|
الفرق بين المرأه في السنه الأولى من الزواج وفي السنه العاشره من الزواج السنه الأولى الساعه 6:30 صباحا ================ تودع زوجها وهو طالع للعمل وتقول له بتوحشني يا حبيبي الساعه 11 صباحا ============== تتصل عليه في العمل وتقول له حبيت اسمع صوتك بس يا عمري الساعه 3 العصر ============= تستقبله وهو متشيكه و(مشفره) وهو داخل للبيت وتقول له الغدا جاهز يا حياتي ..تحب احطه لك الحين ؟ الساعه 5 العصر ============= تصحيه من النوم ببوسه وتقول له اعمل لك شاي يا حبي ؟ الساعه 6 المغرب =============== تسبل عيونها وتقول بكل خجل يا ريت يا حبيبي .. يعني لو ما عليك كلافه .. يعني اذا تقدر توديني شوي لبيت اهلي اذا كنت تقدر يا عمري و قبل ما ينطق بكلمه اذا ما تقدر خلاص مو لازم وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا الساعه 8 بالليل ============= تتصل على الجوال وتقول اشتقت لك يا عمري .. يا ريت تمرني ونروح للبيت وطبعا هو عارف وش بيجيه في البيت فيطمر ويقول للشباب اسف والله يا شباب راسي مصدع ولازم امشي الساعه 10 بالليل ============== تجلس في حضنه وتقول الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ما كذبت على ابوي وقلت له اني طالعه مع امي وانا اصلا متفقه مع امي عشان اطلع الساعه 11 بالليل ============== الوصول الى هذه الصفحه غير مسموح ……….الخ بعد مرور عشر سنوات الساعه 6:30 صباحا =============== هي في سابع نومه الساعه 11 صباحا ============== هي برضه في سابع نومه الساعه 3 العصر ============= تستقبله وهي نافخه خشتها وتقول شف لي حل مع ولدك علي هذا ..حتى الان ما حل الولجب .. وسوير الله ياخذ عمرها انشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يوم ان الاختبار صار بكره … وترى موضي تكنفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم ما تدري ان اسرار بيتهم كلها عند الجيران من لسانها هاللي وش طوله و …و …..و الساعة 5 العصر ============= هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه …والايدز ..الخ الساعه 6 المغرب =============== هو جالس يشرب الشاهي وهي تقول نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم ………….. وفي هاللحظه فكر هو انه يشتغل ليموزين احسن له الساعه 8 بالليل ============== تتصل على الجوال وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه 11 تعال الساعه 10 الساعه 10 بالليل ============== جالسين هي وياه عند التلفزيون ..اخيرا هدوء ..والعيال نايمين ..والجو جميل ..وفجأه تطالعه وهي ماده بوزها وتقول الحين امك وش عندها اليوم ما ترد يوم اني سلمت هاه ؟ والله ما ادري كان سالتيها واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس تسكت شوي بعدين تقول وبعدين اختك نوره يوم انها تقول ان علي ولدي يشبهني ما يشبه ابوه وش قصدها هاه ملاحظه علي هو اشين اخوانهانا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد الي هو الزوج حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك . يسكت وما يرد , تسكت هي ثم تقول وبعدين اخوك شاري لحرمته ساعه قيمتها عشرين الف ريال يرد طيب وش المشكله ؟ وانا ليش ما تشتري لي ..والا انا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ خلاص اشتري لك ساعه تعصب وتقول ايه تسكتني بهالكلام ….والله لانت شاري ولا شي وش تبيني اقول يا بنت الحلال ؟ تقوم وهي تبكي خلاص ما ابي منك شي الساعه 11 بالليل =============== هي زعلانه ونايمه مع العيال وهو يلعن اليوم الي تزوج فيه |
والله صادق اكيد في السعوديه هالكلام |
