#1  
قديم 21/10/2005, 01:55 AM
زعيــم متواصــل
تاريخ التسجيل: 08/02/2004
المكان: الخبر
مشاركات: 101
Talking << مرجان >> يا << مرجان >> .... هيا إلى العمل

[align=center]العم << مرجان >>

واحد من الرجاجيل اللي خدموا الهلال

يشتغل حارس لغرفة ملابس اللاعبين وجالس على الكرسي عند بوابة الملعب الرئيسيه
كل ليله تقدر تشوفه وقت التدريب واللي فيه خير << يهوب ناحية >> البوابه
ولايحاول يكلم اللاعبين أو رئيس النادي وقت التمرين

العم مرجان رغم مشاكلي معه ومشاكساتي له
إلا أنه شخصيه محبوبه وراعي طرب ووناسه وعلى قولة القايل << اللي مايعرف الصقر يشويه >>
الله يوفقه على التكليف الجديد والمهمه اللي وكلها له ابو سلطان وهي
<< الرد على ذاك التفخ راعي المؤتمرات وصاحب الظهور الإعلامي >> :p

بصراحه على كثر ماني مبسوط ومستانس ومتشقق من الفرحه اني بفتك من شوفة العم مرجان عند الباب كل يوم
إلا أني من جد راح أفتقده هالأسمراني

والله أني كل ماأتخيل مرجان وهو يرد على تصاريح البلوي أتذكر سيخ الشاورما وهو يقطعها لحمه لحمه ;)
مادري أحس أن الرجال بيدمر البلوي من أول تصريح ويوريه شغله السنع

عموماً أنتبه لنفسك يابلوي وحاول أنك تختفي لك كم يوم إلين ربك يفرجها وجاك الموت ياتارك الصلاه

ولاعاد أشوف أحد يكتب في المنتديات عن البلوي وتصاريحه ومؤتمراته
إذا كل واحد من جماهير الزعيم علق على كلام التفخ وكتب موضوع عنه وش دعوه ندفع رواتب لمرجان ليش ؟؟




@@ قميص سامي وصلعة رونالدو @@



تعرفون رونالدو ابو صلعه جنان :p
قبل أسبوع فاتتني مبارة ريال مدريد رجعت البيت وسألت الولد من فاز
قال ريال مدريد ثلاثه صفر
قلت يابابا من جاب الأهداف
قال ذاك اللاعب ابو صلعه يقصد رونالدو

سألته وش تعرف عن ذا اللاعب ابو صلعه وش رأيك فيه ؟
قال عنده صلعه
قلت طيب وش تعرف عن إنجازاته وبطولاته ؟
قال ماعرف إلا صلعته

تخيلوا فيه ناس ماتعرف من رونالدو إلا صلعته
ولا يدرون أنه لعب في برشلونه وأنتر ميلان وريال مدريد
وحقق أفضل لاعب في العالم مرتين وكان سبب رئيسي في تحقيق البرازيل لكأس العالم الأخيره

مايهمهم غير صلعته

مانختلف تعالوا شوفوا وجه الشبه بين صلعة رونالدو وقميص سامي

طالعنا قبل يومين الخراط عدنان ولد جستينه بمقاله << خربوطيه >> كالعاده يحاول يدس السم في العسل

يقول نجس النيه مدير المركاز في فرقة << هيا بنا نتوحم >>
يقول أن سامي قدوة للاعبين والجماهير وهو قائد المنتخب السعودي ونادي الزعيم
دارين يالهيس ماجبت شي جديد
المهم هالخراط قال كلمة حق أريد بها باطل
ويستنكر على سامي أنه يلبس قميص مكتوب عليه << لاس فيقاس >>
لأنها على حسب كلامه ولايه يهوديه في أمريكا



مانختلف ياولد جستينه << جزاك الله خير >> على النصيحه اللي عارفين وش وراها من إسائه ;)
لكن تعال ناخذك على قد عقلك وقبل كل شي
انت وشلون شفت الكلمه أهب عليك
أنا لو أقعد عشر ساعات أتفرج على الصوره ما أنتبهت لها يابو عيون جريئه
وبعدين أنت وعيونك ماعجبك في الصوره غير الكلمه اللي على القميص
وتارك الموضوع اللي عشانه تم إلتقاط الصوره
يعني يالدب مايهمك مشاركة القائد سامي في مهرجان للأطفال المعوقين ولا زيارته للمرضى وتطالب الناس والجماهير انهم مايقتدون بسامي ولايسوون زيه
بس عشانه لابس قميص مكتوب عليه << لاس فيقاس >>

أجل تبيهم يقتدون بمين ياولد جستينه ؟؟

تبيهم يقتدون بلاعبين الإتحاد كما ذكرت في مقاله سابقه لك؟؟
تبيهم يصيرون مثلهم ويطلعون لمدرجات الجماهير ويضربونهم
ولا تبيهم يقتدون بمحمد نور صاحب << أجمل قصة قزع >> في الملاعب السعوديه
ولا يقتدون بالمحترف سيرجيو حبيب القلب بعد هدفه في الأهلي والقميص المكتوب عليه :
<< احبك ياندى >>

كان زين لو شفنا احد لاعبي الإتحاد يشارك سامي ورفاقه حضور تلك المناسبات
ومشاركة المرضى والمعاقين فرحتهم بالشهر الكريم بدل من الإسائه للآخرين ياعدنان

ولكن يمكن بطولة آسيا والعين أهم ;)

والخراط عدنان ولد جستينه زعلان من سامي ليش يشارك في هذه المناسبات
في ظل عدم مشاركة لاعبي فريقه
وحاسده حتى على الأجر في هالشهر الكريم

الله لايجعلنا من المحرومين يالاعبي الإتحاد وكذلك أنت يانجس النيه ;)

المضحك المبكي هو تهافت أطفال المنتديات الصفراء الإتحاديه والنصراويه
والمتسولين أقصد المراسلين في نشرة البياره على الموضوع وتركيزهم عليه
حتى صار شغلهم الشاغل وقضية الشرق الأوسط هو << قميص سامي >>
بصراحه ماينلامون هذا قميص ابو عبدالله مالي الدنيا وشاغل الناس
اليوم يتحدثون عن القميص وقبله تحدثوا عن سيارته وعن ملابسه وعن سفرياته
ومابقى صغيره ولاكبيره ماتطرقوا لها
مايهم هذا ابو عبدالله سامي
الظاهره السعوديه كما هو الحال لخوينا رونالدو ابو صلعه جنان الظاهره العالميه

عرفتوا الحين وش وجه الشبه بين صلعة رونالدو وقميص سامي ولايهون << قزع نور >>
اللي ماتشوفه عيون الحكام ولايهون ابو عيون جريئه صاحبنا عدنان
على طاري الحكام يقولون لجنة الجعيد مشغوله بما هو أكبر من << قزع نور >> وخواتم الطارقي
مشغوله بالرد على تصاريح ابو داود والياقوت والبلطان وتجهز رد قاسي لمن يسيء لحكامنا السعوديين
أقول يامثيب الجعيد الله لايشغلنا إلا في طاعته ;)
أنتبه لحكامك والعمل الحقيقي للحكام وتابع قزع اللاعبين وسوارات الأيادي والخواتم
ترى العود من أول ركزه وأنت ولجنتك هذي ثالث ركزه لكم ولا بعد شفنا منكم شي




مرجانيات

@@ يقول الكابتن المحنط في أحدى الصحف << ارجوكم لاتقارنوني بسامي >> رحم الله امريء عرف قدر نفسه ياكابتن

@@ فرق كبير بين قائمه تضم لاعبين من الهند وماليزيا والكيان الصهيوني وبين قائمة تضم أفضل ثمانين لاعب في العالم

@@ الناس مقامات وصدق سامي عالي مستواه

@@ على فكره شاي ليبتون علامة الذوق الرفيع ..... وكذلك سامي ;)

@@ رفقاً بهم يا << قميص سامي >> فقد أتعبتهم وأسهرتهم وطلعت الشيب في راسهم :sad:

@@ في يوم وليله أصبحت لاس فيقاس هي حديث المجتمع وصاروا يتكلموا عن موقعها الجغرافي وحالة الطقس فيها والمطاعم والأسواق الموجوده هناك وكذلك عدد السكان وديانتهم والسبب في ذلك سامي

@@ فعلاً ألم أقل لكم انه ماليء الدنيا وشاغل الناس

@@ على فكره اقترح على سامي في المره القادمه يلبس قميص مكتوب فيه كلمة << العين >> ;)
يمكن يهتموا فيها مراسلين البياره قبل مايغرقوا فيها والسبب << قميص سامي >>

@@ مرجان يا مرجان هيا إلى العمل [/align]
اضافة رد مع اقتباس
  #2  
قديم 21/10/2005, 02:06 AM
زعيــم مميــز
تاريخ التسجيل: 07/09/2005
المكان: ::معقل الابداع الكاتلوني.::
مشاركات: 2,443
يعطيك ربي الف عافيه



ونجس النيه يبي له مرجان ثاني
اضافة رد مع اقتباس
  #3  
قديم 21/10/2005, 02:13 AM
زعيــم مميــز
تاريخ التسجيل: 07/04/2005
المكان: في رياض المحبه
مشاركات: 3,256
هههههههههههه الله يعطيك العافيه
اضافة رد مع اقتباس
  #4  
قديم 21/10/2005, 02:14 AM
موقوف
تاريخ التسجيل: 25/05/2004
المكان: في بيت زيدان
مشاركات: 224
يعطيك ربي الف عافيه
اضافة رد مع اقتباس
  #5  
قديم 21/10/2005, 02:15 AM
زعيــم متألــق
تاريخ التسجيل: 23/05/2005
المكان: الرياض
مشاركات: 1,064
مبدع يعطيك الف عافية
اضافة رد مع اقتباس
  #6  
قديم 21/10/2005, 02:16 AM
زعيــم نشيــط
تاريخ التسجيل: 08/02/2004
المكان: L'Arabie Saoudite
مشاركات: 971
[align=center]الله يعطيك العافيه يا غالي
سامي يا سامي يا مشغل الناس يا سامي [/align]
اضافة رد مع اقتباس
  #7  
قديم 21/10/2005, 02:18 AM
زعيــم مميــز
تاريخ التسجيل: 27/04/2005
المكان: الرياض
مشاركات: 1,929
[align=center]

شكرًا لك ..

وفعلاً الهلال مالئ الدنيا وشاغل الناس !![/align]
اضافة رد مع اقتباس
  #8  
قديم 21/10/2005, 02:25 AM
زعيــم جديــد
تاريخ التسجيل: 12/10/2005
مشاركات: 24
مرجان قدها وقدود


بس حلوووووه (( التفخ ))



والله يعطيك العافية
اضافة رد مع اقتباس
  #9  
قديم 21/10/2005, 02:26 AM
موقوف
تاريخ التسجيل: 12/08/2005
المكان: روح الهلال
مشاركات: 11,780
اضافة رد مع اقتباس
  #10  
قديم 21/10/2005, 02:28 AM
موقوف
تاريخ التسجيل: 15/07/2002
المكان: الرياض
مشاركات: 201


لاتعليق

بس يعطيك العافية
اضافة رد مع اقتباس
  #11  
قديم 21/10/2005, 02:32 AM
الصورة الرمزية الخاصة بـ سـ الزعيم ـام6
زعيــم نشيــط
تاريخ التسجيل: 20/08/2005
المكان: بكتيبة الزعماء
مشاركات: 871
[align=center]والله كبير ياسامي انت واحد وهم مليون ولا قدرو يغلبونك عيني عليك بارده[/align]

[align=center]والله يعطيك العافيه على الموضوع الرائع ممكن سؤال ؟

متى بيجي دور مسلسل جزمت سامي ؟ اكرمكم الله [/align]
اضافة رد مع اقتباس
  #12  
قديم 21/10/2005, 02:32 AM
زعيــم مميــز
تاريخ التسجيل: 28/09/2005
المكان: الــخــبـر ,,
مشاركات: 1,509
حياك اخوي غالي

وعلى طاري الغلا اخبار الروم والشباب؟؟

يبيلكم زيارة تراني قاطعكم من زماااااااااااااان

العذر و السموحة يااغلى غالي
اضافة رد مع اقتباس
  #13  
قديم 21/10/2005, 02:34 AM
زعيــم فعــال
تاريخ التسجيل: 05/10/2005
مشاركات: 283
ياعيني عليك

والله انك تبرد التسبد

الله يسلم هالاصابع اللي تعبت على كتابة الكلام الجميل هذا


شكرا حبيب قلبي
اضافة رد مع اقتباس
  #14  
قديم 21/10/2005, 02:35 AM
الصورة الرمزية الخاصة بـ مُـوجے
زعيــم مميــز
تاريخ التسجيل: 24/08/2005
مشاركات: 2,006
يعطيك العافية
اضافة رد مع اقتباس
  #15  
قديم 21/10/2005, 02:36 AM
زعيــم فعــال
تاريخ التسجيل: 09/03/2002
المكان: home alone
مشاركات: 226
هههههههههههههههههههههههههههههههههههههههههههههههههههه
ههههههههههههههههههههههههههههههههههههه
قطعت بطني من الضحك ياشيخ
أشوى اني منيب جنسيه مدري وشو
مسحت بكرامته االارض شوي شوي عليه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:20 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube