نادي الهلال السعودي - شبكة الزعيم - الموقع الرسمي - BoW WoW يدعوكم لزيارته في منتجعه الخاص بشهااااار ؟؟؟

مــــــــــــــــرحـــــــــــــــــبا ...

لاتحسبوووون المقصود بشهااااار مستشفى الطب النفسي لالالالالالالا
انا اقصد منتجع كنت قاعد فيه فتره من الزمن ليست بالقصيره ( لا تفوتكم ليست.. ترا ساعة اتهجاهااا ) ياهوووو وناااسه وسعة صدر واحلى مافيه الحريه ماحد يقدر يقول لك شيء ..... ( لا دبابيس ولا ابر ) .. ابن امه يتكلم ويقول ليش ... مايدري الا الحصاه في عينه ... وهو مو شرط الحصاه اي شيء تحصله قريب عندك كرسي , طاوله واحياناً الممرضه .. بس اهم شيء ما تكون دبه اذا هي من شرق آسيا تمام تنطلق مثل القذيفة وتدخل بالعين على طوووول ( صارت صاروخ ارض جووو ) ... عشان كذا احنا نرفض مبدا السعوده في المستشفيات ؟؟؟ .. يعني لو كانت الممرضه سعوديه ماراح تشوتها على الطبيب ليش ؟؟؟ لعدة اسباب ؟؟؟ عاد انتوا عرفوا ها الاسباب كل مره انا راح اقولكم ... امعصي ؟؟؟

الله ياسلام لما يقولون وقت المساج ... مايتعاملون معنا حنا يا ........ الا بالتكنولوجيا والاجهزه الحديثه .. ما يجيبون لنا اجهزه قديمه أو منتهي عمرها الافتراضي مثل بعض الاماكن الترفيهيه ....؟؟ لالالا هم حريصين على سلامتنا مع ان احنا ماندفع لهم فلوس مثل المدن الترفيهيه بس هم يحبونا ويهمهم اننا نكون مرتاحين بالاقامه عندهم ... شفتووو مدى اخلاصهم ؟؟
اممممممممممم على المساج اسلاك كهرب ولمبات وسرير فيه احزمه تصوووورو يربطون الاحزمه خايفين من الغرامه .... واذا مافيه حزام لأي سبب من الاسباب الحبال متوفره حبل عشرين متر يلف اربع , خمس مرات على الواحد ليما يصير مثل الرجال اللي بدعاية كفرات ميشيلان .. ( متأثر بالتلفزيون ودعايته ) .......... ولما يبدأ المساج ... واااااو .. ماودي اقولكم شنوو يصير عشان ماتحترون بس ماعليه اقول لكم .... الدنياااا تتغير قدامكم .. الوان الطيف كلها تشوفونها ولا الاصوات تختلط مع بعضها كأنها اغنيه من الاغاني الشبابيه الجديده .. ماتميز صوت المغني من الصجه اللي معاه ( الصجه الموسيقى اللي مال امها داعي ) ... الله على محمد عبده واغانيه بس .. مو المصخره اللي يسمونها فيديو كليب .. ماتخلص الاغنيه الا الواحد منحوله عيونه من كثر ماينتقل المخرج بالكاميرا ... مره على خشة المغني , ومره على جسم البنت اللي ترقص معاه , ومره على القمر , ومره على البحر ولو فيه قطووو على الجدار بعد حطها عليه .... المهم ان كاميرته ما تركد تقولون فيها شلل الرعاش ولا سامع اغنيه لزبيده ومستنزله ... يووووه وين رحت انا .. أكمل لكم ( وهذا بحد ذاته انجاز خطير ) .. شنووو الانجاز الخطير تراني مادري توني سمعت المذيع في قناة اليمن يقولها وهو يتفرج على قرد في قفص .. ولقطتها على طووول وكتبتها .. مثل السكنر لما يلقط سوالف ولد وبنت آخر الليل ( ادري فضحت نفسي .. دريتو ان عندي اسكنر بس ياويلكم لو احد يعلم ترا ما اعلمكم وش كان الولد يقول للبنت لما قالت له انها مستحيل تطلع معاه .. ادري انقهرتوا ... احسن ...) بس اقوول لكم سر خطيررررر ولاتعلمون احد اوكي ...

لما يجي وقت جلسات الكهرب نتطاق حنا يا النزلاء .. منو دوره أول طبعاً معروف أنا أول واحد ( عندي واسطه ) ايه هين ... الا اضرب الممرضه بقس على خشمها ... اذا كنت اقدر اشوف خشمها ؟؟؟ ... تدرون مره ضربتها على خشمها .. صلحوا لها عمليه عشان يطلعونه لانه دخل في راسها ( عطيتها ضربه قاضيه مثل اللي خذتها انا من الباكستاني :( ) .. ولما ماقدروا يطلعونه ركبوا لها مراوح شفط ..؟؟؟ عادي تكنولوجيا ... يعني هم جايبين التكنولوجيا من عندهم الله يسلم وكالة ناسا للحفاظ على البيئة كل يوم يخترعون شيء جديد .. مره دواء ومره سياره تشتغل على الطاقه الشمسيه والقمريه ومره اقمار صناعيه مهمتها تقعد فوق الدول العربيه وتتصنخ عليهم وترسل لبلاد العام سام وهذا لفظ الامن فقط ؟؟؟:confused:
ومره صواريخ ليزر تضرب الطيارات بالجووو وخاصة اذا كانت طياره عربيه ؟؟؟ اشفيكم انا اقصد العاب البلاي ستيشن مو الطياره المصريه لالا تفهمون غلط ..؟؟؟
وين وصلنا الله يرجكم كل مره تخلوني اطلع من الموضوع مثل شوتاااات سامي الجابر كله برااا :eek: ...... لحوووووول مره ثانيه طلعت يالله نرجع ... هاه رجعتوا كلكم طيب آخر واحد يصك الباب وراه ....
تقوم هي تزعل علي وعقاباً لي تحطني أول واحد ( بسم الله علي ذكي ... اصرف عمري ) .. وفيه خطوه مهمه اسويها عشان استمتع بالجلسة ... لازم اكون شارب دبس بالكحووول .. تدرون لزوم المزاج وبعدهاااا اطلع من غرفة الجلسات كأني طالع من كباريه من كبريهااات الهرم ..( دايم اطلع شايليني مجموعه ويشوتوني براااا الكباريه ... هنا نفس الشيء يشوتوني بغرفتي )
وما اطول عليكم بس انصحكم انك تجون للمنتجع وتريحون اعصابكم وأهم شيء ان حمى المهرجانات وارتفاع الاسعار ما وصلت لنا للحين الله يستر بس من العدوى تدرون جده قريبه والفايروس منتشر فيها مثل انتشار النار بالهشيم ( اذكروا الله على لغتي العربيه بعدين تحسدوني وتنقلب اردو )
وبعدين عندهم شيء حلووووووو هناك مايفرقون بين المقيمين ... يعني مايجي ولد هامور ويأخذ دورك بجلسات الكهرب زي ما ياخذ مكانك بالجامعه أو دورك بالتعيين ... يعني واسطات ما فيه والحق يقال ماشيين بنظام ؟؟؟
أنا انتظركم في منتجع شهااااار وحاجز جناح هناك انتوا بس تعالوا صدقوووني اقوم بالواجب معاكم اعطيكم دبس بالكحووول جايبه من فرنسا:eek: يعني امعتق اصلي مو مغشوش مثل الحليب اللي ثلاث ارباعه ماي ... ولا اللحم اللي كله شحم ولا .. ولا .. يعني راح ترووووقون على الآخر .. انتظر ردكم ... اشرايكم ؟؟؟؟
:D :D :D :D :D

I'm BoW WoW ...:cool: