والله في ردود ما ادري وش تبي
الغنام لاعب مميز جدا ومن افضل المحاور على مستوى المملكة ويكفيه انه اصغر كابتن لفريق في الكرة السعودية ...... لاعب يتميز بالقوة الدفاعية ودقة التمريرات والمهارات العالية
اول ما جا الغنام الهلال كان مستواه مرتفع جدا وساهم بشكل فعال في رفع مستوى الهلال
خاصة ان عزيز والغامدي وقتها كان مستواهم في الحضيض وكان هناك انتقادات كبيرة واجهتهم
بعدين اصيب الغنام اصابة قوية في مباراة الفيصلي ورجع في اواخر الموسم وما قدر يرجع لفورمته الطبيعية خاصة ان المباريات كانت حساسة وحاسمة
وفي بداية الموسم هذا بدأ الغنام يستعيد وضعه الطبيعي خاصة في اخر مباراتين وان شاء الله لو استمر راح يلقى يرجع لقائمة المنتخب ترى باقي على كأس العالم درب طويل
اننا نقول ان اللاعب مستواه منخفض حاليا هذي ما فيها شي
اما يجيك واحد ما يعرف الكورة مربع ولا مستطيل ويقول اللاعب ما يعرف يلعب
فاقول له يا زينك ساكت
مشكلة البعض انه ذاكرته لا تستوعب اكثر من اخر مباراتين او ثلاث
لو كان اللاعب غير جيد يقول اللاعب فاشل وينسى تاريخه
ولو كان اللاعب جيد فيهم حتى لو كان مستواه قبلهم في الحضيض يصير اللاعب نجم النجوم عنده
ناهيك عن البعض الي من نوعية عليهم عليهم معاهم معاهم
سووا سيرج لمشاركات الي يقللون من الغنام وياسر
وبتلاقونهم في مواضيع سابقة يطالبون فيهم ويكتبون المواضيع عشانهم
عموما كل منتدى كورة لا يخلو من هذه العينات