[align=center]صباح ومساء الخير لكل الزعماء
اليوم جايكم وكلي نشاط وحيوية بعد اداء مناسك العمره انا والأهل وبنتي الخبله فشفوشة

الله يقبل منا ومن جميع المسلمين وبعد استعادتي لعافيتي بعد العارض الصحي

القصه حقيقه كله عن بنتي فشفوشه الله يصلحه ويصلح بنات المسلمين هالبنت الخبله اللي انجنت يوم عرفت اننا ما لقينا لها حجز رغم اننا حاجزين قبل باسبوع!!

البنت الشيطونه هذي قفلت عليها الغرفه وجلست تفكر بطريقه تخليها تروح معنا


طلعت من الصومعه حقتها وقالت يبه ابلحقكم بالنقل الجماعي قلت يا خبله انتي بنت شلون تلحقيننا بعدين بعدك صغنونه يبي من ينتبه لك البنت صرخت وقالت جبتها يا احلى ابو بالدنيا قلت وش جبتي


قالت انت تقول اني صغنونه صح قلت ايه بلا قالت وانكم ما حصلتو لي حجز قلت ايه بلا قالت والخطوط مهب يخلون الصغنونين يركبون ببلاش قلت شلون ببلاش وانتي بتاخذين مقعد!!

قالت شف ابيكم تمهدوني وغطوا شوشتي بقبوع صغير وخلاص انام بحجر امي واروح معكم


المهم رضخنا لطلبها وبعد ما ركبت وعدت الفكره بنجاح لقينا لها مقعد فاضي وجلسناها بجنبنا..

طارت الطيارة ويوم صرنا قريبين من المقيات قال الكابتن اللي يبي يروح لمكه يشلع وينوي العمره البنت الخبله اختفت فجأة جتنا شايله القميص ولابسه حرام اخوها


يا بنت عيب استحي مهب لك هذا وطقاق لين اقنعها الطيار انهم ينزلون للميقات ويشترون لها ثياب المصاريه البيض حقت العمره


بعد ما نزلنا وصلنا لمكه عن طريق جدة قلنا بنعتمر اول علشان نرتاح مره وحده..


دخلنا الحرم وطفنا على الكعبة وصلينا ورى المقام وسعينا وكل من خلص انتظر عند باب المروه لين اكتمل العدد قالت ام فشفوشه وين فش فش قلت اخبرها تركض بين الانوار الخضر قلت دوروها وانا جلست انتظر عند الباب علشان ما نضيع ونتفرق عن بعض فجأة وانا التفت قزيت البنت تناطط فوق كرسي الحلاق وتطاق معه هو يقولها مكينة وهي تبي موس مثل الهندي اللي قبلها


واجيك اركض يا بنت اعقلي العالم تفتش عليك واخرتها متعلقه هنا حسبي الله عليك من بنت وشيل وحط انا والخبله لين قالت بالاخير خلاص اجل خلها مكينه على الصفر زي يوم يحلقني الحلاق بالرياض يوم ينشب العلك براسي


قلت خير ووافقنا وشلنا شعرها وادينا عمرتنا وانبسطنا بمكة يالله لك الحمد روحنية وطمئنانيه الله يقبل من الجميع

هذي سالفتي انا وبنتي فشفوشه والله لا يعيدها من سفره!!

وسامحونا على التقصير وركاكة الاسلوب نظرا لقرب وقت السحور




صور الخبله فشفوشه قبل العمره






صورة الخبله فشفوشه بعد العمرة


[/align]

مشكوووور

على هل القصه الحلوه

والله يهدي فشفوشه

مشكور على القصة
..

والله يهدي بنته فشفوشة ويصلحها

...

كل عام وانتم بخير عيد سعيد مقدما
لك ولبنتك فرفوشه




بنتك خطيييييييره
ودي اعرف كم عمرها؟؟؟؟



والله يخليها لك ولاهلها ان شالله


ومشكوووووووووووور ع القصه الحلووووووووووووه

أشكرك على قصتك ..
والله يخلي لك فشفوشفه إن كانت موجودة ..

ذكرتني قصتك بما يضيق منه الخاطر ..
تذكرت من يتحايلون على الخطوط و هم في طريقهم للعمرة ! يعتقدون أنه انتصار ؟!
تجد البعض يسافر بتخفيض غير مستحق ؟!
و آخر يكذب و يصغر ابنه للحصول على خصم قدره 50 % ؟!

يسرق و يكذب ليذهب لأداء العمرة ! عجبي ؟!

توقفت أيضاً عند خطوط لا يوجد على طائرتها مقاعد قبل إقلاعها بأسبوع ثن تقلع بعدد ملحوظ من المقاعد خالية ؟!

مرةً أخرى شكراً مع تمنياتنا لك بأنك حصلت على وجبة سحور شهية .

يعطيك العافيه اخوي..

تقبل الله منك ومن عائلتك وجميع المسلمين..



الحين القصه صارت بالواقع!!!


الحين جد نزل الطيار لم الميقات وخذا لها ملابس ثم اقلع من جديد .. الا صدق حلقتم لها على الزيرو ..


<<< يا انه جايع ومضيع الطاسه..او ان السالفه غريبه وفيها سالفه :p ..

إقتباس تجد البعض يسافر بتخفيض غير مستحق ؟!

صدقت ابو ريمان..

إقتباس و آخر يكذب و يصغر ابنه للحصول على خصم قدره 50 % ؟!

عزيزي ابو ريمان ..قيمة التذكره للطفل اللي عمره اقل من 12سنة اساسا بنصف قيمة الراكب العادي(اكثر من 12 سنه) وهالفئه مالهم اي تخفيض..

ربما هناك طريقه اخرى.. وهي كما فعل الاخ كاتب المقال.. وهي اعتبار الطفل من فئة الرضع وهو ليس كذلك ..لان الطفل الرضيع ليس له مقعد ..

والله طياركم شي : D
حشى باص مناحي مو طياره : D
مشكوووور خيو

العمره مقبوله .......بس الظاهر مع فشفوشه مقلوبه هععع

هاه عساك تسحرت زين

[align=center]
عمره مقبوله



أما فشفوشه ذي شكلها شيطانيه

إقتباس تناطط فوق كرسي الحلاق وتطاق معه هو يقولها مكينة وهي تبي موس مثل الهندي اللي قبلها

هههههههه

<< شغله الشاغل تو يبي يعرف فشفوشه تدليع أي أسم

تسلم والله على القصه يا منص الرياض

خبري فيك ما تعرف تنطق بعض الحروف ماشاء الله تحسنت حالتك



تحياتي ..[/align]