16/10/2005, 01:22 PM
|
| زعيــم مميــز | | تاريخ التسجيل: 10/05/2005 المكان: (في السمــــاء الثامنة )
مشاركات: 3,596
| |
بالأمس بتال أراد أن يثير الخلاف بين عبدالله بن مساعد وسامي ولكن هيهات ........
السلام عليكم ورحمة الله وبركاته ..
أمس كان الأمير عبدالله بن مساعد ضيف في المواجهه .. الصراحه اني حزنت كثير بسبب التهم اللي يوجهها بتال لسموه بخصوص فترة رئاسته (ماأدري وش يبي هالبتال خلاص فترة وانتهت)...
وحزنت أكثر لأني ماشفت الحلقة من بدايتها خصوصا الجزء اللي تحدث فيه سموه عن أزمة أعضاء الشرف ...
الحلقة كانت جد ممتعه لأن عبدالله واضح وصريح كعادته ..
ماتتخيلون حزنه وهو قاعد يتكلم عن فترة رئاسته (والله أن دموعي أربع أربع وأنا أشوفه)
وربي انه ماقصر بس توفيق الله والحظ ما كان معه..
وعبدالله بن مساعد اللي بعض الجماهير تكرهه هو اللي جاب لكم العنبر والخثران وعزيز وجدد للمفرج كل هالأشياء اللي سواه ماارضت الهلاليين وقت رئاسته وهاجمته واللحين هاللاعبين صاروا أكثر مايعتمد عليه الهلال ..
عبدالله بن مساعد يمتلك عقليه إداريه رائعه ويارب يوافقون على الخصخصه ويشتري الهلال ..
أكثر ما أعجبني بالحلقة مداخلة يوسف الثنيان طبعا بتال ما قصر وهو يحسس الأمير انه مقصر من ناحية إعتزال يوسف خصوصا سالفة الشيكات المصدقه...
لكن أبو يعقوب رد بكلام مايطلع إلا من النجوم اللي زيه قال (أنا مع كل كلمه يقوله الأمير واللي يشوفه صح يسويه وأنا والله ما أنتظر تبرعات من أعضاء الشرف لأن وقفة أبو عبدالرحمن تكفيني)... أموووت أنا على الذوق ...
والحدث الأهم بالحلقه هو سالفة الخلاف بين عبدالله وسامي..ز
بتال سأل أبو عبدالرحمن : في لقاء صحفي تكلم سامي عنك بكلام ما يطلع من ناشئ فمابالك بنجم قائد مثله وأنت التزمت الصمت وصمتك معناه أن الكلام اللي قاله سامي صحيح خصوصا أنكم ماأصدرتوا عقوبه بحق سامي؟
رد عليه سموه أن الكلام مو صحيح وسامي خصمنا من راتبه ولاقدرت أعاقبه أكثر لإن الهلال يحتاجه ذاك الوقت .. وسامي زعلت عليه وجاء واعتذر مني وماقبلت إعتذاره ومرت ثلاثة شهور وانا زعل عليه ولاشفته لحد ماتقابلنا برا المملكه وأعتذر لي ورجعنا حبايب ...
قال بتال أن سامي الآن معنا على الهوا وهو من أمس لما شاف إعلان للحلقة طلب مني المداخله ..
طبعا سامي مدح سمو الأمير وقال أن فيه أشياء كثيره ما يعرفه الجمهور . عبدالله بن مساعد ليلة النهائي نام في المعسكر معنا ولا أحد كان يسوي هالشي غير سمو الأمير عبدالله بن سعد (رحمه الله) وبعد هزيمتنا بالخمسه من بكرا عمل حفل غداء لللاعبين وأخذ يقنعهم أنه ماصر شي وكل شي يتعوض..حتى لما التقيت فيه برا المملكه ماعاتبني ووبخني بالعكس أخذ ينصحني ويكلمني عن مستواي واني لازم استمر لأني قادر على العطاء.. وأحب أقول أني نادم على الكلام اللي قلته بحق الأمير الصراحه كنت منفعل واعاني من ضغوطات بسبب المدرب..
هنا سأله بتال يعني هجومك على الأمير تعتبره بصمة سوداء في تاريخك؟
قاطعه سمو الأمير وقال أنا اللي أجاوبك أنا وسامي تجاوزنا الموضوع وصرنا حبايب (عاد بتال انقهر وقال طيب أنا ماتجاوزت الموضوع قال سمو الأمير: كيفيك بس الموضوع يخصني أنا وسامي وانتهى ...
وآخر الحلقه تلقوا الإتصالات وكان من ضمن المتصلين أم فيصل وهي عضو شرف ممكن تقولون لي من هي بالضبط؟
ودمتم سالمين .... |
الوضع العادي
