملك فيصل الجويه .

4) كلية الملك فهد الامنيه ((طبعا تبغى شهاده جامعيه)).

5) كلية الدفاع الجوي .((في جده))

6) الكليه البحريه بالمنطقه الشرقيه.

تمنيتي لك بالتوفيق [/align]..

يعطيك العافيه اخوي كلاسيكي

وصراحه عطيتني معلومات جديدة ...


بس اعرف ناس قدموا ملفاتهم مثلا للحرس الوطني بنسبه 92 % وما قبلوهم


يعني ابي اعرف وش النسبة اللي تخليك يقبلونك قبول فوري في اي كلية عسكرية ؟

[align=center]للأسـف ..!! :sad:

جـهّــز الـواسـطــة مـن الـحـيــن .. :)

ويـمـكـن تـلـحـق .. ويـمـكـن مـا تـلـحـق .. :D [/align]

blueblood_999


هلا بك اخوي وهذا اللي ابي اوصله من كلامي ...


انا ماعندي واسطه بس اذا اخذت نسبه زينه ترى ما يحتاج واسطه ويقبلونك من فوق الخشم


يعني اللي يجيب نسبه 95% صدقن مايحتاج واسطه ولا هم يحزنون .....


والشئ الثاني هو وش الافضل في الكليات ه>ي في الدراسة وفي المستقبل بعد التخرج واماكن التعيين بعد التخرج ...

[align=center]هلا بكـ أخوي مرسول الهلال :

ما عليكـ أنا فاهمكـ صح .. :D


من اللي لاعب عليكـ ..!! :D

لا يا حبيبي .. الواسطة أول .. بعدين يشوفون النسبة .. ولا تنسى اختبار اللياقة + الكشف الطبي .. :)


للأسف ..!!

أنت فاهم غلط :D ..


من وجهة نظري ..

1. كلية الملكـ فيصل الجوية ..

2. كلية الملكـ فهد البحرية ..

3. كلية الدفاع الجوي ..[/align]

اخوي محد لعب علي ولا هم يحزنون


كلام ضابط في كلية الملك عبدالعزيز يقول كذا


يعني الحين لجنة القبول في اي كلية عسكرية تاخذ طلبات المتقدمين وياخذون الافضلية ..

تقولي منهم الافضلية ؟؟

1- صاحب النسبة المرتفعه يعني 95% وفوق
2- اللي عنده واسطه ولو كانت نسبته 70 %

يعني ياخوي blueblood_999 مو معقوولة يتقدم صاحب نسبة مرتفعه وزينه ومطلوبة واخرتها يرمون ملفه في وجهه ؟؟!!!!!!

[align=center]^
^

أكيد ما راح يرمون الملف بوجهه ..

بس أقول لكـ .. تبي الأضمن .. دوّر واسطة ..

طبعاً أكيد بيقول لكـ الضابط هذا الكلام .. أجل تبيه يقول لكـ ما نقبل إلا بواسطه ..!! :D


ع العموم أنا متندم أشد الندم على تركـ العسكرية .. والتوجه لكلية العلوم الطبية بجامعة الملكـ سعود .. جاني قبول نهائي .. بس بواسطة .. ;) بس الدلاخة هي اللي خلتني أتركها وأروح للجامعة ..


العسكرية بالتأكيد أفضل ..


ولا أوصيكـ أخوي .. أطلب من الله العلي القدير يحقق ما تتمناه .. (هذي هي الواسطة التي لا يوازيها شيء آخر) ..[/align]

هلافيك اخوي ومشكور على مشاركتك معنا

وكل شئ بيد الله سبحانه والله يوفق الجميع