الكبير كبير ياسامي لايفوتكم ..كل الرياضه - نادي الهلال السعودي - شبكة الزعيم

احساس سامي · #1 15/10/2005, 02:20 AM

السلام عليكم ورحمة الله وبركاته

أخواني مادري يمكن البعض شاف حلقة فؤاد أنور في كل الرياضه ...

قسم بالله سامي كبير والله كبير

أتمنى لو تسمعوا ماذاقال سامي عن فؤاد

الله اكبر عليك ياسامي الكل تعاطف مع فؤاد بصراحه

انا كنت ضد فؤاد من خلال تصاريحه في الجرايد لكن بعد حلقة كل الرياضه

والله تعاطفنا مع فؤاد ياناس مظلوم فؤاد الله يعينه

المهم هو مداخلة الانسان والرياضي سامي عبدا الله الجابر

سامي تكلم عن معاناة فؤاد من خلال اصاباته في المنتخب وكيف تحامل على نفسه من أجل خدمة

الوطن أولا فكم مباراة دخل فيه فؤاد وهو مصاب وتحامل ورفض إلا اللعب وتكلم عن فؤاد وأخلاقه

رد فؤاد كان رائع عن الكبير سامي أنه شهادته مجروحه في سامي والكثير بصراحه

ولايستطيع أحد تقدير كلام سامي إلا من رأى الحلقه ......

آسف على سؤء النقل والتغطيه بس فرحان من مداخلة سامي .....

ابومنال · #2 15/10/2005, 02:28 AM

والله كل يوم سااااامي يكبر بعيني اكثر

احبك مووووووووووووو يا سامي ووووووووووت

مشكور اخوي على الموضوع

afa711 · #3 15/10/2005, 02:30 AM

وش فيه فؤاد كان يصيح ..؟؟؟

وش السالفه ياجماعه؟؟ انا سمعت سامي يمدح

بس فؤاد ليش يصيح؟

الهواء · #4 15/10/2005, 02:33 AM

ماأروعك ياسامي دايما كبير
بصراحة تعاطفت مع فؤاد
مالفت انتباهي عندما اراد فؤاد ان يشرح وجهة نظرة مع الامير خالد بن سعد وذكر الامير انه مشغول ومعزوم على السحور

عطــر الأمــاكن · #5 15/10/2005, 02:46 AM

انا شخصيا ما شفت مداخلة سامي لكني شفت بداية الحلقة

انا اشوف انه فؤاد مظلوم حقه

وهو افضل من سعيد البعير العويران

وفؤاد اعطى للمنتخب قبل الشباب

والله يرد حقه ان كان له حق

ويجازي الظالم

وسامي سيظل فخرا للوطن.........وطبيعي تشوفه في مثل هذي الامور

لانه يعرف الرجال

هلالية موووت · #6 15/10/2005, 02:47 AM

[align=center]كبير كبير ياسامي والله قهر ماشفته
بس بدون مانشوف المكالمه عارفين اخلاق سامي
تحياتي....[/align]

الهلال موتي · #7 15/10/2005, 02:47 AM

كبيــــر يــــا ســــامي أنا شفت التعليق ،،،

والقضيــه حلهـــا رئيس نادي الشباب قبل ثواني ،،

أبو الهلال · #8 15/10/2005, 02:57 AM

كبير يا سامى

العياضي · #9 15/10/2005, 02:58 AM

الكبير كبير يا سامي

ابو خلوودي · #10 15/10/2005, 03:08 AM

وش السالفه؟؟؟؟؟؟؟؟؟؟؟

الفيلــ15ـــسوف · #11 15/10/2005, 03:09 AM

الكبير كبير ياسامــي ..

========

اللي ماشاف الحلقــه ووده يدري وش السالفــه .. !!

القضيـــه والضجه اللي صارت اليوم بكل الرياضـــه ..

ان فؤاد أنــور كان مدرباً لفريق شباب الشبـــاب .. وراح ياخــذ دوره تدريبــه شهرين على حسابـه الخـاص .. ووافقـت الإداره عليـــه .. لكن تفاجأ يوم رجع انهـــم جايبيين مدرب بدالــه .. !!

وقالـولــه ياتصير مساعد للمدرب الجديد او أقضـــب الباب

.. وهو تفاجأ بهذا الموضوع وراح يشكي للإعـلام وطلع عبر الصحف ألــخ .. !

وهـو يقول ان المشكلــه ماهو بالقرار المشكلــه بالتعامل معــاي .. ويقول انا خدمت نادي الشبـاب وانا اول قائد شبابي ارفع الكأس .. وخدمة الوطن وسجلت اول أهـداف المنتخب بالمونديال 94 ..
ويوم صرت مدرب لفريق شباب الشباب وأروح اخذ دوره على حسابي الخـاص وأخرتهـا يجيبون مدرب بديل ..!!

وقال أيضــاً : لامـانع لدي أن اكـون مساعد مدرب بشــرط .. ان يكون المدرب الجديد مدرب عالمي .. ويكون أفضل مني بكثير مو أقل من مستواااي ,,

طبعاً ودخل ابو عبدالله عـ الخط .. وقعد يمدح بفؤاد

^
^
^
وهذا كل اللي صــار بإختصــار ..

سلااام

فيلسوف 15 · #12 15/10/2005, 05:29 AM

يعطيك مليووووووووووون عافية يا كابتن سامي الجابر في كلامك الرائع والمنطق والحكمه

في مدح الكابتن فؤاد أنور

أبو مريم ـ حائل · #13 15/10/2005, 08:17 AM

والله أن يوم أنا صغير كنت أشجع الهلال وفؤاد أنور أذكر هدفه بنلتي للحين أخبره
وللحين أنا من المعجبين به

لكن كبييييييييييييييير يا سامي

احساس سامي · #14 16/10/2005, 01:06 AM

أهلا وسهلا فيكم أخواني الاعزاء

وألف ألف ألف ألف شكر لكم على المرور ومنورين الموضوع والله

سامي لايختلف عليه اثنان ماشاء الله عليه والله كبير

الهواء والله إنك صادق مالها داعي تصريفة الامير خالد لفؤاد

المشذاب · #15 16/10/2005, 01:57 AM

ايقالكم جايبين شي جديد ..

هذا سامي .. ابو الاخلاق والفن والاحترام ..

وفؤاد اكيد ماراح ننسى اهدافه بالمونديال عام 94 ..

واكبر خطأ سواه انهاء مشواره بنادي الفقر..