والله لو أني بالرياض ياحقوي أكيد كل مباراة بالملعب

والله أنا أحسد أهل الرياض

الله يعطيك العافية أخوي ابراهيم ..

وش نسوي احنا ياجمهور الزعيم في عنيزة :sad: .. مانقدر نحظر إلا المباريات الحاسمة ..

لكن العتب على جمهور الرياض اللي فشلونا أكثر من مرة
حضور مخيب للآمال ..

يعني فريق فايز بخمس بطولات متتالية .. وهذا الحضور ؟؟ أجل لو مثل غيرنا ماشمينا ريحة البطولات من سنين وش بتسوون ؟؟

الله يهديكم بس ..

وأتمنى نشوف حضور أفضل من هذا في المباريات القادمة ..

[align=center]هلا والله وغلا ابو الخل

ولو انك بغيت تطقنى اليوم بالمدرجات بس خل عنك الالتفاته قوووووووووية اليوم وياليت تكثر منها علشان كل واحد نايم يخاف يجي حول الرابطة ويحاول يروح يدور له على كورنر ثاني يرقد فيه .

اسد المدرجات وبكل اقتدار استطعت ان تضع للمدرج الهلالي طعماَ اخر غير الذي كنا نراه عليه فكل من نابح سواء في الصحف بالمنتديات او بالملعب فإنما هو انسان ناقص يبحث عن الكمال بسب غيرة اسد المدرجات الهلاليةثق ثقة تامة بإننا جميعاَ كجمهور هلالي ((( المخلص))) معك سواء داخل الملعب وخارجه .

الى كل من طالب الرابطة بان تقوم بفعل شيءَ معين بدل من ان تكتب ذلك توجة للملعب كحال غيرك وحاول ان تساعد على تطبيقه بدلاَ من جلوسك خلف الشاشة والقيام بالثرثرة الزائده بالمنتديات فالكلام ليس كالتطبيق .

قصرنا كثيراَ في لجنة الجمهور الهلالي وانا اول المقصرين كمشجع هلالي وكعضو في لجنة الجمهور ولاكن عزائي الوحيد هو بالتوجه بالشكر كل الشكر اولاَ للمهندس سعد الجريد عضو الشرف الهلالي والذي لم يقصر مع مجلس الجمهور الهلالي بشيء وثانياَ لابو عبداللة الاخ ياسر الطلاسي والاخ محمد ابولما والاخ عبدالرحمن السبيعي وولاخ عبدالعزيز القحطاني والاخ فيصل المطرفي والأخ فيصل العطيوي والأخ عمرو الضبعان (( ابو ريان)) ولأسد المدرجات الهلالية إبراهيم الحقوي ولجمعان الدوسري وزملائة بالرابطة الذين قدموا الكثير والكثير للمدرج الهلالي ولاكن كانت تقابل جهودهم بالثرثرة الزائدة بمواقع الانترنت والمنتديات الهلالية ليتنا وجدنا من يتكلم موجوداًَ مع الشباب على ارض الواقع ليشاهد الحقيقه المره وينصدم بالجمهور الهلالي

طالب اليوم الحقوي كل من لدية اقتراح بتوجيه اقتراحه له عن طريقة يوزره برسالة خاصه او ان يأتي للملعب ويلقيه عليه شخصياَ ويحاول المساعدة على تطبيقه .

شكرا ابراهيم فقد ابدعت في نهاية المباراة بكلماتك اللتي رددتها من أجل ابو سلطان والتي كان مضمونها سر يا اباسلطان ونحن معك .

]الحلم البعيد والصعب والذي مازلنا نحاول ان نطبقة هو ان نجد جمهوراَ واعيءَ يقف مع الرابطة ومجلس الجمهور من اجل الفريق الذي اسعدنا بخمس بطولات خلال اقل من سنه هجرية

انتهت المباريات الهلالية على ارض مدينتنا الغالية الرياض

فهل يكون تاريخ 10/10/1426هـ موعداَ جديدا لصنع مدرج هلالي مثالي يليق بزعيم الاندية الأسيوية وبطل بطولات الموسم الرياضي السعودي المنصرم.[/align]

ألف مبروووووووك الفوز للزعيم


وبالتوفيق للزعيم في مباراة القادمة امام نادي الأنصار من المدينة المنورة

الله يعطيكم العافية

فـ الفعل علامة تعجب كبيرة على الحضور

يعني الفريق يقدم اداء ممتاز لية مايكون فية جمهور

واعتقد ان المطالبين فـ هذة الحاجة كانوا يتابعون مباريات الصفيات الاوربية

هلا اخوي ابراهيم


والله جماهير الرياض ماادري وش فيها


اقسم بالله اني من شهر شعبان وانا ارتب لمباريات الهلال اللي بجده واللي بمكه خصوصا وأتمنى من كل قلبي انه يجي اليوم اللي يحضر فيه الزعيم لمكه والله أترك كل مشاغلي وأحضر لأجل الزعيم



أتمنى من جماهير الرياض مايتركون زعيمنا ويحضرون ويخلون عنهم التغلي ويعرفون انهم بنعمه والله أنتم بنعمه أنا يوم كنت بالرياض والله كنت يوميا بالنادي والله العظيم




تكفون لاتتركون الزعيم ..



مشكوووور اخوي ابراهيم انت والإخوان



أخوكم



راشد ..

يابوخليل والله ماقصرت ...

بس يابوخليل خلك واقعي بدام جمهور النديه الوربيه في بعض مباريات الدوري يكون الملعب فاضي بس مباريات الحاسمه يتسكر الملعب ....

وثاني شي يابوخليل جمهور الزعيم مايحضرون الا في اوقات الشده ولو فريقنا فريق من الانديه المكاويه الي مايفوزون الا بمساعدة الجمهور كان مدرج الهلال انقض لاكن عارفين الزعيم قدها وقدود وعارفين انه باذن الله بيفوز والاعبين كلهم ثقه لاكن الجمهور وهو الاسطور جماهير الزعيم ماترحم الافرقه لذلك مايطلعو الاوقت الحسم لكي تكون نكها وعلى فكره جمهور الزعيم اكبر قاعده جماهيريه في اسيا وماترحم ياكلون الاخضر واليابس اكله وحده ....


وموضوع ثاني

ياليت تخلي الرابطه مع ياكلك يرفعون العلم مثل طريقة الاهلي لين الحين ماظبطناه وياليت تشيل الطيران ويكون بس زيره وكثر من الزيره .............

ويعطيك العافيه يااسد اكبر قاعده جماهيريه في اسيا.............

ما ادري وش اقول يا أسد المدرجات

انا والله حاظر المباراه انا واثنين من العيال بس علمي علمك ما ادري ليش ما يحظروون مع ان المباراه يوم اربعاااااء

كلامك جميل جدا

الله يهديهم بس

والله يقهروني

يعني اتمنى انه في كل مباريات الدوري ما يقل الجمهور عن 15 الف بالكثير

والله شي طيب

بس اللي في الملعب اليوم ما يتعدون الفين

عالعموم لا تخاف يا ابراهيم

المشوار طويل

والمباريات القوية راح نبيضها

خاااااااااااصة مبارياتنا في الدوري مع الاتحاد والشباب و الاهلي والنصر <<< في استاد الملك فهد

ولا تنسى مباريات كاس ولي العهد

وايضا المربع الذهبي باذن الله

ودوري ابطال اسيا

يعني مباريات كثيييييييييرة جدا

فلا تكبرون الموضوع كثير عن الحضور


تحياتي

اخوي ابراهيم قسم بالله لو بيدي كان حضرت المباراة بس المشكله اني مو من سكان الرياض
والله جماهير ترفع الضغط يقترحون ولا يحضروون
على العموم اخوي ابراهيم مشكوور على الجهد الرائع اليوم
وبالتوفيق للزعيم

ماشاء الله تبارك الله ...

اليوم ابو خليل ماقصرت ... والله صوتك واضح واغانيك رائعه ...

الله يقويك يارب ... ومن حسن الى احسن ان شاء الله ..

أخوي إبراهيم

بعد السلام والتحيه


الجمهور يبغى فن وذووووق ومهاااارة مو النتيجه وبالعافيه


مشكوووور على كل حال