الهلال يخسر 30 بطوله في يوم واحد!!! (آآآآآآآه)
 

السلام عليكم



وشلونكم

الموضوع هذا صراحة حسيت من كلامك بخصوص المباراة ان الهلال خسر تاريخه ماخسر مباراة
فيها ثلاث نقاط

فريقنا الهلالي انهزم امس بـ 1-0 <<<<<<<<< احلللللللف :biggrin2:

وانهزمنا في مباراة عاديه امام فريق اسمه (صائد الكبار) وبالفعل صادونا الطائي


لكن اذا كل مباراة ننهزم فيها نبي نقول غش التحكيم ومدري ايش ومن هالخرابيط

ياناس اعترفوا ان الهلال انهزم بسبب لاعبيه او المدرب


اغلب الاعضاء طالب باكيتا بأن يلعب بـ خطة 4/4/2

وانا كنت من هذولا الاعضاء <<<<<<<<< الاعتراف بالحق فضيله :)

وسواها باكيتا

ويوم انهزمنا من الطائي قالو ليش تلعب بخطة 4/4/2 :laugh:

شكلكم تبونه يلعب بخطة 5/5/5 :laugh:

صحيح ان بعض الجماهير مايعجبها العجب ولا الصيام برجب :laugh:

وقلتوا التحكيم هو سبب خسارتنا

لييييييييييش :confused: :confused:

اذا كل خسارة نبي نخسرها تبي تقولون تحكيم

وغيرنا يبي يقول تحكيم

(عز الله يبي يتطور التحكيم بالسعوديه) :laugh:

انا اعتقد لو نجيب حكام هنود وسيرلنكيين احسن من حكامنا :laugh:

ليش :confused: :confused: :confused:

لانه ببساطه حكامنا في كل مباراةيتم انتقادهم
بالجرايد
والانترنت
والتلفزيون
وغيره :wallbash:

وهو يقرا ويشوف الناس تنتقده
ويمكن يكون الانتقاد بدون سبب
يعني(من الباب للطاقه) :wallbash:

اي فريق سعودي ينهزم في مباراة في الدوري ينتقد التحكيم :wallbash:

حتى في فرق تفوز وتنتقد التحكيم :mad:

الى متى نحط التحكيم في وجه المدفع

كل خسارة هو السبب

انا مااقول ان المطلق ما اخطأ في (بعض) القرارات
لكن ليش نحمله سبب الخسارة
ليش مانعترف ان فريقنا خسر بلاعبينه
ليــــــــــــــــــــــــس بالتحكيم


الحكم السعودي مايلقى من الجمهور السعودي الا:
أنتقادات بعد كل مباراة
وقبل المباراة نقول ليش حطيتوا الحكم هذا مانبيه
ونتهمه دائما بكره فرقنا
وفي من الجمهور اللي يتلفض على الحكم بكلام (مشفر) :biggrin2:

وبعدين نقول:الحكم السعودي فاشل :wallbash:

كم يعطون الحكم السعودي بعد المباراة ؟؟؟؟؟

400 او 450 او حتى 500

وش تبي تسوي هذي؟؟؟؟؟؟؟؟؟

(وما زال مسلسل انتقاد التحكيم مستمرا) :wallbash:

فريقنا خسر بأخطاء لاعبيه :wallbash:

قولوا ان فريقنا انهزم بسبب لاعبيه ليش كل شي تحطونه على الحكم

كنا نشوف كثيرا اللي يقولون : الحكم بشر وما في انسان مايغلط.

انا الان اقول : الحكم انسان يهان في كل مكان وفي كل جريده وفي كل موقع وفي التلفزيون

ابوه واخوه وامه وولده وجده وعمه وعمته يشوفون الناس تشتمه
وش يبي يكون موقفه قدامهم :confused:

والله ثم والله ثم والله اننا نستاهل الهزيمه والسبب حنا والجمهور
انا مااقصد جمهور حائل بالعكس جمهور حائل بيض الوجه
لكن الجمهور بصفه عامه قالوا نبي نفوز على الطائي بسهوله
واللي قال نبي نفوز بـ 5 واللي قال بـ4
ويوم انهزمنا جن جنانهم ليش ننهزم اكيد الحكم السبب
(عجبــــــــــــــــــــــــــــــــــا لكــــــــــــــــــــــــــــــــم)

اذا كل هزيمه نبي ننتقد التحكيم فأتمنى اننا ماناخذ ولا بطوله
لاننا مانستاهل البطولات اذا كان كل خسارة نبي نقول السبب(الحكم)


انا عارف انكم تبون تنتقدون كلامي لكن هذا كلام العقل(حتى لو ان الحكم اخطأ امس)
حتى رئيس الطائي قال ان الحكم ظلمنا :laugh:

المفروض يوقف االاتحاد السعودي اي مدرب ينتقد التحكيم
مثل العجوز ايليا
ولا ماريانو
وغيرهم
ولا رئيس الاهلي
وحتى رئيس الطائي

والله والله والله ان التحكيم لن يتطور في السعوديه
يبي يتطور بالهند وسيرلنكا واندنوسيا وحتى الصومال
وحنا (مكانك سر)
والسبب الجمهور السعودي

اتوقع التحكيم يبي يتطور لكن متى بعد 40 الى 50 سنه :laugh:

ليس استهزاء بالتحكيم
لكن الجمهور هو السبب

على العموم انا ادري ان اكثركم زعل من كلامي
لكن هذه الحقيقه
وانا قلت اللي في قلبي

وآسف على الاطاله

s13s s13s s13s

والله انك صادق مشكله بعض الجماهير يبي الفريق يفوز على طول ياخي ريال مدريد خسر ويوفنتوس خسر وتشلسي خسر


والخساره واردة في عالم الكرة واللي مايتقبل الخسارة ماعنده روح رياضيه

ياخوي اختصر

(خيـــر الكــــلام ماقـــل ودل)






ومشكور s60s

الزعيم سوا اللي عليه قدر الله وماشاء فعل

اخوي:الذيب 9سامي

لو كنت ابي اكتب كل اللي عندي يبيلي 3 ساعات على الاقل
هذا اختصــــــــــار للكلام اللي ابي اقوله

وبعدين اللي يشوفك يقول اني كتبت 30 سطر ترا كل اللي كتبته قليل

ولا تبيني اكتب سطرين :laugh:

ترا هذا نقطه ببحر من اللي بقلبي من كلام :)

على العموم العفو

ومشكورين على المرور

الله يعطيكم العافيه s13s

يعطيك العافيه على الموضوع .....

وهذا حال منتدانا بعد كل هزيمة للاسف الا القليل وانت احد هؤلاء القلائل .....وهذي حال الكورة مافي فريق دايم يفوز ...

اما بالنسبة للتحكيم فليست عادات الهلاليين ان يعلقوا هزائمهم على التحكيم ولو ان الفريق لعب بمستواه المعهود ما يقدر اي حكم يوقفه بس الفريق مالعب .....

وان شاء الله الزعيم يقدم الافضل في المباريات القادمة.....

يعطيك العافيه اخوي الزعيم-احمد الصويلح-


اتمنى ان الجمهور الهلالي كله يعترف ان فريقنا خسر بأخطائه ليس بأخطاء الحكم


شاكر لك مرورك

مافيه فريق بالعالم ماينهزم

شف كم ترتيب برشلونه الحين باليغا

بعض الجماهير معذورة

فقد اصابها الملل من كثرة الانتصارات والبطولات

والشباب يبغون انجاز جديد لم يحققه الهلال وهو الفوز بالدوري بدون خسارة اي نقطة

والله اني فرحت يوم انهزم الهلال كي يقل العبئ المادي الكبير على الادارة من جراء الانتصارات المتتالية

وانتوا تعرفون ادارة الهلال توفي بوعدها ولو كانت ثقيلة

فكروا في المستقبل وترى ماهي الا ثلاث نقاط ومن الطائي الشقيق

سيبك من التحكيم ... الهلال لم يقدم المامول منه في المباراة

صح لسانك اخوي هلالي القرعاء.. s60s

وما بقيتلنا شئ نقوله ما شاء الله عليك قلت كل شئ :D

كـــــــــفــــــــــــــيــــــــــــــــت و وفــــــــــــــــــيــــــــــــت s60s

والله انك صادق مشكله بعض الجماهير يبي الفريق يفوز على طول ياخي ريال مدريد خسر ويوفنتوس خسر وتشلسي خسر


والخساره واردة في عالم الكرة واللي مايتقبل الخسارة ماعنده روح رياضيه

يعطيكم العافيه اخواني


مشكورين على المرور وما قصرتوا


والله ان كلامكم اثلج صدري


<<<<<<<< كان يقول لنفسه : يبون ينتقدونك على كلامك هذا

لكن اثبتتم انكم تفهمون بعقولكم ليس بقلوبكم


ردود رائــــــــــــعه يعطيكم الف الف الف عافيه