نادي الهلال السعودي - شبكة الزعيم - الموقع الرسمي - أعضاء الشرف ما أخطأوا.. انتم المخطين ... واللوم عليكم انتم !!!!!

مرحبا

انا ما ألوم أعضاء الشرف

الواجب اللي عليهم أدوه ..

منتسبين لعضوية النادي ويدفعون 25,000 في السنة

رسميا ونظاميا هذا المطلوب ..

واللي يزيد من عنده فمشكور وما قصر وهو كريم والزعيم يستاهل

السؤال

كم واحد فيكم يا أعضاء الشبكة اللي عددكم تجاوز 100,000 ويا جماهير الهلال اللي عددكم بالملايين عضو في النادي ولو عضوية أم 300 ريال؟

وبعدين عضويتك بالنادي بحقها .. تستفيد من منشآت النادي .. يعني تحلل فلوسك

هذي ما عرفتولها

بس تقعدون على النت و تبون غيركم يدفع ملايين وينساها في ليلة دفعها .. يعني بدون أي عائد.. كأنه يقطها ببحر ..

اللي يعجز يشترك بالنادي ويعجز يدفع 300 ريال يحمل فيها بطاقة عضوية الفريق اللي يدعي أنه يحبه ماله أي وجه حق يلوم ويتفلسف على اللي يدفع 25,000 وينتسب للنادي اللي يشجعه رسميا

تبون 300 عضو شرف يشيلون ناديكم وانتم ملايين عجزتوا انكم على الأقل تصيرون أعضاء عاديين بالنادي؟

أصلا أغلبكم يعجز حتى أنه يحضر مباراة في الملعب

قبل لا تتكلم في أعضاء الشرف انت واياه وتحكي على ناس خدموا النادي من قبل لا يعرف البعض أنه يتهجى أسمه..

اسأل نفسك الأول.. انت وش قدمت؟

اذا جوابك ولاشي .. صفر .. زيرو .. بالله شوف لك موضوع ثاني غير اتهام أعضاء الشرف بالتخاذل مع انك متخاذل أكثر منهم .. وبلا بربرة زايدة

اللي يرد ياليت يقول اذا هو عضو في النادي ولا لا...

بصراحة .. ومع التفاؤل .. ما أتوقع عددهم يزيد عن 10!!