مواقف محرجه - الله لا يخزينااااااااااااا !!!!!
 

مرحبا شباب ...

هذي المواقف المحرجه اللي صارت للجماعه كل واحد يقولها على لسانه وارفقها لكم كما وصلتني : :D

@ بسرررررررررررعه ..

موقف ماراح انساه .. كنت داخل المسجد وقت المغرب ومتأخر والامام يقرأ في سورة بعد ما خلص من الفاتحة وكان الميكروفون متعطل .. المهم دخلت متحمس وبالحق على الصلاة معهم الا وعلى دخلتي اسمع الامام يقول ( ضالين ) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحة وهو يقرا سورة ثانية .. وسكت الامام شوي وكأنه وده يضحك .. وانا ما علي قاصر ضحكت معهم .. :D


@ الشغالة ...

اتصلوا علينا المطار .. قالوا ترى شغالتكم وصلت .. وعلى شان نفتك من تفويض استلام رحت بنفسي آخذ الشغالة .. المهم وصلت المطار وخذت الشغالة بطبيعة الحال معها شنطة فيها ملابسها .. استلمت الشغالة وطلعنا للسيارة وفتحت الشنطة على شان تحط شنطتها .. تفاجأت :confused: .. ان الشغالة مدت رجلها بتركب في الشنطة قدام العالم .. وانا ما مسكت نفسي قعدت اضحك .. ولا قدرت اتكلم فقمت أشر لها على شأن تنزل والعالم تضحك .. المهم في الاخير نزلت من الشنطة .. بس بعد ما كل الموجودين جاهم مسيل الدموووووع من الضحك .. :D


@ تحريك جوووو ...

فيه وحده تقوووول في اول ايام زواجي طلب مني زوجي ان افتح له علبة البيبسي .. وبغيت احرك الجو بشي من الفرفشة .. قمت وفتحت العلبة قدام وجهه و ... ياللهول طااااااش البيبسي على وجهه وملابسه والجدار .. وانا مع خوفي جتني حاله هستيريه من الضحك وانا اشوف هالموقف ..:D


@ عرووووبة ...

لي موقف مبكي ومضحك في نفس الوقت .. الزمان عيد الاضحى .. المكان مجمع الراشد في الخبر .. كنت اتسوق انا والوالده .. وكان المكان مزحوم بشكل مش طبيعي .. عاد انا كاشخه وماشيه يارض انهدي محدش قدي .. المهم كنا في الطابق الثالث .. امي اقترحت ان ننزل بالمصعد لكني صممت على النزووول بالسلم الكهربائي وما ان حطيت رجلي على بداية السلم الا ياعروووبة عينك ماتشوف الا النور .. اتقلبت من اوله الى آخره .. طبعاً العبايه في جهه والغطا بجهه والشنطة عطاني اياها واحد جزاه الله خير مادري وين لقاها .. امي سوت نفسها ما تعرفني واتبرت مني .. المهم وسط ذهوووول المتفرجين جاتني نوبه ضحك هستيريه .. الظاهر من الفشله .. بدل من البكاء .. من جد الله لايحط اي احد في هذا الموقف .. :D


@ خراااااااط ...

يوم زواجي ... ( يازينه من ذكرى ) كان معي كرسيدا جي ال اكس 86 .. قال الخال ( اخو الوالده ) ابعطيك سيارة مرسيدس من حقات المعرض تكشخ به كم يوم .. قلت زين , المهم اتفقنا انه يوقف الشبح عند بيت اهل المرأ .. يوم جينا نركب .. دورت اللي يفتح الحبات .. مالقيته .. قمت وفتحته بيدي , يوم ركبنا .. شغلت السيارة ( اشوي الحمدالله ) .. بس قعدت ادور ازرار الانوار .. ومره تشتغل المساحات .. ومره حبات البيبان .. ومره؟؟؟ .... وبعد مشقه لقيته , المهم جينا لنمشى .. كان قدام السيارة صندوق زباله بلاستيك كبير .. يعني مالها الا وراء ... يالله عاد وين الريوس ؟؟؟ ومحاوله .. وثانيه وعاشرة ... ومافيه فايده ... حتى توكلت على الله وصدمت صندوق الزباله :eek: ومشيت قدام .. ويسرها ربك .. المهم ان المرأ درت ان السيارة مهب لي .. بدليل عدم معرفتي كيف تعمل , كنت محرج بلحيل خاصة اني استحي بقوة .. بس ربك هونها علي يوم دريت عقب ثلاثة ايام ان فستان العرس .. كانت متسلفته من بنت خالتها .. وقالت خل نرجعه , قلت الحمدالله مافي حدا احسن من حدا ..:D


@ منسجمه ...

تذكرت موقف صار لي قبل سنه وما راح انساه مررررره ... رحت للمكتبة ونزلت من السيارة وشريت مجلة , المهم من حماسي على قرايتها صرت اقراها وانا طالعه من المكتبة وانا منسجمه مع المجله ركبت السيارة وقعدت اقرأ ... الا بالسواق حقي يطق قزازه السيارة , وناظرت القزازه الثانيه الا صاحب السيارة مبتسم وطبعاً استحيت من هالموقف مررررره .. ماكان لي داعي ابداً .. :D


@ عبد الصمد القرشي ...

صار لي موقف في العطله الصيفيه الماضيه ما اظن انساه ابداً ... كنت رايحه الى الراشد ومعي بنت خالتي واخوي وكنا بالدور الثاني على ما اظن المهم كان قبالي محل عبد الصمد القرشي ومابين احنا واقفين مادري وش كنا ننتظر سرحت شوي وكنت اناظر لوحة المحل واقراها .. طبعاً الكل يتابع قناة الجزيرة وبرنامج الاتجاه المعاكس في ذاك الوقت برعاية نفس الشركة واللي يتذكر الدعاية راح يضحك علي , المهم قريت بصوت مرتفع بعض الشيء اللوحة وكان مكتوب فيها عبد الصمد القرشي للعود والعنبر والعطور وكملت على موجب الدعاية اللي كنت اسمعها في الجزيرة .. نبع له جذور , وما ان نزلت عيوني عن اللوحة الا والاقي المحاسب اللي في المحل ميت من الضحك على خبالي ويحاول يكتم الضحكه لدرجة تغير لون وجهه ... طبعاً انا كنت في قمة الاحراج ودي الارض تنشق وتبلعني .. واخوي استغرب الضحك وسألني وش مسويه , انحشت بالاول من المكان لانه اخونا المحاسب ما سكت ابد .. وخبرت اخوي بالقصة وخلاني مهزله للصغير والكبير ما خلا احد في البيت ما قاله وضحك علي ... :D


@ العريس ...

اذكر موقف حصل لاحد صديقاتي محرج مررررره ... وهاكم الموقف , صديقتي انخطبت وطبعاً جاء العريس وابوه لاهل البنت عشان يتفقون على لوازم الفرح ... المهم اللي حصل ان صديقتي واخواتها يبغون يشوفون العريس وكان في غرفة مجاورة لغرفة المجلس يفصل بينهم باب سحاب ... صديقتي هذي واخواتها متجمعين عند الباب ومطفين النور وكل وحده تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الضغط .. مادرت صديقتي الا وهي مدفوعه من الباب !!! الا وهي على رجول العريس ...( طبعاً موقف لا تحسد عليه ) الا والكل يضحك حتى ابوها والعريس يضحك ... ويقول ابوها : والله جتك هديه في زبديه وكان لسه ما شافها ... :D


تقبلوا تحياتي ...
I'm BoW WoW ...:cool:

ٍBoW WoW

ياحليلك بديت تنكت انت ووجهك!:D

بصراحه انا ماعرف الا مواقف السيارات اما المواقف المضحكه ماعرفها

ليه فيه فرق بينها وبين مواقف السيارات؟



طيب اسمع الموقف على الله يقراه اللي في بالي ويفهم00000

واحد واعدني على الفطور وجحدني!!!

اصبر شوي وتشوفه يجي يرد هو ووجهه

لوة هالطرائف أخوي BoW WoW ،،

بالنسبة لي شخصياً حصلت مواقف محرجة ومواقف مضحكة كثيرة .

أيام ماكان نشتغل في موقع شبكة الزعيم قبل افتتاحه رسمياً في رمضان اللي راح بيومين تقريباً كنت طول الوقت على الكمبيوتر ، مرة ماكان فيه احد في البيت تقريبا الساعة 11 في الليل والجوع ذبحني :) قلت في نفسي اطلع الطازج اخذ لي وجبة وارجع للبيت .. توكلت على الله وطلعت وانا من عادتي احتفظ بكيس صغير في السيارة ( ذبحتني النظافة :) ) ... المهم وانا راجع وقبل لا أوصل البيت وقفت عند صندوق قمامة كبير واسحب الكيس اللي جمبي وانطله ( قايل لكم ذبحتني النظافة :) ) الحاصل وقفت السيارة عند الباب ونزلت وشلت الكيس معي وانا داخل البيت واناظر ولا الكيس اللي معي فيه كيس النظافة حق السيارة يعني الكيس اللي رميته كان عشاي :( .

=============
امااااااااا حقت الشغااااااااله شيء خيالي :D :D :D :D تبي تررررررركب ويييييييييييين ياعمي... .
الله يوسع صدرك بالعافيه... .
===============================

الله يرجك

مواقف محرجه خصوصا موقف العروس اللي تبي تشوف خطيبها.

أما الإعصار الله أعلم إنك موسوس بالزعيم ......الله لايشفيك من حب الزعيم النادي والموقع.:D :D :D :D

:D :D :D :D :D :D :D :D

والله كل الموااااااقف حلوووووووووووه

وكله كووووووم واللي طاحت في السلم المتحرك كووووم

هههههههههههه الاعصاااار :D

الله يرجك يا ٍBoW WoW

اما الشغاله هذي منسمه :D :D

والا اللي طاحت من السلم الكهربائي :D :D :D

ام انت بالاعصار ما تنلام مضحي بكل شئ من اجل الزعيم.

والله من زود النظافه :p :p

المواقف المحرجه ما انساه ذيك المره طلعنا للاستراحه

واخوك يبي يستعرض في السباحه تعرفون احسن سباح (( ايه صدقناك ))

واجيكم مسوي نفسي راقي فوق السور اللي عند المسبح وبسوي

نفسي اتشقلب وما دريت الا الطيحه على الظهر (( ابد ما تفشل ))

وعيال عمي يضحكون علي انا تفشلت وطلعت على طووووووووول :D

هههه
الله يرجك يا باو واو

عاد الاعصار كملها
لا ومن الطازج....يعني ماهيب شاورما
لو انا كان تحسفت على العشاء اسبوع
هههههههه

@ هلا عيوني فتى الذهب ;) ...
قمت تتواعد من وراي ... يعني خيانه في خيانه ... تستاهل هالجحود وجعل اللي اجحدك يعطيه الف عافيه ..!!!!!!!
وعلى فكره سيارتي وسخه ابقاك تغسلها :confused: بس انت قولي انت تداوم في اي موقف !!:D

@ هلا باخوي الاعصار ..:D :D
اجل رااااااااح العشاء ... :p ... قعدت اتخيل الموقف , صرت اضحك ثلاث ساعات ... وماعليه فضحت فيك اشوي .. اي واحد اشوفه اقوله هالموقف .. ( ومن حب الزعيم .. طار العشاء :D ) على وزن ( ومن الحب ماقتل )

@ هلا وغلا يا صدى الامس ...
حمدالله على السلامه .. عسى ماتعورت وصار لك شي :D ... شكلك متأثر بابطال الاولمبياد في السباحه .. الظاهر انك ما لبست المايوووووه:D :eek: :confused: ( هذا هو السبب:rolleyes: )

@ نايف , السلطاني , 3boud , مجنون يوسف .. يعطيكم العافيه على مشاركتكم ;)


تقبلوا تحياتي ...
I'M BoW WoW ...:cool:

مره من المرات كنت انا ووخويي وانا مسوي نفسي فاااهم وباريسي المهم رحناا لمطعم فخم وحركتات في جدة المهم انا طلبت وجبة ( كيمو كباب ) المهم هم في الطاعم يجيبولنك اول شيئ الشوربه وبعدين يجبلونك طلبك المهم يوم جاب الشوربة وانا اقول للاخوي وين الكباب وخويي مااااااات من الضحك قالي يا قروي مهوب الحين شوي يجيبونه وهمن قعدت القط وجهي :D :D :D

هههههههه
و الله مواقف حلوه

لا ياحبيبي تبيني اغسل سيارتك!

تبغى الاحوال تتبدل ؟بعد مانت تغسل سيارتي اجي انا اغسل حقتك

لالا سلامتك ياجبيبي:D

انا ممكن لي مواقف محرجه لكن انا مااحب افضح نفسي خاصه ان الاعصار واشكاله فتي الذهب وعاشق وغيرهم بيقعدون يتشمتون الين يوم الدفنه لذلك انا اترك الاعصار اذا كان يذكر لي شي محرج يقوله اما انا منيب قايل شي ..ز
اما الشغاله فانا مصدق مليون في الميه ماعمرهم شافوا سيارات في حياتهميجون من ارياف تصدقون عندنا شغاله اول ماجت ولها فتره مهيب طويله تقول لنا عبدالرحمن وحيد عنده مشكله في اندونيسيا تبينا نحلها تحسب انها جايه عن كلينتون الابن ....


سلالالالالالالالالالام

هههههههههههههههههه مواقف تفشل هههههههه :D :D وفرحان تقولها انت ووجهك :mad:

اطرف موقف شفته ما صارلي انا :rolleyes:

مر شخص على صديقه في البيت وجلسوا يسولفون عند الباب والوقت كان ليل ومظلم الشارع المهم وهم يسولفون اذن العشاء قال راعي البيت لخويه يالله يالله على طريقك نزلني عند المسجد وركب بسرعه :p :D ماشاف زوجته وهي راكبه هههههههههههههه وجلس بسرعه فوقها ههههههههههههههه
المهم خوينا هذا من الوزن الثقيل مره :eek: :eek: ومسكينه الزوجه انواع الاصوات طلعت منها من غير شعور :D ههههههه فنزل بسرعه وهو طايح وجههههههه :D :D :p :o



وموقف ثاني صار لواحد من اعضاء المنتدى هههههههههههههههههه
كنا ماشين على شارع الضباب هههههههههههه وهو ( قروي بقراطيسه) المهم قلت ابسوي فيها كريم واعزمه على كاس عصير في مطعم ماما نوره ههههههه المهم قلتله وشرايك بكاس عصير يحبه قلبك من ماما نوره قال منهي هذي وينهي هههههههههههههههههههههههه يحسبها عجوز باسطه بعصير ههههههههههههه اسمها ماما نوره :D :D عاد انا انواع الظحك عليه وزعل ومن يومها ماكلمني هههههههههههههههههههههههههههههههه بس والله انا اسف مره كانه يسمعني الحين :( بس الموقف مااقدر اتحمله ما اظحك هههههههههههههههههههههههههههههه











ههههههههههههه اجل عازمه على الفطور :eek: :eek:

@ هلا اخوي سلمان 99999
ما عليك سوالفك كلها عندي :D ... انت ماسمعت عن مواقف محرجه من تحت الطاولات ... ايييه اجل اشلوووووون ... تراك رحت في شربة مايه ( يعني يبقيلك حلقه خاصه ) :D


@ اخيرررررراً جيت اخو قلبي عاشق النمر ( لاتصدق مالت عليك :D ) ... من طول الغيبه جاب الغنايم ...
أما عصير ماما نوره هاهاهاهاهاهاهاهاهاهاها:D ... الله يرجك انشاءالله ؟؟؟

حلوه منك على قد سنك ؟؟؟؟؟

ومره ثانيه لا تتأخر انت فاهم ولا لا ... لا تخلي فتى الذهب يطلع احسن منك ... شوفه ماشاء الله عليه طالع الاول :eek:

تقبل تحياتي ..
I'm BoW WoW ...:cool: