الســــلام عــــلــــيــــكــــم ورحــــمــــة الــــلــــه وبــــركــــاتــــه
- اولا هاردلك على الهزيمه الغير مستحقه من الطائي ونعوض انشاءالله في المباريات القادمه.
- كانت جماهير الهلال والطائي متحمسه مررررررررره مع المباراة وخاصه في اشوط الاول واسالوا ابراهيم حقوي حماس منقطع النظير { تبطون } من جميع الجماهير .
- اتوقع ان اكثر واحد كان متحمس للمباراة كان انا حتى التذكره عطيته المصري اللي يبيع تذاكر من الحماس لانه اول مباراة احضره للهلال واول مره اشوف لاعبين الهلال قي الملعب وكان اول لاعب شفته وكنت دخلت في الدقيقه 25 هو احمد الصويلح
- الى الجماهير اللي حملت المطلق الهزيمه كامله اقول ان الهزيمه يتحمل بعضها الهجوم معقوله ياناس مافيه اي لاعب يسدد من برا الثمانطعش
مافيه غير نواف يسدد يعني كماتشو اذا اخذ كوره رفع يديه يعني قربولي يا خوي شوووووووووت وحتى ياسر اذا مسك الكوره قعد يدور حول نفسه ياناس ارحمونا شووووووووت .
- احمد الصويلح وتفاريس لاول مره ارهم بهالحال فالاول نرفز الجماهير وايضا لاعبي الطائي كان معصب مرره اول مره اشوفك يانجم بهالحال المزريه ;) وايضا تفاريس وخاصه في الشوط الثاني كان ممر سهل للاعب رقم تسعه
ابو شوشه
ولولا الله ثم خالد عزيز كان شفتو اكثر من هدف .
- بالنسبه لطردة الحارس انقطعت الكوره من ياسر وراحت اوت ومر الصويلح من الحارس ومدري وشلون الا والحارس بوقس على وجه الصويلح والصويلح يتمدد على الارض انا على طول عيني راحت لم عزيز اثاريه جاي من عند جبلي طاااااااااااااير وصارت خنقه بين الاعبين ماتدري من اللي يفك واللي يتضارب واللي يسأل اللاعبين وش السالفه والجماهير انواع الصراخ الين طرد الحكم الحارس بخيت وللامانه هي اوت وليسة بلنتي
- الى اللي لاموا اللاعبين على الخساره اقولهم فريق يدافع بكل لاعبيه ماعدا ثنين ما تجيهم الكوره الاكل عشر دقايق وشلون تبون ياسر ولا كماتشو ولا اي لاعب يسجل
- انا من اشد المعجبين بباكيتا لكن تغييراته غريبه جدا جدا جدا هالمدرب
طلع نواف ودخل المبارك فهد وطلع العصفور !! ظهير !! ودخل الغامدي عمر
لكن تظل قناعات مدربين .
- مع احترامي للاعبين :
الغنام ، الخثران ، العصفور ، المبارك لم نر منهم اي شي يدل على انهم في المباراة لكن تظلون نجوم وانشاالله نشوفكم تبدعون في المباريات القادمه
- في نهاية الموضوع احب اتكلم عن نجم المباراة بكل صراحه (( خالد عزيز ))
- في كل مباراة تثبت انك الاجدر بمركز المحور في الهلال وفي السعوديه وفي الخليج وفي العالم العربي وفي اسيا مبدع هاذا النجم قطع اكثر من كره كان مصدر امان لجبلي يهاجم ويدافع
لياقه عاليه ماشاء الله تبارك الله يعني باختصار :
((( عزيز مكانك ليس في الدوري السعودي بل هناك في النوب كامب او الستامفورد بريدج او الديلي البي )))
- رغم الهزيمه الا اني فرحان لاني شفت عزيز على الطبيعه << مسكين :sad:
- باذن الله سوف نرى عزيز في احد الدوريات الاوروبيه قولو امين
يله عاد سلاااااااااااااااااااااااااااااااااااااااااااااااااااااااااااااااااااااااااااااااااااااااام
المباراة & باكيتا & الدفاع & عزيز 
الوضع العادي
