|
كاميرا ديجتل........... السلام عليم ورحمته وبركاته ماابي اطول عليكم انا هاليومين محتاج لكاميرا دجتل فرحت للسوق علشان اشتري وحده بس ما ادري وش الطبخه علشان كذا رجعت عاد ابي منكم انواع كاميرات حلوه وممتازه وش المواصفات المفروض تصير فيها والله يجزاكم خير تراني مستعجل لازم هاليومين |
يعني يا شباب ما حد عنده كاميرا ديجتل الله يعين |
معليك الى بكمرا أنتل المحموله تصور صور وفديوا على ماتوقع يه افضل شى موجود في السوق الى الحين |
مشكور اخوي هلال الخبر بااتعبك معي بس وش نوعها او موديلها الله لا يهينك |
اخوي سعود فعلاً كميرا انتل ( يعني اسم ماركتها انتل مو نوعها ) <-------- اضن فهمت قصدي ;) المهم هالكمرا فيها مزايا كثيره وانا سبق ونزلت موضوع كامل عنها ونزلت بعض النماذج لها بس للاسف بحث عن الموضوع ولا لقيته يبدو انه ذهب مع الريح بسبب توسعة بعض الناس للمندى :rolleyes: المهم ابذكر لك بعذ المزايا : تصور 128 صورة عالية الجودة واذا قللت الجوده صورت كميه اكثر :) تصور في ذاكرتها بدون دسك او فلم او اي حاجه :) تصور فيديو في ذاكرتها لمدة دقيقتين كاملتين :) كميره للتخاطب والدردشه مثل ( النت ميتق ) ;) سهوله في مسح الصور الغير مرغوب فيها وتنضيف الذاكره :) ذاكرة عشوائيه مقدارها ثمانيه ميقا بايت يمكن نقلها في الجيب لاي مكان والتصوير بها كاي كميره عاديه :) ياتي معها شنطه لحمايتها:cool: صغيره الحجم وسهله التخزين ;) والمواصفات كثيره بس هذا اللي يحضرني @@@@@@@@@@@@@@ المهم سعرها قبل مايقارب سنه حوالي 450 ريال والان مدري بس اكيد نزل سعرها :) ومكان بيعها ( الصالحيه - الرياض ) |
هلا عاشق اول شئ انا قصدي موديلها فهمت :p بعدين هذي والله هبال تقولي من الصالحيه اكيد رخصت الحين اروح اشوفها عاد الشراء يعتمد تعرف من زمان مانزلوا المكأفات الله لا يحرمنا منك |
السلام لقد سألت هذا السؤال قبلك ولقد تصدى لي ابو وليد كالعاده جزاه الله خير الكاميرا والتى ذكرها ابو وليد فعلا رائعه وانا جربتها ووجدتها فعلا ممتازه وهي نفس ماذكر الأخ عاشق النمر واضيف على ذلك ان لونها ازرق وابيض الإختلاف انني شريتها 550 ريال قبل شهرين ومن ديجي سيستم في حراج الكومبيوتر والله العالم كان لعبوا علي ولا لا الحريف __________________________ |
اقولك بـ(( 450ريال)) وتقول مشتريها (( 550)) ولا لعبو عليك بعد :rolleyes: اقول اسمحلى يالحريف منول كنت اتوقع انك دجاجة صقعى واليوم اكتشفت انك اصقع من ماتصورت :( ههههههههههه امزح لا تزعل ياحبيب قلبي :D :D :D |
السلام اخوي ابو وليد تدري فيني ميزه غريبه وهي اني ارحم الهنود لاشفت الهندي ودي اعطيه كل اللي معي يعني ينلعب علي بمزاجي ماهوب غصب يعني تقدر تقول ديك اصقع ماهوب الله يهديك دجاجة صقعاء الديك آسف الحريف |
هلا شباب انا رحت وشفتها والله هبال تخزين 128 بدقه عاليه ذاكره 8 ميقا بيت 180 ثانيه تصوير فيديو بس السعر غالي شوي 450 ريال والف شكر لكم جميعاً |
| الوقت المعتمد في المنتدى بتوقيت جرينتش +3.
الوقت الان » 02:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd