نادي الهلال السعودي - شبكة الزعيم - الموقع الرسمي - من هم الجريئين الذين يعلنون تضامنهم معي ضد الديكتاتورية

- منتدى المجلس العام (http://vb.alhilal.com/f1/)

من هم الجريئين الذين يعلنون تضامنهم معي ضد الديكتاتورية

السلام عليكم ورحمة الله
اخواني واخواتي افيدكم علما انني ومعي بعض الاخوة الاعضاء هنا في هذا المنتدى قد قررنا ان نقوم بعملية انقلاب على المشرفين الداجين ولد النجيدي وولد المرزوقي وقد كان هذا سراً بالسابق اما الان فانا هنا اعلن لكم عن ذلك جهرى والعين ترى عن ماقررنا ان نقوم به فمن بجد في نفسه الجراءة بالتضامن معنا فلن نقول له هات ملفك وراجعنا بعدين ولا نتصلبك لا اللي يبي يتضامن معنا ياهلا ومسهلا الارقام الشاغرة واجد وكل شي متكتك ومزركش ومخطط له على احسن مايكون بس نبي ناس ماتهاب ولاتذل لامن رامبو ولا من سـ 9ـامـ 9 ـي (ماهوب سامي الصدقي الذيب )لالالالا سامي الكمخة ولد المرزوقي والله ماحسافة عليه الا هالاسم بس هين خلوا الانقلاب ينجح وتشوفون ان ماحطيت لهم اسامي على كيف كيف كيفكم مانب حبحور مقطع البحور ومذوب الصخور ومغري الحور وحامي الضبان بالجحور
واللي يبي يتضامن معنا هنا يكتب لنا رده ورايه هنا ولا يخاف اما الناس اللي انا خابرهم يدخلهم الماء ويخورون ماهيب مشكلة يرسلون لي رسايل خاصة لانه نستفيد منهم ذولا يكونون جواسيس وعملاء لنا مع الكمخ ويجلبون لنا اخبارهم
من ملحهم عاد نحط عليهم جواسيس . يالله وين الشجعااااااااااااان

الحبحر الهلالي الحار
ابوتركي - الرس

هذا وأنت منت بعافيك أجل لو كنت بعافيك وش تبي تزين !! ,,,

ول ... الله واكبر عليك ..... قط أنت تضرب من الحبنب وتلجلج علينا؟؟ ,,,

اللي أعرفه إن اللي يضرب من الحبنب يقعد يفتر ويلوب عمره .... لكن أنت شكلها ماتمسك إلا بلسانك ,,,

إهيب عليك ..... تراك دوختنايالصتيمه وماصار ورانا إلا ملاحق مواضيعك إركد شوي ترى الركاده زينه .... وعط " سداح " باقي الأعضاء فرصه ,,,

ولا ترى ماعنك وعن كاس لبن أجغله ببلاعيمك كوده تفك معك وتريحنا ,,,

أقول أخوي الحبحر الحار الهلالي

كن ودك تدخل غرفة الادارة ؟؟:rolleyes:

لا وكاتب في منتدى كبار الكتاب بعد

روح وانا معك واذا تبغى المنتدى كله
هلالي................هلالي...................هلالي
:cool: :cool: :cool:

انا معك يا الحبحر الحار الهلالي في كل اللي تقوله

سر ونحن من ورائكم

http://mypage.ayna.com/fa77/fahad.jpg

انا معك واللي يصير يصير !!!!

وثاني شيء ليش ياحبحر تحط اسمي في توقيع اوفي بيت الشعر

وانا معك اخوي حبحووووووور

وخصوصا ان كابتن حارتنا خلاني لقاط كور :confused: :confused: ( الاطخم )

فققررت انني اتخذ القرار الاوفى والاحق الا وهو ان اكون معك بس بشرط تبي تعرفه انزل تحت

انزل بعد

يا ملاقيف

الشرط انك ما تورطني وتقووول ( عمي الذذيب وبس قال هذا الكلام :D :D خلاص )

هلا بالحبحر كيف حالك اقول
وش قصتك هاليومين مدهر اقول انتبه
لاينهون اشتراك ثم تاكلها من جد اركد شوي
وبعدين لك عندي كلام كثير مررررررررررررره
بس اصبر شووووووووووووووووووي

بالنسبه لموضوعك انا مع الي يكسب يعني
مع الابطال وبس الي هم ؟؟؟؟؟؟؟؟؟؟؟؟؟؟؟؟

الله يعطيكم الف عافية

اخوي الذيب وبس /تسلم والله ياخوي وابشر من يمرمط بهم الارض هالجحلط ذولا بس اصبر ان ماخليتهم ينتفون لك شعر ابطك اذا بغيت تروش واوريك .

حبيبي الشايب فهد / انا وش انا بدونك انت شايبنا والعقل المفكر والمدبر لنا والله لايهينك وتسلم على الفزعة تراي معتبرك انت اهم شي عندي يمكن تصير مثل ابن عباد وتصير من اقوى فرسان العرب مثله هماه شايب هو الله يخليك ويطول عمرك .

اخوي هلالي صميم انا لي الشرف ان اسمك من ضمن توقيعي وتسلم يابو نويرة على الفزعة (لاتخلينا بس وابشر بالزهراء لك) الله يعافيك ويقويك خل اوريك بهالصتايم .

هلا والله بحبيب قلبي الحاير انت عاد اهم واحد عندي وتهمن فزعتك بالحيييييييييييييييل علشان اذا صهمدتهم ولعنت كوثرهم وخظت ببطونهم ارسلهم عندك بالزنازن حقت (ياراعي السجن انت).ولااوصيك بهم ابي جلودهم تغدي زرق علشان بالمباريات ناخذهم مصاليخ ونشجع بهم الهلال.
هذا اللي فوق للمؤيدين بس.
-------------------
انت يالمنسي شرهك على اللي حسب حسابك مير تأيد ولا ماتأيد حنا ناسينك ولادرينا عنك يا(جحدر).هماك منسي على اسمك .

انت ياraid2001 مادام هذي علومك مع اللي يفوز مامنك فود انت اخاف انك مثل اللي معه خمسين علم لكل فريق علم واللي يفوز تشجعه نسيت يومنك تطلع لطريق التخصصي وتشجع ومسوي فيها متحمس علشان كبتن ماجد فاز بالحلقة الاخيرة واخذ الكاس خابرينك ترانا .

انت يالاعصار بصراحة انا كتبت بمنتدى كبار الكتاب علشان بس اقهر بعض الدبش هنا اذا شافوا اسمي مرتز بين فارس الروضان وبين صالح السليمان الله يعطيهم الف عافية انشالله وبعدين انت وش حارقٍ رزك اكتب بمنتدى كبار الكتاب ولاغيره انا حر لو ابي اكتب حتى على علباتك كتبت :D :D

اووووه نسينا ولد النجيدي

اوووووه نسينا ولد النجيدي نرد عليه بس يالله اصلا منحيني ناسيه ولاجبت خبره ولاشلت همه لكن ابارد عليه هنا لحاله لانه مايصلح اضمه معكم خلوه لحااااااااااااله احسن يمكن به جرب ولا حساسية ولا شي لاني اعرفه كل حياته يوم انه صغير وهو بس بهالشوارع يدوج ويسربت لاشغل ولا مشغلة ويمكن به وباء علشان كذا برد عليه لحاله بس
اسمع انت يارامبو الداج ايه هذا وانا وجعان ولاعندي بك لانك ماتحمل اجيك وانا طيب ومتعافي انت يسدك لو ارسل عليك ثوبي ولا طاقيتي تكفيك من كثرك عاد لو احط بقوطي صلصة يمكن تغرق به بعد وسنعك بعدين

تعلن دولة الهلاليAMJ :بقطع العلاقات الدبلوماسية وذلك بعد مداولات عدة في البرلمان ومد جسور المحبة واعادة فتح السفارة لدولة الحبحر الهلالي

سجلني عندك

مع المشرفين

تخبر ياالحبحر الهلالي توني جديد وخايف ينظلوني

ويشوتوني

ومع ذلك خلني من ربع الرسايل الخاصه

اللي يخورون بالماء مع اني اعرف اسبح زين وخاصة في بركة المزرعه

يمكن اني انفعكم وتحطني معكم مشجع هلالي منقلب !!!

اااااااااااااه ياخي كم كنت مرعبا ؟؟؟؟؟؟؟

اااااااااااه يا اخي كم كنت قويا شجاعا لاتهاب الموت ولاتهاب الخصم فلله درك .

قمت بالرد للتذكير باخي واخوكم الحبحر الحار الهلالي اعاده الله سالما

الاسير الهلالي - الرس

حبحور .......

شوف
الحق ......................حق(صحصح معاي)

اذا بتسوي لي مجلس خاص اسمه
مجلس عبود و طقته

باتضامن معاك
و اللي يغدر الله حسيبه

اما كاني ماني و ما ادري ونسيت و هالكلام
ما يمشي معي

اعلم عليك ولد المرزوقي
و افكه من اسره(تراه اسير عندي)عليك

و اخليه يحوسك حوس

........
و هذا انا نفذت اول عملية و خطفت المرزوقي
و الباقي الرجاجيل يتمونه