سفر مدام الدعوه فيها سجن باقولك المستور وعلي وعلى اعدائي

انا اعترف ان الهايلوكس موتري ما انكر هالشئ بس ماكنت انا اللي اسوق

ولد انجدي هو اللي كان ماسك الطارة ويقول ان عنده فلم جديد بعنوان دريفن اي السواق

وان المخرج طالب منه حركة جديدة وهي حركة التندة يعني بعد ما يسفط الطبلون يسحب الجلنط ويزحف الموتر على التندة .... امحق مخرج

وبما انه صديقي قلت يفداك الف ددسن يا ابو خليل

توجه النجيدي الى اول شارع التنكيت وسمينا باسم الله وتشهدنا قبل وبدأ عداد السرعة بالإرتفاع

وبعد ما سفط الطبلون ولد انجدي وسحب الجلط وماصار شئ لا زحف الموتر ولا يحزنون

طلع الجلنط خربان و اصلا الموتر مافيه زيت فرامل ولا فحمات.... يعني موتر موديل 79 وش ترجي منه

ولا شفنا الدنيا انقلبت ولا شئ وما لقينا الا جدار المنتدى يقرب مننا او احنا الللي نقرب منه والله مدري ضاعت العلوم

لين ابو خليل سوى فيها فاهم وفتح الباب وطلع رجله قالك بيوقف السيارة .... متعود ابو خليل على السياكل هههههههههههههههه

بس لما فتح الباب وطلع رجل ما وصل للأرض تخبر النجيدي قعده طولة 120 سم قام طلع نص جسمه يالله يوصل الأرض وبعد محاولة واحدة وجريئة وصل الأرض ولكن مو برجله ... وصلها بخشته قبل كخخخخخخخخخخخ وطاح من السيارة

اما الجدار فقد استقبلني بالأحضان
وما حسيت شئ عقبها الا هاجس يحاول ان يطلع خشتي من الرديتر

وانا اقول بنفسي كفو ياهاجس هذا الخويي اثره يبي يقبض علي والنجيدي متشلخ وطايح ويصرخ يقول الحقوا علي الأولاني صدمني

والنهاية حكم بالمؤبد

وانا الحين داخل على الله ثم عليك ياسفر انك تطلعني من سجنكم
والدليل ... ألولوه كخخخخخخخخخخخخخ


لالالا والدليل وجه النجيدي اللي كان اطخم

هههههههههه يا حبي لك يالاولاني ...

أجل بتتهم صديقي وشريكي في الحكم ;) ...

أنت ما تتأدب إلا بإعدام ما هو مؤبد :p ...

لكن إذا أعترف رامبو بنسامحك هههههههههه ...

ولك تحياتي ...

أخوك / سفر المرزوقي .

حبيبي الغالي ألأولاني

افااااااااء والله ماينغزابك عند باب المخفر وبطيت البرمه ههههههههه

وبعدين يابو خليل يوم تسجن خلق الله وأنت سبب المشاكل

الله حسيبك

مظلوم حبيبي النمر بس تراني معاك لين أظهرك من سجنهم الظالم

ولو وصلت لحب الخشوم (وهم يستهلون والله )

حبيبي الأولاني هذا عيب اللي وده يصير رامبو بالقوه إذا خرب الجلنط فيه اختراع اسمه نمره لكن مايعرف يتصرف غشيم(رحنا فيها)

بخخخخخخخخخخخخخخ عليك يالأولاني ,,,

أجل الدليل " ألولوه كخخخخخخخخخخخخخخ ,,,

خلك ساده تستاهل ماجرالك .... أنت ماتعرف إن طخامتي هي راس مالي !! ,,,

وش أسوي بعمري الحين بعد ماخربت تسريحة شعري !! ,,,

لن نترك لك مجالا للفرار " وستقعد بها " وفي روايه " ستجلس بها " ,,,

أجل مطلع رجلي علشاني متعود على السياكل هاه !! .... لو الأمر بيدي كان حكمنا عليك بالأعدام .... لكن إحمد ربك إنها جات على مؤبد وهذا أخف حكم لمثل قضيتك , بعد ماراحت علي عقود الإعلانات لشامبوهات وكريمات الشعر ,,,

يبيلي الحين شهر كامل إلين أرجع لحالتي الطبيعيه .... بطخامتي ووسامتي وشعري المسبسب ,,,

مــــــــؤبــــــد ..... ولا لـــك إســـــــتــئــنــاف ,,,

رفعت الجلسه ,,,

قم بس قم يالداج ياولد النجيدي انت ووجهك نعنبو هالعلابي
لك وجه بعد تهرج وتهج اثمك عقب مانفضحت قال وسامتي قال قصدك وسادتي وانت الصاق

نعنبو بليك انت وجهك مغسول بمرقة لحم بقر انت كلٍ يحلت عليك هرجة وانت تموقع اثمك ماتعرف تصرف
ااااااااااه بس يالمنص ااااااااه مالقوا غيرك يحطونه مشرف انت وولد المرزوقي عزالله انكم داجين ماعندكم ماعند جدتي شعواء (هذا اسم جدتي )وهنك تحش يالولد النجيدي باسمة هنك بس

لاوشعرك مسبسب ياشيخ تراي اصطب بعكرة ضب كانك تعرف وش معنى مسبسب قال مسبسب قال انت شرط لاحلف ان شعرك عرادة حتى شغالتكم اذا مالقت ليفة تسبع بها المواعين جت وانت نيم وشالت لها كم شعرة وراحت تسبعهن بشعرك قم بس قم
هااااااام ك-(لاحظ انت ياولد المرزوقي اني مالتفت لك زين انت بس انا رااااااايق ابي استلمكم واحد واحد ولاترى دورك جاي وصلك السرى)....


حبحور مقطع البحور ومذوب الصخور ومغري الحور وحامي الضبان بالجحور


الحبحر الحار الهلالي / عاشق هلالي صميم
الزعيم زعيم يعرفه الفهيم ويجهله البهيم