|
قصـــة محسن الهزاني وهياء مرحبآ بكم يالغالين بروي أذا سمحتو لي قصة محسن الهزاني الشاعر الكبير مع محبوبته هياء والهزاني شاعر سطع اسمه في زمانه والهزازين من قبيلة عنزه قال عبيد العلي ال رشيد فيهم اللي عطا حق الديار الهزازين %%%%% وشمر اليا عدت فعول القبايل @@@@@@@@@@@@@@@@@@@@@@@ لكم القصة __________ كان لرجل من اهل بلده محسن فتاة رائعه في الجمال تسمى هياء, وحرصآ عليها بنى لها والدها قصرآ عاليآ تسكنه وحدها ولا يدخل عليهاالا خادمتها وأمأة تأتي لتمشيطهاكل أسبوع ,وسمع محسن بهذه الفتاة وتحيل للوصول اليها ولكنه لم يستطع وفي أحد جولاته امام قصرها وجد ان القصر له منفذ صغير يدخل منه الما الذي يصب من ساقيه على بئر قريب , وفكر محسن من حيله تمكنه من الدخول خلال هذا المنفذ ولم يجد بدا من النزول الى البئر وصار يتعلق في حبال البئر حتى دخل الى القصر وكان له ما أراد ولم يعلم أحد بما جرى منه وجلس هناك ثلاث ايام, وفي اليوم الرابع كان في غرفة الفتاة فسمع صوت أقدام فأختباء وكان القادم هو ماشطة هياء فصارت تمشطها ومحسن مختبىْء وهي لاتعلم بوجوده فلما انتهت الماشطه من عملها قالت تصف الفتاة : أصفر مع أصفر ليت محسن يشوفه %%%% توه على حد الخضر مابعد لمس فلما سمعها محسن أطل وقال: أربع ليالي ومرقدي ..... %%%% البارحه واليوم وأمس وقبل أمس وهرب محسن لما افتضح أمره وكان رفاقه في مجلس يجتمعين فيه عادة وكانو قد افتقدوا محسن لاربعة ايام فما أحسوا به الا وهو قادم اليهم , فسألوه عن غيابه فلم يجبهم فتحايلو لمعرفة سره بأن أوعزوا الى أحداهم ان يذكر عنده هياء فلما لمح البرق قال احداهم ان هذا البرق يشبه مبسم هياء فاندفع محسن يقول : قالو كذا مبسم هياء قلت لالا ...... بين البروق وبين مبسم هياء فـــــرق ويالله بنـــــوْ مدلهم الخيالا ....... طافح ربابه مثل شرد المها الــــزرق لاجاعلى البكرين بنا الحلالا ...... ولاعاد لا يفصل رعدها عن الــــــبرق يسقي أغروس عقب ماهي همالا ...... وحط(الحريق) ديار الأجوادله طـــــرق يسقي نعام ثم يملا الهيالا ...... ويصبح حمامه ساجع يلـــعب الــــورق جريت انا صوت الهوى بحتمالا ....... بي وسط بستان سقاه أربع فــــــــرق طبيت مع فرع جديد الحبالا ........ وظهرت مع فرع تناوح به الــــــورق روشن هياء له فرجتين شمالا ........ وباب على القبله وباب على الـــشرق وضحكة هياء له بالظلام أشتعالا ......... مابين ضحتها ونور القمر فــــرق بــرق تلالا بامر عز الجلالا ........ وأثره جبين صويحبي وأحسبه بــــــرق ياشبه صفرآ طار عنهاالجلالا ......... طويلة السمحوق تنزح عن الـــــدرق له ربعه أحلا من حليب الجزالا ........ وأحلا من السكر الى جاء من الــشرق حنيت انا حنة هزيل الجمالا ........ ينقض ردي الخيل كد حسه الفـــــــرق ويا قلت بي عاليات الجبالا ........ ماها قراح مار من دونها غـــــــرق معاد للصبيان فيها أحتمالا .......... من كـــــود مرقاها يديهم لها طـــــــــرق قالو تتوب من الهوى قلت لالا ......... الا ان تتوب رماح علوى عن الــــزرق قالو تتوب من الهوى قلت لالا ......... الا ان يتوبون الحنشل عن مذهب السرق قالو تتوب من الهوى قلت لالا .......... الا ان تتوب الشمس عن مطلع الـشرق أرجو ان تنال أعجابكم المصدر / كتاب المتشابه للشاعر / أحمد الفهد العريفي تقبولو تحياتي |
=============== شكل رقبته طاااااااارت؟؟؟!!!. بس الحين يومه في الغرفه البنت تدري انه موجود او بعد متغبي؟؟؟!!!سؤال غبي بس من جد..... , ومشكور على هاالسالفه:) ... . ========================== |
حلوه القصيدة والقصة والله تسلم يمينك |
تسلم ويا ليتك تتحفنا بالمزيد |
الأخ الغالي أبو سليمان: شكراً لك لنقلك هذه القصة وتحياتي لك ياغالي :) أخوك أبو فيصل |
هلوه القصيده بس وش صار عليه |
هلا وغلا بالجميع حبيبي نايف كانك تقصد هياء أكيد ياراجل ثلاث ايام عندها كيف ماتدري اما اذا ماكان قصدك على الماشطه فهي لاتعلم فيه شكرآ لتواصلك يالغالي حبيبي 3boud تسلم وأهم شي انها جازتلك حبيبي راعي المحبة تسلم يالغالي وأبشر بالخير حبيبي طلال هلا والله براعي جده ويسعدني مشارتك وحياك الله يالغالي حبيبي اللاعب الموهوب الله مير يسلمك يالغالي ابد يالغالي ماصار اي شي وللجميع صادق تحياتي |
أخي الغالي / أبو سليمان لما رايت الصور المرافقة لموضوعك هذا ومواضيعك السابقة ، تخيلت ان لسان حالك يقول : قلبي تولع بالحريق ######### حب ورثته من الجدود ولسان حالي يقول : تمنيت الحريق اعيش فيه ###### فأعطى الله قلبي ماتمنى سقى الله الحريق وساكنيه ###### وأمطر كل ساقية ومغنى والبيتين الأخيرين اساسهما ( تمنيت الحجاز ) ولكني استعرتهما لمناسبتها لما يجول في خاطري . لك مني ولجميع الأخوة الكرام كل تحية وتقدير |
اه اه ماارق الحريق بتالي الليل ....... الاخ HILALY DENT بصراحه مايجول في خاطرك يجول في خاطري بس وش دراك عن خاطري انا .... ابوسليمان هيا اجل ماتلاحظ اسمها ماناسب انها تصير جميله مثل ماوصفها محسن .... اما خوينا HILALY DENT فالله يعينه علي فراق الاحباب :) |
حبيبي الغالي HILALY DENT الله يسعدايامك ويجمعك بحبابك وشاكر تواصلك الغالي أستاذنا salman99999 يسعدني مشاركتك يالغالي والله يجمعك بأحبابك يالغالي ماعمر ألأسم زين راعيه بالعكس صاحب ألأسم يزين ألأسم كيف أذا ماكان رجل وله أفعاله الرجوليه تتفاخر به الناس وتسمي أبناءهم بأسمه وألأمراءه الجميله هي من تجمل وتشهر ألأسم واللي أعرفه ان محسن الهزاني مايغزي الا لالي يستاهل تقبلو تحياتي |
هلا والله ابو سليمان هلا والله ابو سليمان هلا ومسهلا والله كلك حلى وطرى ياخالي والله انك وجهة سموح ولايجي منك الا كل علم غانم بس بصراحة جاز لي البيت اللي قبل القصة والله يرضى عليك ويوفقك انشالله قل امين الحبحر الحار الهلالي رحمك الله ابافهد الى جنة الخلد ياشايب الهلال اللهم ارحمه واسكنه فسيح جناتك |
علومك كلها زينه يابو سليمان ومايجي من الزين إلا الزين ;) ,,, قصيدة محسن " خاثره " :) وودك من يشوف هالقمر اللي إنقال فيها هالوصف ,,, تسلم حبيبي والله لايحرمنا منك ,,, تحياتي لك ,,, |
حبحور بعد حيي الله مير يسلمك ويرعاك اللهم آمين رامبو عزوتي من طيبك وناخذ ماتركتو لنامن طيب يالغالي تسلم والله يرعاك |
الاخ العزيز ابوسليمان : عاد انت مضدق كلامي واشوفك متحمس للرد اقول اولا انا منيب مدير احد وان عودت وقلت مدير بتتوقف ولاهوب نافعك لانجيدي ولاغيره اوكيه :) وحقيقه مثل ماقلت راعي الاسم يزين الاسم وانت صدق اما محسن منيب اعرفه حتي اقول لك وش يغزي عشانه تحياتي لك وسلالالالالالالالام |
عزوتي سلمان ابشر بس ماقلت انك مدير:p :p :p وأبشر يالغالي وعمومآ مديري الحبحر الحار :rolleyes: :rolleyes: :rolleyes: أكيد تعرفه |
| الوقت المعتمد في المنتدى بتوقيت جرينتش +3.
الوقت الان » 01:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd