السلام عليكم ورحمة الله وبركاته
..
..
..
..
منذو مبطي من الزمن ماكتبت موضوع ... لأن ماكان فيه مناسبة بصراحة <==== قصده زواج والا عزايم
فكما هو معروف لدى الجميع اني انسان مستخنتني هالايام وتعيبان حيل
دخل الشتاء وانا لابس ملابس خفيفة وصكني برد
عالعموم موب هذا موضوعنا ..
بصراحة قمت من النوم الفجر بحكم إني مريض مثل ماقلت لكم <==== تراك اشغلتهم تقل أول مرة تمرض
وتفاجأت بخبر بصراحة اعتبره كان ضمن توقعاتي ... وهو هزيمة الهلال او الأقل التعادل ..
طبعا قبل نفطر على باكيتا وباقي اللاعبين بقول شي بصراحة ...
وهو إني ماشفت المباراة لذلك مايحق لي أقول ولا كلمة ولا نفس
لا جينا للحق الهلال معذور ... بصراحة اللاعبين ماتعودوا على البرد القارس اللي بحائل
قسم بالله اذا بريدة الحين قلبت موسكو ... مابالكم بحائل ...
وبعدين لاننسى إن الطائي فريق اذا لعب في أرضه صعب جدا تكسبه ...
وقبل لا نسن السكاكين ... لازم تعذرون اللاعبين الهزيمة الاولى في الدوري ومو في أرض الهلال ..
والهلال محتاج وقفتكم موب لا منه فاز طلعتوا لنا تصارخون وحنا الهلال وحنا الهلال
واذا انهزم بدينا نشتغل بالبطالي والهرج اللي ماله سنع
الهلال حنا معه عند الفوز والخسارة ... اذا فاز انبسطنا وقلنا لهم يواصلون الانتصارات ..
واذا خسر نقول لهم هارد لك والمباراة الجاية تعوضنا يازعيم ;) <=== شرايكم بالغمزة
وأنا من الموضوع هذا أبارك للطائي صائد الكبار هالانتصار اللي اتوقع إلى الآن يعيشون حلاوته لبعد سنة ..
والزعيم هارد لك يابعد حياة قلبي أنت ..
قسم بالله من دون الزعيم أبيع خضرة
ياحبني له والله وهو كسبان وهو خسران ...
تكفون ياهلاليين أوقفوا خلف الزعيم .... نبي الدوووووري ... وخلونا من التقطيع بالمدرب واللاعبين ..
والصبر مفتاح 14 على قولة مناحي
...
والهلال عال العال ... بكل الاحوال <==== أروح وطي على السجع
بكل فخر .. انا انتمي للزعيم ... أصلب من الصخر .. هذا الكيان العظيم ..
في الختام لايسعني الا ان أشكر أمي لاني صحتني للسحور وعطتني علاجات ..
تحياتي كان معكم أبوساري - النمسا