حقيقه موضوع هام وقابل للنقاش وللحوار وتشكر علي تناول الموضوع بهذه الطريقه الجميله والطرح الرائع الذي عودتنا عليه ولكن الا ترى اخوي انك اخذت الموضوع من جانب واحد بحيث تناولت من ناحية انك رجل وتناسيت المراءة تماماً وكانها لاتعاني وتخشي مثل هذه الامور ان تحدث بعد سنين من الزواج ... اخوي فتي الذهب : الحقيقه ومن وجهة نظري ان الفتيات يخشون هذه الامور اكثر من الرجال والحق يقال فنحن الرجال بالامكان تتغير نمط حياتنا اما النساء فلا هي ومن اول يوم بعد الزواج ترتبط ارتباط وثيق بكل مايتعلق بزوجها وابوعيالها ... لذلك كم تمنيت ان تتناول الموضوع ايضاً بنظرة فتاة مسكينه كل يوم رايح زوجها وتاركها الي نص الليل وهي لحالها تسكت هذا وتلعب هذا وهذا كريض تتصل علي اخوها يجي يوديها للمستشفي والاخ الزوج الحبيب جالس مع الشباب في الاستراحه يلعب ورقه نهي كل شوي داقه علي الجوال وهو يناظر ويقول اخر (( صكه وابمشي )) ماتلاحظ كذا بعد ... وسلالالالالالالالالالالالام |
فعلاً كلام سلمان صحيح اذا طرحت موضوع تناوله من جميع النواحي او ماجاء على بريدك الا هالنواحي :rolleyes: بس ما تلاحظ ان عشر سنوات واجد الدعوه تقلب بعد سنه او سنتين وعلى قولة القايل : اول سنه هي تكلم وهو يسمع <------------- طبعاً عروس ثاني سنه هو يتكلم وهي تسمع <-------------- طبعاً يتدلع عليها ثالث سنه كلهم يتكلمون ----> وامة لا إله الا الله تسمع :eek: :eek: تحياتي ;) |
سلمان ياخي انت اذا شفت اسمك اخاف مدري ليه؟ يمكن من التسعات اللي حاطها تذكرني بالدوريات على العموم مشكور وكلامك صحيح ========== عاشق وش تبي انت ووجهك؟ يالله هناك يالله لاعمري اشوفك تخل مواضيعي فاهم؟ |
بسيطه اخوي فتى الذهب كل عشر سنين تزوج بنت جديده :D |
حبيب قلبي الفتى لايسر العزيز الحكيم ووفقك بنت حلال طايعه مطيعه لأوامر الله وحقوق زوجها ومحفوظه حقوقه وأبعد الله عنكم مكايد الشيطان لو تعيش معه 50عام ماتملهولا تملك الله يصـلحنا ويصـلح زوجاتنا اللهم آمـين |
هلا اخوي فتى الذهب .. خلنا على قووولت اخوانه المصريين ........... هو انا بتاع جواااااااااااز ... يارجااااااال عيش اعزوبي احسن لك .... بلا مشاكل بلا هم بلا عوار قلب ... ترى العزوبيه نعمه ... ما يعرفها الا المسجونين .. اقصد المتزوجين ومررررره ثانيه انتبه لنفسك ... وخلك رجاااااال:mad: ولا تقعد تنفخ على خوينا عاشق النمر .. فاهم ولا :mad: انت فاهم ولا لاااااااااا هذي فيها قبايل ... :mad: فيها دم ...:mad: فيها تربتداااااااا .. :mad: ( يعني هذي فيها 50 ددسن يقفون يدوسووون في بطنك :eek: ) لالا تخاف امزح معاك .. ( تكفأ لا ترسل رامبووووو علي ) ولوووووووو اخوي ابوو عنتر عم نمزح معك ... لك شووووووباك يارجال خذ راحتك ... ولا احد يقولك لا .. معصي ماحد يقدر:D آمر عيوني اي خدمه شيء ... ماتبي عاشق النمر يغسل سيارتك ... يجيب لك اغراض من اي مكان ؟؟؟ انت تآمر بس ... تدلل:) كم فتى ذهب عندنا ... تقبل تحياتي I'm BoW WoW ...:cool: |
هلا ............ حلوه هذي:D ودك كل أثنين قبل ما يتزوجون يقرونها........... .......حلوه يا فتاه الذهب أوووووووووووه معليش هذي المدام:D أقصد فتى الذهب......... |
ولا تعزمنا ولا شئ والله انك قليل خاتمه :mad: :mad: خلاص اعزمنا مع الثانيه |
هلا بيزا وش فيك على الشاكوش هااا ( اكيد عرفتوووه والي ما عرفه يروح للكوناكوف ويشوفه :D :D هذا الله يسلمك عاشق ) اقول ترا العزوبيه هالايام يمدحونها بس يخوووي ما تحس ان المهرجانات تخليك تتزوج كل شيئ لازم عوايل وبعدين تعال لاعاد اشوف وجهك عند سوق عتيقه بالددسن :rolleyes: :rolleyes: :confused: :eek: :eek: الي اعرفه انا الناس ما ........ هنا ;) ;) ;) ;) تحياتي واشواقي ولد جيرانكم من الرضاعه شخخخخخخخخط |
| الوقت المعتمد في المنتدى بتوقيت جرينتش +3.
الوقت الان » 01:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd