نادي الهلال السعودي - شبكة الزعيم - الموقع الرسمي - << مرجان >> يا << مرجان >> .... هيا إلى العمل

[align=center]العم << مرجان >> :whip:

واحد من الرجاجيل اللي خدموا الهلال

يشتغل حارس لغرفة ملابس اللاعبين وجالس على الكرسي عند بوابة الملعب الرئيسيه
كل ليله تقدر تشوفه وقت التدريب واللي فيه خير << يهوب ناحية >> البوابه
ولايحاول يكلم اللاعبين أو رئيس النادي وقت التمرين :ranting:

العم مرجان رغم مشاكلي معه ومشاكساتي له :D
إلا أنه شخصيه محبوبه وراعي طرب ووناسه وعلى قولة القايل << اللي مايعرف الصقر يشويه >> s60s
الله يوفقه على التكليف الجديد والمهمه اللي وكلها له ابو سلطان وهي
<< الرد على ذاك التفخ راعي المؤتمرات وصاحب الظهور الإعلامي >> :p

بصراحه على كثر ماني مبسوط ومستانس ومتشقق من الفرحه اني بفتك من شوفة العم مرجان عند الباب كل يوم
إلا أني من جد راح أفتقده هالأسمراني :razz:

والله أني كل ماأتخيل مرجان وهو يرد على تصاريح البلوي أتذكر سيخ الشاورما وهو يقطعها لحمه لحمه ;)
مادري أحس أن الرجال بيدمر البلوي من أول تصريح ويوريه شغله السنع :laugh:

عموماً أنتبه لنفسك يابلوي وحاول أنك تختفي لك كم يوم إلين ربك يفرجها وجاك الموت ياتارك الصلاه :rolleyes:

ولاعاد أشوف أحد يكتب في المنتديات عن البلوي وتصاريحه ومؤتمراته s42s
إذا كل واحد من جماهير الزعيم علق على كلام التفخ وكتب موضوع عنه وش دعوه ندفع رواتب لمرجان ليش ؟؟ :wallbash:

@@ قميص سامي وصلعة رونالدو @@

http://www.sport4ever.com/news-galle...onaldo288p.jpg

تعرفون رونالدو ابو صلعه جنان :p
قبل أسبوع فاتتني مبارة ريال مدريد رجعت البيت وسألت الولد من فاز
قال ريال مدريد ثلاثه صفر
قلت يابابا من جاب الأهداف
قال ذاك اللاعب ابو صلعه :D يقصد رونالدو

سألته وش تعرف عن ذا اللاعب ابو صلعه وش رأيك فيه ؟
قال عنده صلعه :rolleyes:
قلت طيب وش تعرف عن إنجازاته وبطولاته ؟
قال ماعرف إلا صلعته :confused:

تخيلوا فيه ناس ماتعرف من رونالدو إلا صلعته :D
ولا يدرون أنه لعب في برشلونه وأنتر ميلان وريال مدريد
وحقق أفضل لاعب في العالم مرتين وكان سبب رئيسي في تحقيق البرازيل لكأس العالم الأخيره

مايهمهم غير صلعته :laugh:

مانختلف تعالوا شوفوا وجه الشبه بين صلعة رونالدو وقميص سامي

طالعنا قبل يومين الخراط عدنان ولد جستينه بمقاله << خربوطيه >> كالعاده يحاول يدس السم في العسل :rolleyes:

يقول نجس النيه مدير المركاز في فرقة << هيا بنا نتوحم >> :rolleyes:
يقول أن سامي قدوة للاعبين والجماهير وهو قائد المنتخب السعودي ونادي الزعيم
دارين يالهيس ماجبت شي جديد :sleep:
المهم هالخراط قال كلمة حق أريد بها باطل
ويستنكر على سامي أنه يلبس قميص مكتوب عليه << لاس فيقاس >>
لأنها على حسب كلامه ولايه يهوديه في أمريكا

http://www.arab3.com/upload/images/O...004_ssssss.JPG

مانختلف ياولد جستينه << جزاك الله خير >> على النصيحه اللي عارفين وش وراها من إسائه ;)
لكن تعال ناخذك على قد عقلك وقبل كل شي
انت وشلون شفت الكلمه أهب عليك :razz:
أنا لو أقعد عشر ساعات أتفرج على الصوره ما أنتبهت لها يابو عيون جريئه :rolleyes:
وبعدين أنت وعيونك ماعجبك في الصوره غير الكلمه اللي على القميص
وتارك الموضوع اللي عشانه تم إلتقاط الصوره
يعني يالدب مايهمك مشاركة القائد سامي في مهرجان للأطفال المعوقين ولا زيارته للمرضى وتطالب الناس والجماهير انهم مايقتدون بسامي ولايسوون زيه
بس عشانه لابس قميص مكتوب عليه << لاس فيقاس >> :D

أجل تبيهم يقتدون بمين ياولد جستينه ؟؟

تبيهم يقتدون بلاعبين الإتحاد كما ذكرت في مقاله سابقه لك؟؟
تبيهم يصيرون مثلهم ويطلعون لمدرجات الجماهير ويضربونهم :wallbash:
ولا تبيهم يقتدون بمحمد نور صاحب << أجمل قصة قزع >> في الملاعب السعوديه s60s
ولا يقتدون بالمحترف سيرجيو حبيب القلب بعد هدفه في الأهلي والقميص المكتوب عليه :
<< احبك ياندى >> :hug:

كان زين لو شفنا احد لاعبي الإتحاد يشارك سامي ورفاقه حضور تلك المناسبات
ومشاركة المرضى والمعاقين فرحتهم بالشهر الكريم بدل من الإسائه للآخرين ياعدنان

ولكن يمكن بطولة آسيا والعين أهم ;)

والخراط عدنان ولد جستينه زعلان من سامي ليش يشارك في هذه المناسبات
في ظل عدم مشاركة لاعبي فريقه
وحاسده حتى على الأجر في هالشهر الكريم :D

الله لايجعلنا من المحرومين يالاعبي الإتحاد وكذلك أنت يانجس النيه ;)

المضحك المبكي هو تهافت أطفال المنتديات الصفراء الإتحاديه والنصراويه
والمتسولين أقصد المراسلين في نشرة البياره على الموضوع وتركيزهم عليه
حتى صار شغلهم الشاغل وقضية الشرق الأوسط هو << قميص سامي >> :rolleyes:
بصراحه ماينلامون هذا قميص ابو عبدالله مالي الدنيا وشاغل الناس
اليوم يتحدثون عن القميص وقبله تحدثوا عن سيارته وعن ملابسه وعن سفرياته
ومابقى صغيره ولاكبيره ماتطرقوا لها
مايهم هذا ابو عبدالله سامي s60s
الظاهره السعوديه كما هو الحال لخوينا رونالدو ابو صلعه جنان الظاهره العالميه s60s

عرفتوا الحين وش وجه الشبه بين صلعة رونالدو وقميص سامي ولايهون << قزع نور >> :laugh:
اللي ماتشوفه عيون الحكام ولايهون ابو عيون جريئه صاحبنا عدنان :rolleyes:
على طاري الحكام يقولون لجنة الجعيد مشغوله بما هو أكبر من << قزع نور >> وخواتم الطارقي
مشغوله بالرد على تصاريح ابو داود والياقوت والبلطان وتجهز رد قاسي لمن يسيء لحكامنا السعوديين
أقول يامثيب الجعيد الله لايشغلنا إلا في طاعته ;)
أنتبه لحكامك والعمل الحقيقي للحكام وتابع قزع اللاعبين وسوارات الأيادي والخواتم s69s
ترى العود من أول ركزه وأنت ولجنتك هذي ثالث ركزه لكم ولا بعد شفنا منكم شي :sleep:

مرجانيات :rifle:

@@ يقول الكابتن المحنط في أحدى الصحف << ارجوكم لاتقارنوني بسامي >> رحم الله امريء عرف قدر نفسه ياكابتن s60s

@@ فرق كبير بين قائمه تضم لاعبين من الهند وماليزيا والكيان الصهيوني وبين قائمة تضم أفضل ثمانين لاعب في العالم :rolleyes:

@@ الناس مقامات وصدق سامي عالي مستواه :thumbup1:

@@ على فكره شاي ليبتون علامة الذوق الرفيع ..... وكذلك سامي ;)

@@ رفقاً بهم يا << قميص سامي >> فقد أتعبتهم وأسهرتهم وطلعت الشيب في راسهم :sad:

@@ في يوم وليله أصبحت لاس فيقاس هي حديث المجتمع وصاروا يتكلموا عن موقعها الجغرافي وحالة الطقس فيها والمطاعم والأسواق الموجوده هناك وكذلك عدد السكان وديانتهم والسبب في ذلك سامي :rolleyes:

@@ فعلاً ألم أقل لكم انه ماليء الدنيا وشاغل الناس :rolleyes:

@@ على فكره اقترح على سامي في المره القادمه يلبس قميص مكتوب فيه كلمة << العين >> ;)
يمكن يهتموا فيها مراسلين البياره قبل مايغرقوا فيها والسبب << قميص سامي >> :D

@@ مرجان يا مرجان هيا إلى العمل :scooter:[/align]